Éxodo 12:49 - Qullan Arunaka DC

⁴⁹ Aka kamachisti taqitakiwa, markas taypin yuripki ukanakataki, ukhamarak jumanak taypin jakapki uka yaqha markankir jaqinakataki” sasa.

Aymar Bibliia 1986

⁴⁹ Aca leyisti taketaquiwa, marcas taypin nasqui ucanacataqui, uqhamarac jumanac taypin jacapqui uca yakha marcanquir jakenacataqui.”

Qullan Arunaca

⁴⁹ Aca leyisti taketaquiwa, marcas taypin nasqui ucanacataqui, uqhamarac jumanac taypin jacapqui uca yakha marcanquir jakenacataqui.”

Éxodo 12:49 Jak'a apnaqawi uñst'ayäwi

Éxodo 12:50

Israelitanakasti kunjämtix Tatitux Moisesampiru, Aaronampiru siskatayna ukhamarjamaw taqi lurapxäna.

Levítico 19:34

Jumanakat maynïrïkaspas ukham uñjapxam; jupanakarux jumanakjam jaqïtapat munasipxam. Ukhamarus jumanakax Egiptonxa, jaya markat jutir jaqinakjamäpxayätawa. Nayätwa jumanakan Tatit Diosamaxa.

Levítico 24:22

“Aka kamachisti yaqha markat jutirinakataki, ukhamarak pachpa israelitanakatakïniwa. Nayätwa jumanakan Tatit Diosamaxa.”

Números 15:29

Mä pachpa kamachikiw utji, israelitanakatakisa, jumanak taypin jakir yaqha markat jutir jaqitakisa, mä jaqitix jan amuyaskasin pantjaskan ukapacha.

Números 35:15

Uka suxta markasti imantasiñ markanakäniwa, israelitanakatakisa, yaqha markat jutasin jumanak taypin jakir jaqitakisa. Uka markanakan imantasini, khiti jaqitix jan jiwayañ amtampi jaqi masipar jiwaykani ukaxa.

Números 9:14

“Jumanak taypin jakasir jaya markat jutir jaqinakax, Pascua uruyapxarakiniwa, nayar jach'añchasa, kawkïr yatichäwinaktix churkta ukhamarjama. Uka yatichäwinakax yaqha markat jutir jaqinakatakisa, pachpa markan yurir jaqinakatakis pachpakïniwa.”

Gálatas 3:28

Tatit Jesucristor mayachatäxasin, janiw judío jaqïñasa, griego jaqïñasa, t'aqhisiyat jaqïñasa, antutnukut jaqïñasa utjkxiti, chachasa, warmisa yaqhäkiti; taqi jumanakax mayakïxapxtawa.

Colosenses 3:11

Jichhax janiw wakiskirïkxiti judío jaqïñasa, griego jaqïñasa, circuncisión katuqat jaqïñasa, janirakiw wakiskirïkxiti jaya jaqïñasa, jan amuyt'anïñasa, uywat jaqïñasa, jan uywat jaqïñasa; jan ukasti Cristow taqi kunaxa, jupaw taqi kunankaraki.