Éxodo 14:25 - Qullan Arunaka DC

²⁵ ukhamarus carronakapan ruedanakap q'iwiräna, ukhamat k'achak sarapxañapataki. Ukham uñjasin egipcionakax sapxäna: —¡Israelitanakat jaltxañäni, Tatitupaw jupanak lanti jiwasamp nuwasiski! —sasa.

Aymar Bibliia 1986

²⁵ Uqhamarac carronacapan ruedanacapsa k'ewiraraquïnwa, ucatsti wali c'achaquiw sarapjjäna. Uqham uñjasinsti egipcionacajj sapjjänwa: —Jaltjjañäni, israelitanacatjja, Tatituw jupanac lantejja jiwas contra nuwasini —sasa.

Qullan Arunaca

²⁵ Uqhamarac carronacapan ruedanacapsa k'ewiraraquïnwa, ucatsti wali c'achaquiw sarapjjäna. Uqham uñjasinsti egipcionacajj sapjjänwa: —Jaltjjañäni, israelitanacatjja, Tatituw jupanac lantejja jiwas contra nuwasini —sasa.

Éxodo 14:25 Jak'a apnaqawi uñst'ayäwi

2 Crónicas 20:29

Tatitun Israelan uñisirinakapampi nuwasitap yatisax, taqi markanakaw Diosarux axsarapxäna.

Nehemías 4:14

14 (8) Nayasti jupanakan axsarayasipxatap uñjasin jilïrinakaru, marka apnaqirinakaru, taqi jaqinakamppacharuw sayt'asisin akham sista: “Jan axsarapxamti. Amtasipxam, Tatitux jach'a ch'amaniwa, axsarkañarakiwa; jumanakax nuwasipxam masinakam layku, wawanakam layku, warminakam layku, utanakam laykuraki” sasa.

Nehemías 6:16

Uñisirinakaxax ukanak yatisinxa, nanak jak'ankir markanakax wal axsarayasipxäna, p'inqachjataw uñjasipxarakïna; jupanakan aka luräwix Tatitun yanapapamp phuqhasitap yatipxatap layku.

Nehemías 9:11

Nayra awkinakaxan nayraqatapanxa qutsa payaruw jaljtaytaxa, jupanakasti uka chiqxa waña uraqinjam makhatapxäna; ukampis jupanakar arktirinakarux quta manqhiruw utjantaytaxa, kunjämtix mä qalax uma manqhiru utjantki ukhama.

Job 11:20

Ukampis ñanqha lurir jaqinakax, inamayakiw yanap thaqhani; janiw kawkhar imantasiñsa jikxatapkaniti, suyt'añapasti jiwañakïxaniwa.

Job 20:24

Hierrot lurat jiwayañ yänakatsa jaltaskaniwa, broncet lurat mich'inakaruw jalt'ani.

Job 27:22

jaltañ munaskani ukasa, jan khuyapt'ayasisaw jupatak thayt'anini.

Salmos 35:1

Tatay, nayar nuwirinakampix jumay nuwasim; nayampi ch'axwirinakampix jumay ch'axwam.

Salmos 46:9

9 (10) aka uraq tukuskamaw nuwasiñ t'akurayi; mich'i antutt'añanak jisk'a jisk'a p'akinuqi, lanzanak t'unarpayi, ¡nuwasiñ carronaksa ninampiw phichhantaraki!

Salmos 68:12

12 (13) “¡Reyinakampi, nuwasir tamanakapampix jaltxapxiwa!” sasa. Warminakax utanakapan katuntat yänak jalanuqasipxäna, uñisirinakat aparapkatayna uka yänaka,

Salmos 76:6

6 (7) Jacobun Diosapa, axsarayañampikiw carronaka, caballonak sayantaytaxa.

Éxodo 14:14

Jumanakax jan llakisipxamti, Tatituw jumanak lanti nuwasiskani —sasa.

Éxodo 14:18

Kunapachatix faraonampiru, taqpach ejercitopampiru, ukhamarak carronakaparus nayan ch'aman kankañax uñacht'aykä ukapachaw Egipcio jaqinakax nayan Tatitütax yatipxani —sasa.

Éxodo 14:4

Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna.

Éxodo 15:3

Tatitux ch'aman nuwasiriwa. Sutipax Tatituwa.

Isaías 31:4

Tatitusti sarakituwa: “Kunjämtix mä leonax mä oveja jiwayixa, ukatsti janiw awatirinakapax axsartaykiti, taqpachanisay tantacht'asiskpan, arnaqatanakapampis axsartayañ munasipkpan, ukhamarakiw taqi ch'amani Tatitux jutani Jerusalén markan jakirinakar arxatiri.

Jeremías 51:21

Jumampiw caballonaksa, jaqinakapsa, nuwasiñ carronaksa t'unjarakta.

Amós 1:14

Ukat Rabá markan uyunakap ninampi phichkatä, jach'a utanakapasa qhillar tukuñkamaw nakhantani, ukasti nuwasiñ uruna, arnaqasiñanak taypin jach'a thaya urun lurasini.

Amós 5:19

Kunjämatix mä jaqix leonan nayraqatapat jaltkasax mä osompirak jalthapki ukhamäniwa, jan ukax, maynix utapar mantasin amparap pirqar aykatasa katarimpi mich'intayaski ukhamäniwa.

Amós 9:1

Tatiturux altar jak'ankaskir uñjta, jupasti situwa: “Uta pirqar k'uphantam piläranakap unxtayañkama; ¡ukhamat jaqinakxar allxattasin jiwaraypan! Qhiparapkani ukanakarusti espadampiw jiwarayä: inakiw jaltañsa munasipkani, janipuniw maynis qhispkaniti;

Deuteronomio 1:30

Tatit Diosamaw jumanakan nayräxam saraski, jumanakat arxatasisaw nuwasirakini, kamisatix Egipto markan lurir uñjapxta,

Deuteronomio 3:22

Uka markanakar jan axsaramti, juman Tatit Diosamaw jumanakat arxatasis nuwasiskani’ sasa.

Deuteronomio 32:31

“Uñisirinakasax sum yatipxi, jupanakan arxatiripax janiw arxatirisjamäkiti.

Josué 10:14

Uka urur uñtatax janipuniw utjkänti, janirakiw jichhas utjkaniti, kunjämtix Tatitux uka urun mä jaqin mayisitaparu jayskäna ukhamxa, Tatituw Israel markar arxatasa nuwasiskäna.

Jueces 4:15

kunapachatix Barac chachampi soldadonakapampix nuwantapkän ukhhasti, Tatitux Sísara chachan carronakap taypina, soldadonakap taypin jan walt'asiñ utjayäna; Sísara pachpaw axsarañat carropat saraqawayasinxa, kayukiw jaltxäna.