Éxodo 16:31 - Qullan Arunaka DC

³¹ Apthapipkän uka t'ant'asti janq'ünwa, cilantro alin jathapar uñtata, misk'impi lurat t'ant'jam muxsarakïnwa. Israelitanakasti ukarux “maná” sasaw sutichapxäna.

Aymar Bibliia 1986

³¹ Israelitanacasti apthapipcäna ucarusti sutichapjjänwa maná sasa. Ucasti jank'önwa, cilantro sat alin jathapjama, uqhamarac misq'impi lurat sillp'a t'ant'jam lurataraquïnwa.

Qullan Arunaca

³¹ Israelitanacasti apthapipcäna ucarusti sutichapjjänwa maná sasa. Ucasti jank'önwa, cilantro sat alin jathapjama, uqhamarac misq'impi lurat sillp'a t'ant'jam lurataraquïnwa.

Éxodo 16:31 Jak'a apnaqawi uñst'ayäwi

Éxodo 16:14

Sullax wañsxäna ukkhasti, wasar uraq patxan qaqawarar uñtat jisk'a muruq'unakaw uñstäna.

Éxodo 16:15

Israelitanakasti janiw kunätapsa yatipkänti, ukat uk uñjasax maynit maynikam jiskt'asipxäna “¿Kunarak akasti?” sasa, Moisesasti jupanakar sänwa: —Akax t'ant'awa, Tatituw manq'añatak uk churapxtam.

Éxodo 16:30

Ukat jaqinakax paqallqüri urun samarapxäna.

Éxodo 16:32

Uka qhipat Moisesax markar säna: —Tatitux akham siwa: “Pä kilo maná t'ant'a mä phukhur uchapxam, wawanakaman wawanakapataki, jumanakar Egiptot irpsunisin wasaran manq'ayapksma uka manq'a jupanakan uñt'apxañapataki” —sasa.

Cantar de los cantares 2:3

Nayan munasitaxax chachanak taypin ch'uminkir quqanak taypin manzano quqar uñtatawa. ¡Kunja sumas nayatakix ch'iwipar qunt'asiñaxa! ¡Achupasti lakaxatakix sinti muxsarakiwa!

Deuteronomio 8:16

Ukatsti wasaran maná sat manq'a manq'ayapxtam, janiw nayra awkinakamas uka manq'a uñt'apkataynati, ukhamat jumanakar yant'añataki, llamp'u chuymanïñ yatiqapxañamataki, ukasti jumanakan askimatakirakïnwa.

Deuteronomio 8:3

Diosax t'aqhisiyapkchïyätam, manq'atsa awtjayapkchïyätam ukasa, jupax maná sat manq'añ manq'ayapxtam, uka manq'añsti janiw jumanakasa, nayra awkinakamas uñt'apkataynati, ukhamat jumanakan yatipxañamataki: jaqix janiw t'ant'a sapampiki jakkiti, jan ukasti Tatitun lakapat mistki uka arunakampiw jakaraki.