Éxodo 13:17 - Qullan Arunaka DC

¹⁷ Faraonax israelitanakar antutkän ukapachasti, Diosax janiw filisteonakan uraqipar sarki uka thakhinjam jupanakar irpkänti, uka thakhix chiqak sarkchïn ukasa. Jupax amuyänwa: nuwasiñatix utjaspa ukax israelitanakax janiw nuwasiñ munapkaspati, jupanakax axsarañat Egiptorukiw kutt'añ munxapxaspa, sasa.

Aymar Bibliia 1986

¹⁷ Cunapachatejj faraonajj israelitanacar sarjjer antutjjäna ucqhasti, Diosajj janiw filisteonacan marcaparu sarqui uca thaquinjam irpcänti, uca thaquisti chekaquiw saräna. Jupasti amuyänwa israelitanacajja janiw nuwasiñ munapcaspati, cuna ratotejj nuwasiñajj utjcaspa ucqhajja, jan ucasti Egiptoruquiw cutt'aniñ munjjapjjaspa uca.

Qullan Arunaca

¹⁷ Cunapachatejj faraonajj israelitanacar sarjjer antutjjäna ucqhasti, Diosajj janiw filisteonacan marcaparu sarqui uca thaquinjam irpcänti, uca thaquisti chekaquiw saräna. Jupasti amuyänwa israelitanacajja janiw nuwasiñ munapcaspati, cuna ratotejj nuwasiñajj utjcaspa ucqhajja, jan ucasti Egiptoruquiw cutt'aniñ munjjapjjaspa uca.

Éxodo 13:17 Jak'a apnaqawi uñst'ayäwi

1 Reyes 8:47

ukatsti kawkha jaya markarutix apanukut uñjaskani ukkhatpach jumar makhatxapxätam, achikt'asipxarakïtam jucha luratanakap uñt'asisa,

Nehemías 9:17

Kuna jach'a luräwinaktix jupanak layku lurkta uk janiw jupanakax ist'añ munapkänti, janirakiw amtañsa munapkänti. Jupanakax chuymanakap qalarayasisax mä jilïri ajllisipxäna, Egiptor wasitatampi t'aqhisiyatäñaru irpañapataki. Ukampis jumax pampachasir Tatitütawa, munasiri, khuyapayasir Tatitütawa, llamp'u chuymanïtawa, janiw jank'ak phiñasktati, munasiñamax jach'awa, ukat jupanakar jan jaytanukktati.

Éxodo 14:10

Israelitanakax faraonampir egipcionakampir jak'achasinir uñjasax wal axsarayasipxäna, ukat Tatitur art'asipxäna.

Hechos 15:38

Ukampis Pablox janiw Juan Marcosarux irpañ munkxänti, nayra saräwin jupanakamp sarkasin jupax Panfiliat kuttanxatayna, janiw jupanakamp chik irnaqirix sarkxataynati uka layku.

Hechos 7:39

“Ukampis nayra awkinakasax janiw juparux jaysañ munapkänti, jan ist'iriw tukupxäna, chuymanakapan Egiptor kutt'xañak munxapxäna.

Deuteronomio 17:16

Ajllitäkani uka reyisti janiw walja caballonak alañapäkiti, janirakiw jaqinaksa Egipto markar khithañapäkiti caballeriap yapxatañatakixa; Tatitusti jumanakarux sapxtamwa: ‘Jan mayampis uka thakhinjam kuttapxamti’ sasa.

Deuteronomio 20:8

“Ukatsti jilïrinakax ejercitonkirinakar sasipkakiniwa akham sasa: ‘Jumanakat khititix axsarayaschi, ch'amapsa jiwt'ayasirakchi ukax, utapar sarxpan jan mayni jilanakapar llajllasiyañapataki’ sasa.

Deuteronomio 28:68

Tatitux barconakat Egiptorux kuttayätam, jupax ‘janiw uka thakhinjam kuttätati’ siskchïyätam ukasa; ukatsti uñisirinakamaruw aljätam jupanakan t'aqhisiyat luqtiripäñamataki; ukampis janiw khitis jumar alasiñ munkaniti.”

Hebreos 11:27

Iyawsäwi laykurakiw Moisesax Egipto markat sarxäna, reyin thithitapar jan axsarasa; kuntix amtkän uksti amtapunïnwa, jan uñjkay Diosarus uñjkaspa ukhama.

Jueces 7:3

Jichhasti jaqinakar yatiyam, khitinakatix llajllasipki ukanakax utanakapar sarxpan” sasa. Ukhamat Gedeonax uk yatiñataki jaqinakar yant'äna, ukatsti pä tunka payani waranqa jaqinakaw sarxapxäna, tunka waranqa jaqinakakiw qhiparapxäna.