Éxodo 16:12 - Qullan Arunaka DC

¹² —Nayax israelitanakan arusitanakap ist'twa. Jupanakamp parlam, akham sarakim: “Jayp'thapirux aycha manq'apxäta, willjtarusti sist'asiñkamaw t'ant'a manq'apxarakïta. Ukhamat jumanakax yatipxäta nayan jumanakan Tatit Diosamätaxa” —sasa.

Aymar Bibliia 1986

¹² —Nayajj ist'twa israelitanacan jan wali parlapjjatanacapjja. Ucampis jumajj parlam aqham sasa: “Acat jayp'urusti jumanacajj aychwa mank'apjjäta, uqhamarac arumanthi alwatasti t'ant'araqui mank'apjjaraquïta sist'asiñcama. Uqhamatwa jumanacajj yatipjjäta nayajj jumanacan Tatitu Diosamätajj-jja.”

Qullan Arunaca

¹² —Nayajj ist'twa israelitanacan jan wali parlapjjatanacapjja. Ucampis jumajj parlam aqham sasa: ‘Acat jayp'urusti jumanacajj aychwa mank'apjjäta, uqhamarac arumanthi alwatasti t'ant'araqui mank'apjjaraquïta sist'asiñcama. Uqhamatwa jumanacajj yatipjjäta nayajj jumanacan Tatitu Diosamätajj-jja.’

Éxodo 16:12 Jak'a apnaqawi uñst'ayäwi

1 Reyes 20:28

Uka pachasti Tatitun mä profetapaw Israelan reyipan ukar saräna, juparusti sänwa: —Tatitux akham siwa: “Sirio jaqinakax sapxiwa: ‘Tatitux qullunakankir diosawa, janiw qhirwanakankir diosäkiti’ sasa, jichhasti nayaw uka jach'a ejercitorux amparamar katuyäma, ukhamat jumax yatïta nayan Tatitütaxa” —sasa.

Salmos 105:40

Manq'añ mayitaxa, khullunak apayanïna, alaxpach t'ant'ampiw sisarayäna.

Éxodo 12:6

Uksti aka phaxsi tunka pusin uru saraqat urukamaw imapxäta, uküruw jayp'u tuqiru Israelan taqpach jaqinakax sapa mayni uka uywa kharinukupxäta.

Éxodo 16:11

Tatitusti Moisesarux sänwa:

Éxodo 4:5

—Israelan jilïrinakap nayraqatan uka pachparak luram. Ukhamat iyawsapxani Abraham, Isaac, Jacob uka nayra awkinakaman Tatit Diosapan jumar uñstatapa —sasa.

Éxodo 6:7

Jumanakarusti nayan markaxaruw tukuyapxäma, nayaw jumanakan Diosamäyä. Ukhamat jumanakax yatipxäta nayan jumanakar wali ch'ama lurañanakamp egipcionakax t'aqhisiyapktam ukanakat qhispiyir Tatit Diosamätaxa.

Éxodo 7:17

Ukat Tatitux saraki: ‘Jichhaw yatïta nayan chiqa Tatit Diosätaxa.’ Aka thujruxamp jawir umar jisktkä ukkhaxa, umax wilaruw tukuni.

Jeremías 31:24

Judá uraqinkir jaqinakasti, markanakapankir jaqinakasa, yapuchirinakasa, uywa awatirinakasa ukan jakapxani.

Ezequiel 34:30

Ukapachaw jupanakax amuyasipxani, naya, Tatitu Diosapan jupanakampi chikäskataxa, Israel markasti nayan markaxätaparaki. Naya, Tatituw uk arsta.

Ezequiel 35:13

Naya tuqi jan wali arunak parlatamsa sum ist'arakta.

Ezequiel 39:22

Uka urut qhiparusti, israelitanakax yatipxaniwa, nayan Tatitu Diosapätaxa.

Joel 3:17

17 (17) “Jumanakax yatipxätawa, naya, Tatitu Diosamaxa Sión qullana qulluxan jakasktxa. Jerusalén markasti qullan markäxaniwa; janipuniw jayat jutir jaqinakax marka apnaqirix mantankxapxaniti.

Levítico 11:44

Nayätwa jumanakan Tatit Diosamaxa. Jumanakasti q'umachasipxañamawa, ukatsti qullanäpxañamarakiwa, nayan qullanätax layku. Janipuniw jumanakax kawkïri laq'unakatix uraqinjam qatatnaqtapki ukanakampix q'añuchayasipxätati.

Números 11:4

Israelitanak taypin yaqha markankir jaqinakaw utjatayna, jupanakasti manq'añatak llakisisipkäna. Israelitanakasti jupanak uñjasax jachapxarakïnwa, akham sasa: “¡Aychakis manq'añatak utjaspa!

Números 14:27

—¿Kunapachkamarak aka ñanqhar jichuntat israelitanakan parlatanakap isch'ukïsti? Niyaw ist'ta nayxat jan wali parlatanakapa.