Éxodo 15:21 - Qullan Arunaka DC

²¹ Mariasti akham sasaw q'uchüna: “Tatitusar jach'añchas q'uchupxam, atipjäwipax muspharkayawa, ¡caballonakarusa, jaqinakarus qutaruw jaqunti!” sasa.

Aymar Bibliia 1986

²¹ Ucatsti Mariajj aqham sasaw k'ochüna: “K'ochupjjam Tatitur jach'añchasina, jupasti ch'amapampi atipjasinwa carronacarusa, caballeriarusa kotaru jakontejja.”

Qullan Arunaca

²¹ Ucatsti Mariajj aqham sasaw k'ochüna: “K'ochupjjam Tatitur jach'añchasina, jupasti ch'amapampi atipjasinwa carronacarusa, caballeriarusa kotaru jakontejja.”

Éxodo 15:21 Jak'a apnaqawi uñst'ayäwi

2 Samuel 1:20

Gat chiqan jan khitirus yatiyapxamti, janirak Ascalón marka thakhinakansa parlapxamti, filistea warminakan jan kusisipxañapataki, Tatitur jan uñt'ir warminakan kusisiñat jan sink'usipkañapataki.

2 Samuel 6:14

Davidax taqi ch'amapampiw Tatit nayraqatan thuqt'asïna, efod sat lino isimpi isthapita.

2 Crónicas 5:13

Ukatsti taqpachaniw mayar tukutaki trompetanak phust'apxäna, ukhamaraki mayacht'asisa q'uchupxäna, Tatitur jach'añchañataki, yuspagarañataki, trompetanaka, platillonaka, yaqha toct'añ yänakamp toct'asa, akham sasaw q'uchupxarakïna: “Tatitur jach'añchapxam, jupax askiwa, munasiñapasti wiñayatakiwa” sasa. Tatitun utapasti ukapachax mä qinayampiw phuqhantasïna,

Salmos 76:6

6 (7) Jacobun Diosapa, axsarayañampikiw carronaka, caballonak sayantaytaxa.

Éxodo 15:1

Ukatsti Moisesampi, israelitanakampix Tatitur jach'añchasaw aka q'uchu q'uchupxäna: “Tatitur jach'añchasaw nayax q'uchü, atipjäwipax muspharkañawa: ¡carronaksa, caballonaksa qutaruw chhaqtayi!

Éxodo 15:4

Tatitux qutaruw jaqunti; faraonan carronakaparu, ejercitoparu; ¡Mar Rojo qutan, suma ajllit jilïrinakapas axskatapxi!

Apocalipsis 14:3

Jupanakasti mä machaq q'uchu q'uchupxäna qhapaq qunuñ nayräxana, uka pusi jakaskirinakan nayraqatapana, ukhamarak uka pä tunka pusin jilïrinakan nayraqatapana. Janiw maynis uka q'uchu yatiqirjamäkänti, jan ukasti patak pusi tunka pusin waranqa jaqinakakiw yatiqapxäna, ukanakasti uraqit irpsuta qhispiyatanakänwa.

Apocalipsis 15:3

Ukatsti Diosan luqtiripa Moisesan q'uchupampi, ukhamarak Corderon q'uchupampi q'uchupxäna, akham sasa: “Taqi ch'aman Tatit Diosay, luratanakamax jach'awa, muspharkayarakiwa. Markanakan Reyipa, sarnaqäwinakamax chiqapawa, askirakiwa.

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.

Jueces 5:3

¡Reyinaka, ist'apxita! ¡Marka apnaqirinaka, ist'apxita! ¡Nayax Tatituruw q'uchü! ¡Nayax Israelan Diosaparuw q'uchü!

1 Samuel 18:6

Kunapachatix soldado tamanakax Davidan uka filisteo jaqiru jiwayxatapat kutt'anxapxän ukkhaxa, Israelan taqpach markanakapatsti, warminakaw Saúl reyir katuqirix mistunipxäna, jayllisa, kusisiñatsa panderonakampi, platillonakampi thuqt'asisaraki.

1 Samuel 18:7

Ukham q'uchkasinsti, ukhamarak thuqkasinsa, warminakax jach'at sapxäna: “Saúl reyix waranqa jaqinak jiwarayi; Davidasti tunka waranqa jaqinak jiwarayaraki” sasa.