Éxodo 17:15 - Qullan Arunaka DC

¹⁵ Moisesasti mä altar ukawja chiqar luräna, ukarusti “Tatituw nayan wiphalaxaxa” sasaw sutichäna,

Aymar Bibliia 1986

¹⁵ Ucat Moisesajj mä altara waquicht'asinsti “Tatituw nayan wiphalajjajja” sasaw sutichäna.

Qullan Arunaca

¹⁵ Ucat Moisesajj mä altara waquicht'asinsti “Tatituw nayan wiphalajjajja” sasaw sutichäna.

Éxodo 17:15 Jak'a apnaqawi uñst'ayäwi

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 12:8

Ukatsti Betel markat inti jalsu tuqiruw sarxäna, kawksantix qullunakax utjkän uksaru, uka chiqan chhujllanakap sayt'ayäna. Betel markat inti jalanta tuqiru, Ai markat inti jalsu tuqiru. Uka chiqansti Abram chachax yaqha altar lurt'äna, ukansti Tatituruw art'asirakïna.

Génesis 22:14

Uka chiqarusti Abrahamax akham sutichäna: “Tatitux kunatix wakiski ukxa churasiriwa” sasa. Ukat jichhakamaw ukawjax sutichatäski: “Tatitux qullupan kunatix wakiski ukxa churasiriwa” sasa.

Génesis 33:20

Ukatsti Jacobux mä altar luräna, ukarusti “Israelan Diosapa” sasaw sutichäna.

Salmos 60:4

4 (6) Arkirinakamarux mä chimpu churtaxa, mich'inakat jaltxapxañapatakiw churtaxa.

Éxodo 24:4

Ukat Moisesax kunanaktix Tatitux siskatayna ukanak qillqäna, qhipärmanthisti, wali willjtat sartasin jupax qullu kayur mä altar luräna, ukatsti tunka payan qalanak uchäna; Israelan sapa ayllunakapat mä qala uchäna.

Éxodo 27:1

“Ukatsti acacia lawat mä altar luräta, uka altarasti cajonäñapawa, pusi thiyanakapax pä metro pä tunka phisqan centimetroni; sayarusti mä metro pä tunka phisqan centimetroni.

Éxodo 32:5

Aaronasti uk uñjasinxa, vaca qallur uñtat ídolo nayraqatarux mä altar luräna, ukatsti jach'at markar sarakïna: —¡Arumanthix Tatitur jach'añchañatakiw phunchhäwi lurañäni! —sasa.

Jueces 6:24

Gedeonasti ukawjan Tatitur jach'añchasaw mä altar sayt'ayäna, ukarusti “Tatituw samarañaxa” sasaw sutichäna. Uka altarasti Ofrá markankaskiwa, Abiézer wila masi taman markapana.