Éxodo 18:12 - Qullan Arunaka DC

¹² Jetró chachasti ukspachaw mä uywa katusin nakt'at wilañcha Diosar luqtäna, ukhamarak yaqha waxt'anakampi. Uka qhipatsti, Aaronampi, Israelan jilïrinakapampix Moisesan awkch'ipamp chikaw Diosan nayraqatapan manq'apxäna.

Aymar Bibliia 1986

¹² Moisesan Jetro awcch'ipajj mä uywa Diosaru sacrificio loktasin nact'ayäna, uqhamarac yakha ofrendanacampi uqhama. Aaronampi, israelanquir take jilïrinacampisti sarapjjänwa Moisesan awcch'ipampi cheka Diosan nayrakatapana mank'aniñataqui.

Qullan Arunaca

¹² Moisesan Jetro awcch'ipajj mä uywa Diosaru sacrificio loktasin nact'ayäna, uqhamarac yakha ofrendanacampi uqhama. Aaronampi, israelanquir take jilïrinacampisti sarapjjänwa Moisesan awcch'ipampi cheka Diosan nayrakatapana mank'aniñataqui.

Éxodo 18:12 Jak'a apnaqawi uñst'ayäwi

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 26:25

Ukhamasti Isaacax uka chiqan mä altar luräna, ukatsti Tatituruw art'asïna. Uka chiqarurakiw chhujllap sayt'ayäna, uywatanakapasti yaqha phuch'u allsupxarakïna.

Génesis 26:30

Ukhamasti Isaacax mä jach'a manq'äwi luräna, jupanakasti manq'apxäna, umapxarakïnwa.

Génesis 31:54

Ukxarusti Jacobux qullu patan mä wilañcha luqtäna, wila masinakaparus manq'añatakiw jawsarakïna. Jupanakasti taqiniw manq'apxäna, uka arumax qullun qhantatipxarakïna.

Génesis 4:4

Abelasti ovejanakapat suma lik'ïkis uk aparakïna, ukatsti Tatituruw luqtäna. Diosasti Abelan waxt'aparux sum katuqäna;

Génesis 43:25

Jupanakasti ukchañkamax churäwinak wakicht'apxäna, ukatsti Josean chikürutak puriniñap suyasipkäna, ukan jupanakamp manq'añap yatipxarakïna.

Génesis 8:20

Ukatsti jank'akiw Noé chachax Tatitutak mä altar lurt'äna, ukatsti q'uma animalanakata, jamach'inakatsa mayakam katüna, ukatsti Tatituruw mä nakt'ayat wilañcha luqtäna.

2 Samuel 9:7

Davidasti sarakïnwa: —Jan axsaramti, nayax Jonatán awkimat amtasitax laykuw jumarux wali sum uñjäma. Saúl achachilaman uraqinakap taqpach kuttayxäma, jichhat uksarusti naya chikapuniw manq'äwixan manq'asirakïta —sasa.

2 Crónicas 30:22

Uk uñjasasti, Ezequiasax levitanakar walpun jallallt'äna, jupanakan Tatitur yupaychañatak wali suma amtäwipa uñacht'ayapxatap layku. Jupanakax paqallq uruw kusisiñ chuymampi uruyapxäna, uruyäwin manq'asa, sumankañ waxt'äwinak luqtasa, nayra awkinakapan Tatit Diosapar yupaychasa,

Job 1:5

Uka manq'äwi qhipatsti, Job chachax wawanakap jawsayasinxa, wali willjtat sartasin nakt'at wilañchanak luqtirïna, ukhamat sapa mayni jupanakan juchanakapat q'umachatäñapataki, jupax chuymapan sänwa: “inampisa wawanakaxax jucha lurapxchi chuymanakapan Tatitur ñanqhachasina” sasa.

Job 42:11

Ukatsti taqi jilanakapa, kullakanakapaw jupar tumpt'ir sarapxäna, ukhamaraki nayra pacha uñt'at jaqinakasa; ukatsti utapan mä jach'a manq'äwi lurapxarakïna. Taqi jan walt'añanakapat Job chachar chuymachapxäna, kuna t'aqhisiñanaktix Tatitux jupxar apayankatayna taqi ukanakata; jupanakat sapa maynirakiw mä qawqha qullqimpi, mä quri anillompi jupar churapxäna.

Job 42:8

Jichhasti paqallqu urqu vacampi, paqallqu urqu ovejampi katupxam, ukatsti Job luqtirixan ukaru sarapxam, ukatsti nakt'ata wilañcha jumanakataki luqtapxarakim. Job luqtirixaw jumanakatak mayini, nayasti jupan mayitapxa ist'arakïwa, janiw kuna ñanqhsa jumanakarux lurapkämati, jumanakar mutuyañas wakiskchi ukasa, nayxat jan chiqapar qhanañchapxatam layku, kunjämtix Job luqtirixax qhanañchki ukhama” sasa.

Éxodo 18:13

Qhipärmanthisti, Moisesax israelitanakan jan walt'ayasiñanakap askichiriw qunt'asïna, jupanakasti Moisesan nayraqatapan willjtat jayp'ukamaw ukankapxäna.

Éxodo 2:16

Uka qhipatsti paqallqu tawaqunakaw uka chiqar purinipxarakïna, ovejanakapar umt'ayañatak uma waysuri. Jupanakasti Madián chiqankir Jetró sacerdoten phuchhanakapänwa.

Éxodo 2:20

Awkisti phuchhanakapar sänwa: —Jichhasti, ¿kawkinkarak uka jaqisti? ¿Kunatsa sapak jaytjanipxta? ¡Jawsanipxam, jiwasamp chika manq'asiñapataki! —sasa.

Éxodo 20:24

Laq'at nayatak mä altar lurarapipxita, uka altar patan jumanakan ovejanakamatsa, vacanakamatsa sumankañ nakt'at wilañchanak luqtapxitäta. Nayasti jutasin jumanakar aski waxt'äwinakamp phuqt'apxäma, kawkhanakantix nayan sutixan amtatäñap munkä ukkhanakana.

Éxodo 24:11

Ukampis Diosax janiw uka jilïr israelitanakarux kuns kamachkänti, jupanakasti Diosaruw uñjapxäna, ukatsti manq'apxänwa, umapxarakïnwa.

Éxodo 24:5

Ukatsti Israelit waynanakaruw khithäna urqu vacanak kharsupxañapataki, ukatsti Tatitur jach'añchañatak nakt'ayat wilañcha, sumankañ wilañchanak luqtapxañapataki.

Éxodo 3:1

Moisesax Jetró awkch'ipan ovejanakap awatïna, uka awkch'ipasti Madián chiqan sacerdotënwa. Mä urusti, Moisesax wasaranjam ovejanak anakïna, ukatsti Diosan Horeb sat qullupkamaw purïna.

Éxodo 33:7

Moisesasti campamentot jaya chiqaruw mä carpa uchäna, ukarusti Diosampi Jikisiñ Carpa sasaw sutichäna. Tatitur jiskt'asiñ munirinakaxa, Carparuw sarirïna, ukasti campamento anqäxankänwa.

Daniel (hebreo) 10:3

Uka urunakansti janiw nayax suma manq'anak manq'käyätti, aychsa, vinsa mallt'karakïyätti, janirakiw kuna suma q'apkir qullanakampis uchaskäyätti.

Números 10:29

Mä urusti, Moisesax warmipan jilaparuw jawsäna, ukasti Hobab satänwa, Reuel sat madianita chachan wawaparakïnwa, juparusti akham säna: —Tatitux churapkitani uka uraqiruw nanakax sarasipkta. Jutam, nanakamp chik saram, nanakax sum uñjapxäma, Tatitux arupampiw arsu Israel markar munasiñamp uñjañataki —sasa.

Lucas 14:1

Mä sábado urunsti Jesusax fariseonakan jilïripan utaparuw manq'ir saräna, mayni fariseonakasti wal uñch'ukisipkäna.

Lucas 14:15

Uk ist'asinsti, manq'añatak qunt'atäpkän ukanakat mayniw Jesusar säna: —Diosan qhapaq markapan jach'a manq'äwin manq'irix kusisiñaniwa.

1 Corintios 10:18

Israel markat amuyapxam: Wilañcha luqtat uywanakat manq'irinakaxa, Diosampi, altaran luqtapki ukanakampix mayakïpxiwa.

1 Corintios 10:21

Janiw Tatitun qirupat umasax supayanakan qirupat umapkasmati; janirakiw Tatitun manq'äwipan manq'kasax supayanakan manq'äwipan manq'apkasmati.

1 Corintios 10:31

Ukhamasti manq'apxamsa, umapxamsa, jan ukax kunsay lurapxam, Diosar jach'achañatak lurapxam.

Deuteronomio 12:7

Uka chiqan Tatit Diosaman nayraqatapan manq'apxäta, ukatsti wila masinakamamp chikaw kusisipxarakïta, irnaqäwinakamamp jikxatat achunakata, Diosaman aski waxt'äwinak jumanakar churatapata.

Deuteronomio 27:7

sumankañ wilañchanaksa luqtapxarakïta; ukatsti Tatit Diosam nayraqatan manq'apxäta, kusisipxarakïta.