Éxodo 12:41 - Qullan Arunaka DC

⁴¹ ukatsti kunürutix pusi patak kimsa tunkan marax phuqhaskäna uka uruw Tatitun taqpach ejercitopax Egipto uraqit mistsuwayxäna.

Aymar Bibliia 1986

⁴¹ Uca pusi pataca quimsa tuncani marajj phokhasqui uca uruwa Tatitun take ejercitopajj Egipto marcat mistsuwayjjapjjäna.

Qullan Arunaca

⁴¹ Uca pusi pataca quimsa tuncani marajj phokhasqui uca uruwa Tatitun take ejercitopajj Egipto marcat mistsuwayjjapjjäna.

Éxodo 12:41 Jak'a apnaqawi uñst'ayäwi

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

1 Reyes 6:1

Salomonax Israel markar pusi mara apnaqkän ukkhaw Tatitun utap lurañ qalltäna, Ziv sata payïr phaxsina. Israelitanakan Egipto markat mistunitapax pusi patak kimsaqallqu tunkan maräxäna ukapacha.

2 Crónicas 14:12

12 (11) Tatitusti Asá reyina, Judá markan nayraqatapan etiope jaqinakarux tukjäna, uka jaqinakasti jaltxapxänwa.

Salmos 102:13

13 (14) Sartasimaya, Sión markat khuyapt'ayasim, t'aqhisiñ urunakax phuqhasxiwa; ¡pampachxañam urux purinxiwa!

Salmos 114:1

Israel markax Egipto markat mistunkän ukapacha, uka yaqha markat mistunkän ukapachaxa,

Salmos 136:11

Israelitanakar Egiptot irpsuniriru, munasiñapax wiñayawa;

Éxodo 12:17

Jan levaduran t'ant'a manq'añ uruyäwi amtasipxapunïtawa, uka uruw nayax jumanakar Egipto markat tam tama irpsunipxsma. Uka laykuw jumanakasa, wawanakaman wawanakapas aka kamachi wiñay amtapxäta.

Éxodo 12:51

Ukürpachaw Tatitux Egipto uraqit israelitanakarux mä ejercitor uñtat irpsunïna.

Éxodo 13:14

Ukatsti wawanakamatix qhipür jiskt'apxätam: ‘¿Kunatsa uka wilañchanak lurapxta?’ sasaxa, jumanakax sapxätawa: ‘Tatituw jach'a ch'amapamp Egipto uraqit irpsunipxitu, t'aqhisiyat jakañata.

Éxodo 13:16

Ukhamasti, akham lurañaxa amparanakamana, paranakaman mä chimpükaspas ukhamäñapawa, Tatitux jach'a ch'amapampi Egipto markat irpsunkistu uk amtasiñataki.’ ”

Éxodo 13:3

Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 13:9

‘Aka uruyäwisti jumanakatakix amparanakamana, paranakaman mä chimpükaspas ukhamäniwa. Ukaw jumanakarux amtayapxätam Tatitun kamachi arupa wiñay parlapxañamataki, jupaw jach'a ch'amapamp Egipto markat irpsunipxtam.

Éxodo 3:10

Ukhamasti wakichasimaya, nayax faraonan ukaruw khithäma Israel markaxar Egiptot irpsuniñamataki —sasa.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Éxodo 6:26

Jupanakaw Aaronampi, Moisesampixa, jupanakaruw Tatitux jawsäna Egipto markat israelitanakar mä jach'a ejercitor uñtat irpsunipxañapataki.

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Éxodo 7:4

Faraonasti janiw jumanakarux ist'añ munapkätamti, ukampis nayaw ch'amaxa Egipto markar uñacht'ayä, ukatsti jach'a muspharkañ chiqa luräwinak uñacht'ayasaw israelita ejército markaxarux Egiptot irpsunï.

Daniel (hebreo) 9:24

“ ‘Paqallq tunka semanaw mäkipañapa, markaman jakirinakamxaru, qullan markamxaru, mutuyäwinakan tukusxañapataki, ñanqha luräwinakat pampachäwi jikxatañataki, wiñayatak aski kankañ utt'ayañataki; unañchäwimpi profecía arunakampi phuqhasiñapataki, Qullan utax q'umachata luqtatäxañapataki.

Levítico 23:43

ukhamat taqi wawanakamax yatipxani kunapachatix israelitanakar Egiptot irpsunkäyäta ukapachax nayax chhujllanakan jupanakar jakayäyäta. Nayätwa jumanakan Tatit Diosamaxa.”

Habacuc 2:3

Aka uñjäwin phuqhasiñapaxa mä juk'a qhiparaniwa; ukampis phuqhasipuniniwa. Amuyatax janisay jank'äkpan, suyaskakim, purisinkaniwa.

Números 23:22

Tatituw markaparux Egiptot qhispiyani, búfalo animalan ch'amapat sipan wali ch'amampi.

Números 33:1

Israelitanakax Egipto uraqit mistunipkän ukapachax, mä ejercitor uñtataw tam tama siqicht'at sarantapxäna, Moisesampi Aaronampi irpata.

Juan 7:8

Jumanakax phunchhäwir sarasipkakim; nayax janiw sarkäti. Janïraw pachäkiti nayax khitïtsa uk yatipxañapataki —sasa.

Hechos 1:7

Jesusasti ukxaruw jupanakar säna: —Janiw jumanakar uka pachanakata, uka uruta yatipxañamax wakt'apktamti. Alaxpachankir Awkikiw taqi kuns munañaparjam lurani.

Hechos 7:36

Moisesaw nayra awkinakasarux Egipto uraqit irpsunïna, muspharkay luräwinaka, unañchäwinak uka uraqin lurasina, ukhamarak Mar Rojo qutana, wasarana, pusi tunk mara sarnaqäwina.

Deuteronomio 16:1

Moisesasti markar saskakïnwa: “Abib sat phaxsix purinkani ukkhaxa, jumanakax Pascua uruyapxäta Tatit Diosamar jach'añchasa; uka phaxsin Tatit Diosamax mä aruma Egipto uraqit jumanakar irpsunipxatam layku.

Deuteronomio 4:37

Jupaw nayra awkinakamarux munäna, ukatsti wawanakaparuw ajllirakïna, Egipto markat jach'a ch'amapamp qhispiyanisa.

Josué 24:5

Ukatsti nayax Moisesampiru, Aaronampiruw khitta, egipcionakarusti jan walt'añampiw mutuyta, jumanakar uka uraqit irpsuniñkama.

Josué 5:14

Uka chachasti sänwa: —Janiw kawkirïktsa. Nayax Tatitun ejercitopan jilïripätwa, ukat jutta —sasa. Ukat Josué chachax p'iqip uraqir puriyañkam alt'äna, juparusti jiskt'arakïnwa: —¿Kamsis Tatituxax naya luqtiripatakixa? —sasa.