Éxodo 12:43 - Qullan Arunaka DC

⁴³ Tatitusti Moisesampiru, Aaronampiruw säna: “Pascua uruyañatak aka kamachinak phuqhapxäta: Janiw khiti jaya markankir jaqis wilañcha luqtat uywa manq'añapäkiti.

Aymar Bibliia 1986

⁴³ Tatitusti Moisesampiru, Aaronampirojj sänwa: “Acawa leyejj Pascua toketjja: Janiwa qhiti jaya marcanquir jakesa, uca sacrificio loktat uywjja mank'añapäquiti.

Qullan Arunaca

⁴³ Tatitusti Moisesampiru, Aaronampirojj sänwa: “Acawa leyejj Pascua toketjja: Janiwa qhiti jaya marcanquir jakesa, uca sacrificio loktat uywjja mank'añapäquiti.

Éxodo 12:43 Jak'a apnaqawi uñst'ayäwi

2 Crónicas 30:18

Ukatakisti Efraín, Manasés, Isacar, Zabulón ayllunkirinakat waljaniw jan q'umachasipkataynati, ukhamäkasasa Pascua manq'äwinkapxänwa. Ukampis Ezequiasax jupanakatakiw Tatitut mayïna akham sasa: “Khuyapayasir Tatay, taqi khitinakatix jumaru chiqa chuymampi thaqhapktam ukanakarux pampachamaya,

Éxodo 12:11

Ukhamarusa, jank'akiw manq'apxäta, isinakamampi isthapita, kayunakamarus wiskhumpi wiskhuntata, amparamansa thujru ayt'ataraki, Tatitun Pascua urupätap layku.

Éxodo 12:48

Ukampisa, mayni yaqha markankiritix jumanak taypin jakchi, ukat Tatitur jach'añchas Pascua uruyañ munchi ukapachaxa, wakisiw utapankirinakan taqpach chachanaka circuncisión katuqasin uruyañapa, markasan yurirïkaspas ukhamäniwa. Circuncisión jan katuqirinakasti janiw uka uywa manq'añapäkiti.

Ezequiel 44:7

Jumanakax utaxar yaqha markanakankir jucharar jaqinak irpantasaw nayan utax takisipxtaxa; amuyunakapansa, janchinakapansa jan nayampi arust'äwi chimpuxa apapki uka jaqinakaru; wilañcha luqtat uywanakan lik'inakapa, wilanakap nayaru luqtasaw nayan utax takisipxtaxa, nayampi lurata arust'äwsti axtaskañ luräwinak lurasaw takisipxaraktaxa.

Levítico 22:10

“Janipuniw yaqha jaqix kunatix qullanäki ukanakat manq'añapäkiti. “Sacerdoten qurpachatapäpasa, irnaqiripäpasa, janipuniw uka qullan manq'anakat manq'apxañapäkiti.

Levítico 22:13

Ukampis ijma warmïxchi, chachapamp jaljtatäxchi, janirak wawanïkchi, awkipan utaparus sapäkaspas ukham kuttanxchi ukkhakiw awkipan manq'añapat manq'aspaxa. Ukatsipana janipuniw yaqha jaqinakax uka manq'at manq'añapäkiti.

Números 9:14

“Jumanak taypin jakasir jaya markat jutir jaqinakax, Pascua uruyapxarakiniwa, nayar jach'añchasa, kawkïr yatichäwinaktix churkta ukhamarjama. Uka yatichäwinakax yaqha markat jutir jaqinakatakisa, pachpa markan yurir jaqinakatakis pachpakïniwa.”

Efesios 2:12

Khä urunakasti jumanakax jan Cristoniw jakapxäyätaxa, janirakiw Israel markankirïpkäyätati, Diosan arust'äwip jan uñt'asa, aka uraqin jan kuna suyt'äwini, jan Diosaniw jakasipkäyätaxa.

1 Samuel 2:27

Uka urunakansti, mä profetaw Elí sacerdoter tumpt'ir purinïna, juparusti sarakïnwa: “Tatitux akham siwa: Kunapachatix nayra awkinakamax Egipton faraonar luqtasipkän ukkhaxa, qhanpach jupanakar uñt'ayasta.