Éxodo 12:28 - Qullan Arunaka DC

²⁸ ukatsti kuntix Tatitux Moisesampiru, Aaronampir siskatayna ukhamarjamaw lurapxäna.

Aymar Bibliia 1986

²⁸ Ucatsti sarasinjja cuntejj Tatitojj Moisesampiru, Aaronampiru siscäna uqhamarjamaw lurapjjäna.

Qullan Arunaca

²⁸ Ucatsti sarasinjja cuntejj Tatitojj Moisesampiru, Aaronampiru siscäna uqhamarjamaw lurapjjäna.

Éxodo 12:28 Jak'a apnaqawi uñst'ayäwi

2 Samuel 5:25

Davidasti Tatitun arsutaparjamaw luräna, ukürusti filisteonakar atipjarakïnwa, Gueba sat chiqata Guézer sat chiqakama.

1 Reyes 17:5

Eliasasti Tatitun arsutaparjamaw luräna, jupax Querit jawir thiyan jakiriw sarxäna, Jordán jawirat inti jalsu tuqina.

Éxodo 12:27

jumanakasti sapxätawa: ‘Aka uywax Tatitusar jach'añchas luqtata Pascua wilañchawa. Kunapachatix jupax Egipto uraqpachan thiyat thiya sarkäna egipcionakan jilïr tayna yuqall wawanakapar jiwarayasaxa, jiwasan utanakasxa janiw kamachkänsa, sarakipawayakïnwa, ukhamat wila masinakasar jiwañat qhispiyäna’ ” sasa. Moisesax parlañ tukuykän ukapachasti, israelitanakax taqpachaniw killt'asis Tatitur yupaychapxäna,

Éxodo 12:29

Chika arumasti Tatitux taqpach egipcionakan jilïr wawanakap jiwarayäna, reyi qunuñan qunt'ata faraonan jilïr tayna yuqall wawaparusa, carcelankirinakan jilïr yuqall wawanakaparusa, uywanakan nayrïr qallunakaparusa.

Éxodo 12:35

Ukhamarusa, israelitanakax Moisesan iwxataparjamaw egipcionakat qurita, qullqita lurat yänakampi, isinakampi mayipxäna.

Éxodo 14:4

Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna.

Éxodo 36:1

Ukhamasti, Besalel, Oholiab chachanakaru, taqi suma amuyt'an chachanakaruw Tatitux kunayman lurañ yatiñanaka, amuyunak churi, Tatitump Jikisiñ Qullan chiqawjataki kunanakatix munaski ukanak lurapxañapataki, kunjämtix Tatitux siskäna ukhamarjama.”

Éxodo 39:32

Tatitumpi Jikisiñ Carpa lurañax tukuyatäxänwa. Kunjämtix Tatitux Moisesar siskatayna ukhamarjamaw israelitanakax suma phuqhat taqi kunanaksa lurapxäna.

Éxodo 39:42

Israelitanakax kunjämtix Tatitux Moisesar siskatayna ukhamarjamaw taqi kun lurapxäna,

Éxodo 39:43

Moisesasti taqi luratanakap uñakipäna, Tatitun arsutaparjam lurapxatap uñjasin, suma waxt'äwip jupanakar churäna.

Éxodo 7:10

Moisesampi, Aaronampisti faraonan ukar sarasin kunjämtix Tatitux siskatayna ukhamarjamaw lurapxäna. Aaronasti faraón nayraqatana, jilïr yanapirinakap nayraqatan thujrup liwnuqäna, uka thujrusti mä katariruw tuküna.

Éxodo 7:6

Moisesampi, Aaronampisti kunjämtix Tatitux siskatayna ukhamarjamaw lurapxäna.

Levítico 24:23

Ukhamasti Moisesax israelitanakampiw parläna, ukatsti kawkïr jaqitix Tatitur ñanqhachkatayna uka jaqirux campamentot anqäxar irpsusaw qalamp k'upjas jiwayapxäna. Kunjämtix Tatitux Moisesar siskatayna ukhamarjamaw israelitanakax phuqhapxäna.

Números 1:54

Israelitanakasti kunjämtix Tatitux Moisesar siskatayna ukhamarjamaw lurapxäna.

Números 31:31

Moisesampi, Eleazar sacerdotempisti Tatitux Moisesar siskatayna ukhamarjamaw lurapxäna.

Números 31:41

Moisesasti Tatitun arsutaparjamaw Tatitur wakt'ki ukanak Eleazar sacerdoter katuyxäna.

Números 31:47

Aka chikatat Moisesax sapa phisqa tunkat maya, warminakatsa, uywanakatsa apaqäna, ukanaksti Tatitun qullan utapan yanapasir levitanakaruw Tatitun arsutaparjam churxäna.

Números 5:4

Israelitanakasti Tatitux Moisesar siskatayna ukhamarjamaw jaysapxäna, ukatsti taqi uka jaqinakaruw campamentot jaqunukupxäna.

Deuteronomio 34:9

Janïr jiwkasasti, Moisesax Josué chachan p'iqipxarux amparap luqxatäna, Diosasti yatiñ kankañampiw jupar phuqt'äna. Ukat israelitanakax Josué chachar jaysapxäna, ukatsti kamisatix Tatitux Moisesar iwxawaykatayna ukhamarjamaw phuqhapxarakïna.

Hebreos 11:28

Moisesax iyawsäwi laykuw Pascua uruyäna, ukatsti wilampiw uta punkunakar ch'axch'ukipayäna, ukhamat jiwayir angelax israelitanakan tayna wawanakapar jan jiwarayañapataki.

Josué 14:5

Israelitanakax kunjämtix Tatitux Moisesar siskatayna ukhamarjamaw uraq lakinuqasipxäna.

Josué 2:21

Warmisti sänwa: —Arunakamarux phuqhaspan —sasa. Ukatsti uka chachanakar khithanukusax, mä wila wiska uta ventanapar chinuntäna.

Josué 4:8

Jupanakasti kunjämtix Josué chachax siskäna ukhamarjamaw lurapxäna, Jordán jawirat tunka payan qalanak apsunipxäna, Israelan sapaqat ayllunakapat mä qala, ukatsti kunjämtix Tatitux Josué chachar siskatayna ukarjamaw campamentor apasin ukawjar uchapxäna.