Éxodo 13:18 - Qullan Arunaka DC

¹⁸ Ukat Tatitux israelitanakar wasaranjam Mar Rojo qutar sarki uka thakhinjam muytayäna. Israelitanakax mä ejercitor uñtataw Egiptot mistsuwayapxäna.

Aymar Bibliia 1986

¹⁸ Ucatwa wasaranjama muytayäna Mar Rojo sat kotaru sarqui uca thaquinjama. Israelitanacajj Egiptotjja wali armantataw mistsuwayapjjäna.

Qullan Arunaca

¹⁸ Ucatwa wasaranjama muytayäna Mar Rojo sat kotaru sarqui uca thaquinjama. Israelitanacajj Egiptotjja wali armantataw mistsuwayapjjäna.

Éxodo 13:18 Jak'a apnaqawi uñst'ayäwi

Génesis 50:25

Ukatsti Israelan wawanakaparux mä juramento lurayäna, sarakïnwa: “Chiqpachansa Diosaw jumanakar yanapt'ir jutani. Uka urusti jumanakax nayan ch'akhanakax akat apasxapxätawa” sasa.

Salmos 107:7

Chiqa thakhiruw jupanakarux irpxatäna, jakañ markaruw irpäna.

Salmos 136:16

Wasar chiq markapar irpiriru, munasiñapax wiñayawa.

Salmos 68:8

8 (9) uraqix khathatïnwa, jallux alaxpachat purintäna, Sinaí qullux Diosan nayraqatapan khathatïna; Israelan Diosap nayraqatan axsaräna.

Éxodo 12:51

Ukürpachaw Tatitux Egipto uraqit israelitanakarux mä ejercitor uñtat irpsunïna.

Éxodo 14:2

“Israelitanakar akham yatiyam: kuttanipxpan ukatsti Pi-hahirot sat chiqa uñkatasir purintapxpan, Migdol chiqampi, qutampi mayachaski uka taypiru, Baal-sefón chiqa uñkatasiru.

Éxodo 14:9

Egipcionakax taqpach ejercitopampi, carronakampi, caballeriapampi ukhamaw israelitanakar arktir mistuwayapxäna. Jupanakarusti quta thiyankaskiriruw jikxatapxäna, Pi-hahirot chiqa jak'ana, Baal-sefón chiqa uñkatasina.

Deuteronomio 17:16

Ajllitäkani uka reyisti janiw walja caballonak alañapäkiti, janirakiw jaqinaksa Egipto markar khithañapäkiti caballeriap yapxatañatakixa; Tatitusti jumanakarux sapxtamwa: ‘Jan mayampis uka thakhinjam kuttapxamti’ sasa.

Deuteronomio 32:10

Diosax wasaran jupanakar jikxatäna, thayan jawq'suta waña uraqina, amparaparuw jupanakar qhumxarusïna, jupanakar yaticharakïnwa, pachpa nayraparjamaw sum uñjäna.

Josué 1:14

Warminakamsa, wawanakamsa, uywanakamsa Jordán jawirat akkataru, kawkharutix Moisesax uraqi churapxtam uka chiqaru jaytasiwayapxam. Ukampis kawkïri chachanakatix nuwasiñatak wakicht'atäpkta ukanakasti nuwasiñ yänakam apxarusisin jilanakamar yanapt'añatak sarxarupxam,

Josué 4:12

Ukatsti kunjämtix Moisesax arsuwaykatayna ukhamarjamaw Rubén, Gad, ukhamarak Manasés ayllun chikat jaqipat nuwasir jaqinakax jawir khurkataru makhatapxarakïna. Jupanakasti nuwasiñ yänakani wakicht'atkamakiw makhatapxäna, ukatsti maynïr israelitanakan nayräxap sarapxäna.

Josué 4:13

Niya pusi tunka waranqa chachanakaw nuwasiñatak wakicht'ata, Tatitun arust'awi arcap nayraqatan sarakipapxäna, ukatsti Jericó pampanak tuqiruw mistuwayapxäna.