Éxodo 12:9 - Qullan Arunaka DC

⁹ Ukampis janiw mä jisk'sa ch'uqpach manq'apxätati, janirakiw umar qhathitsa manq'apxätati. Uka uywan p'iqipasa, chhuchhullinakapasa, jiphillanakapas ninar kankatäñapawa,

Aymar Bibliia 1986

⁹ Ucampis janiw cunsa ch'okpach mank'apjjätati, ni umaru khathitsa, jan ucasti ninaruw cancapjjäta p'ekepsa, chhuchhullinacapsa, jiphillanacapsa.

Qullan Arunaca

⁹ Ucampis janiw cunsa ch'okpach mank'apjjätati, ni umaru khathitsa, jan ucasti ninaruw cancapjjäta p'ekepsa, chhuchhullinacapsa, jiphillanacapsa.

Éxodo 12:9 Jak'a apnaqawi uñst'ayäwi

2 Crónicas 35:13

Ukxarusti Pascua uruyañatakix uywanakan aychap kankantapxäna, kunjämatix qillqatäki ukhamaru; ukxar qullan waxt'äwinaksti phukhunakaru, calderonakaru, sartenanakaruw qhatiyapxäna, ukat ukanak mäkiw taqi jaqinakar lakirapxäna.

Éxodo 12:8

Uka arumasti uka aycha manq'apxäta, ninar kankata, jan levaduran t'ant'ampi, jaru ch'uxña alinakampi.

Éxodo 29:13

Ukatsti jiphillanakatsa, k'iwchatsa, maymurunakatsa lik'inakap apaqäta, ukatsti altarxaruw nakt'ayäta;

Éxodo 29:17

ukxarusti jisk'a jisk'a kharinuqäta, ukatsti jiphillanaksa, chhuchhullinaksa jariqasin, jisk'a jisk'a kharinuqatampi, p'iqimp kuna mayarukiw uchäta.

Lamentaciones 1:13

Tatitux alaxpachatpach mä nina apayani ukasti ch'akhanakkam nayarux naksutu; saräwixarusti mä sipit uskuraki, ukampisti qhiparuw kuttayitu; nayarux q'al apanukutu, t'aqhisiñaxas jan tukuskayawa.

Levítico 1:9

Khititix luqtkani ukasti uka uywan jiphillanakapsa, chhuchhullinakapsa umampiw jariqañapa, uksti sacerdotew altarxar taqpach nakhantayani, Tatitutak mä suma q'apkir luqtäwïñapataki.

Deuteronomio 16:7

Luqtat aychxa qhatiyapxätawa, ukatsti kawkha chiqtix Tatit Diosamax ajlliskani ukan manq'apxarakïta, qhipärmanthi willjtasti utanakamaruw kuttawayxapxäta.