Éxodo 14:16 - Qullan Arunaka DC

¹⁶ Jumasti, thujrum aytam, qutxar amparam luqtasin payar jaljtayam; ukhamat israelitanakax uka taypi waña uraqinjam makhatapxani.

Aymar Bibliia 1986

¹⁶ Ucampis jumajja amparamaru jach'a thujruma ayjjarusinjja kotjjaru loktam, ucatsti uca kotjja payaruw jaljtayäta, ucanjam israelitanacajj maqhatapjjañapataqui waña orakenjama.

Qullan Arunaca

¹⁶ Ucampis jumajja amparamaru jach'a thujruma ayjjarusinjja kotjjaru loktam, ucatsti uca kotjja payaruw jaljtayäta, ucanjam israelitanacajj maqhatapjjañapataqui waña orakenjama.

Éxodo 14:16 Jak'a apnaqawi uñst'ayäwi

2 Reyes 4:29

Ukat Eliseox Guehazí uywatapar säna: —Wakicht'asim, nayan thujrux apxarum, ukatsti kawkhankkitix wawax ukar saram. Thakhintix khitimpis jikisïta ukaxa, janiw aruntätati; jumar aruntirirusti janiw jaysätati. Purisasti, wawan ajanupxaruw nayan thujrux uchäta —sasa.

Éxodo 14:15

Tatitusti Moisesar sänwa: —¿Kunatsa nayar yanap mayiskista? ¡Israelitanakar sarantayaskakim!

Éxodo 14:26

Tatitusti Moisesarux sänwa: —Amparam qutxar luqtam, uman wasitat mayachasxañapataki, ukatsti egipcionakampiru, carronakapampir chhaqtayañapataki —sasa.

Éxodo 17:5

Tatitusti Moisesar sänwa: —Markan nayraqatapar sayt'asim, ukatsti Israelan jilïrinakap jumamp chik irpam. Nilo jawirar jawq'antktas uka thujrum ayxarusirakim, ukat sarantam.

Éxodo 17:6

Nayasti khaya Horeb sat qullun mä qarqa patan suyäma. Uka qarqar jach'a thujrumamp jisktkät ukkhasti, umaw ukat mistunini, jaqinakan umt'apxañapataki —sasa. Moisesasti Israelan jilïrinakap nayraqatan ukham luräna.

Éxodo 4:17

Thujrum apasïta, ukampiw jumax kunayman muspharkañanak luräta.

Éxodo 4:2

Ukat Diosax sarakïna: —¿Kunas amparamanki? —sasa. Moisesasti sänwa: —Mä thujruwa —sasa.

Éxodo 4:20

Moisesasti, warmipampiru, wawanakapampir mä asnor qunxatayasin Egipto uraqir kutt'äna. Amparaparusti Diosan thujrup ayxarusiwayarakïna.

Éxodo 7:19

Tatitux Moisesar parlaskakïnwa: —Aarón jilamar akham säta: “Thujrum ayxarusin luqtam, Egiptonkir taqi umanakxaru, jach'a jawiranakankiri, jisk'a jawiranakankiri, tantat umanakankiri, taqi kunanakatix umanïki ukxaru, uka umanakan wilar tukuñapataki. ¡Ukhamarak lawata, qalat lurat wayuchanakan uchat umanakas wilar tukuñapataki!” —sasa.

Éxodo 7:9

—Faraonatix “mä muspharkañ luräwi lurapxam” sapxätam ukaxa, jumax Aaronaruw säta: “Thujrum faraonan nayraqatapar liwnuqam” sasa, ukhamat uka thujrux mä katarir tukuni —sasa.

Isaías 10:26

Naya, Taqi ch'amani Tatituw jupanakarux mutuyä, kunjämtix Madianitanakarux Oreb qarqa jak'an tukjkta ukhama, Asiriatakisti ch'amax uñacht'ayarakï, kunjämtix Egiptotakix uñacht'aykta ukhama.

Habacuc 3:8

Tatay, ¿jawiranakatakix phiñasitätati, jach'a qutanakatakis phiñasitätacha? ¿Ukatti caballonakamar kachxatat jaltaxa, ukatcha atipt'ir carromarus qunt'astaxa?

Números 20:11

Uka arunak arsusasti, Moisesax amparap aytäna, ukatsti pä kutiw qarqar thujrump jisktäna, ukatsti walja umaw jalsüna. Ukat jaqinakampi, uywanakampix umarapxäna.

Josué 8:18

Ukatsti Tatitux Josué chachar sänwa: “Ai marka tuqir lanzam aytam, nayaw amparamar katuyäma” sasa. Josué chachasti amparap aytasin marka tuqiruw lanzap uñtayäna.