Éxodo 14:29 - Qullan Arunaka DC

²⁹ Ukampisa, israelitanakax quta taypi waña uraqinjam makhatapxäna, pä uma pirqa taypinjama, mayax kupïxana, mayasti ch'iqäxana.

Aymar Bibliia 1986

²⁹ Ucampis israelitanacajja kotjja maqhatapjjänwa waña orakenjama pä suma perka taypi, mayajja cupi tokena, mayasti ch'eka tokena uqhama.

Qullan Arunaca

²⁹ Ucampis israelitanacajja kotjja maqhatapjjänwa waña orakenjama pä suma perka taypi, mayajja cupi tokena, mayasti ch'eka tokena uqhama.

Éxodo 14:29 Jak'a apnaqawi uñst'ayäwi

2 Reyes 2:8

Ukat Eliasax patxa isip llawthapisinxa, ukampiw umar jisktäna, jawir umasti payaruw jaljtawayäna, ukatsti panpachaniw uka jawir waña uraqinjam makhatawayapxäna.

Nehemías 9:11

Nayra awkinakaxan nayraqatapanxa qutsa payaruw jaljtaytaxa, jupanakasti uka chiqxa waña uraqinjam makhatapxäna; ukampis jupanakar arktirinakarux quta manqhiruw utjantaytaxa, kunjämtix mä qalax uma manqhiru utjantki ukhama.

Salmos 106:9

Mar Rojo qutaruw tuqinuqäyätaxa, qutasti wañt'änwa, waña uraqinjam irpkatäyätaxa.

Salmos 136:13

Mar Rojo qutar payar jaljtayiriru, munasiñapax wiñayawa.

Salmos 78:13

lamar qutarux payaruw jaljtayäna, uka chiq jupanakarux makhatayäna, pirqanakar uñtat umanak sayt'ayäna.

Éxodo 14:22

Ukatsti israelitanakax waña uraqinjam quta makhatapxäna. Uma jaljtatasti pä jach'a pirqar uñtatänwa, mayax kupi tuqina, mayasti ch'iqa tuqina.

Éxodo 15:19

Faraonan carronakapampi, caballeriapampix qutar mantapkän ukapachaxa, Tatituw jupanakar umamp chhaqtayäna; ukampis israelitanakax waña uraqinjam quta makhatapxäna.

Éxodo 15:8

Wali q'apisitaw phust'taxa, umasti mayawjaruw qutuchasi; uma mathapinakasti pä pirqar uñtataw sayt'i; ¡quta manqha uraqisti jan unxtkiriw tukuraki!

Isaías 11:15

Tatitusti jupanakatakix Mar Rojo siski uka chiqa thakhi jist'arani; Éufrates jach'a jawirxaruw ch'amapampix luqxatani, mä jach'a thaya thayt'ayanini, uka thayaw paqallqu jisk'a jawiranakar jaljani, wiskhunakap jan apsusisakiw makhatapxani.

Isaías 43:2

Taqi jan walt'añanakamanxa, nayaw jumampiskä; jawiranaksa makhatawayaskätawa, janiw umampi axskatas jiwkätati; ninanjam sarakipañamächixa, janiw nakhantat uñjaskätati,

Isaías 51:10

Jach'a lamar qutsa jumaw wañt'ayta, uka qutanjam mä thakhi jist'arta, uka chiqaw markamax makhatawayi.

Isaías 51:13

Janiw armasipxätati, naya, Tatituw juman irnuqirimätxa, khititix alaxpachsa janatatki, uraqsa utt'aykaraki uka Tatituxa. Uñisirimarux jan axsarapxamti, jumar tukjañatak wakichasiskchi ukasa. Nayan ch'amax nayraqatansti, uka phiñasiñapax jan kunatakiw tukusini.

1 Corintios 10:1

Jilatanaka, nayax jumanakan amtapxañam munta: Nayra awkinakasax mä qinayan ch'iwxatataw Mar Rojo sat quta taqpachan makhatapxäna.