Éxodo 11:6 - Qullan Arunaka DC

⁶ Ukapachasti taqpach Egipto uraqin wali jachañanakampi warariñanakampiw utjani, janipuniw kunapachas ukham jachañanakax utjirïkänti, janirakiw akat qhiparus mayamp utjkaniti.”

Aymar Bibliia 1986

⁶ Ucatsti take Egipto marcpachanwa wali jachañanacampi warariñanacampejj utjani, ucanacasti janiw cunapachas utjiricänti, ni acat kheparus mayampi utjcaniti.”

Qullan Arunaca

⁶ Ucatsti take Egipto marcpachanwa wali jachañanacampi warariñanacampejj utjani, ucanacasti janiw cunapachas utjiricänti, ni acat kheparus mayampi utjcaniti.’

Éxodo 11:6 Jak'a apnaqawi uñst'ayäwi

Éxodo 11:7

Ukhamat jumanakan yatipxañamataki kunjämtix Tatitux israelitanakar egipcionakat yaqhachki ukxa. Israelita jaqinakarusti, ukhamarak uywanakaparus janiw anunakas wajkaniti.

Éxodo 12:30

Uka arumasti faraonampi, yanapirinakapampi, taqpach egipcio jaqinakampix sartasin Egipto uraqpachan llakisiñat wararipxäna. Sapa utan jiwatax utjarakïna.

Éxodo 3:7

Ukampis Tatitux saskakïnwa: —Nayax sum uñjta, kunjämtix markaxax Egipton t'aqhiski ukxa. Uka wali munañan jaqinakan t'aqhisiyat uñjasis arnaqasitanakapsa ist'araktwa, jupanakan t'aqhisitanakap nayax sum yatta.

Éxodo 9:18

¡Walikiwa!, nayax arumanthix walpun chhijchhintayä, ukham chhijchhix janiw Egipto markan utjatapat jichhakamax kunapachas utjirïkiti.

Proverbios 21:13

Jan kunan jaqin achikt'asitapar jan ist'ir jaqixa, jupax yanap maykani ukkhax, janirakiw ist'atäkaniti.

Isaías 15:8

Yanap mayisa arnaqasitanakapasti Moab uraqpachan ist'asi, wararitanakapasti Eglaim siski uka chiqkamaw ist'asi, Beer-elim siski uka chiqkamaw ist'asi.

Isaías 19:16

Uka urunxa, kunapachatix taqi ch'aman Tatitux Egipcio jaqinakar mutuyañatak wakicht'askani ukkhaxa, jupanakax wal axsarayasipxani.

Jeremías 31:15

Tatitux siwa: “Ramá chiqan mä aruw ist'asi, maynin chuyma jan utt'ayasis jachatapa. Raquel warmiw wawanakapat jachaski, wawanakapan jiwaratapatxa, janiw chuymachatäñ munkiti.”

Lamentaciones 3:8

yanap mayisa arnaqaskchïyäta ukasa, janiw mayisitaxarux ist'kituti;

Amós 5:17

Kunapachatix nayax mutuyir jutkä ukkhaxa, taqi uva yapunakan jachapxani.” Ukham siw Tatituxa.

Sofonías 1:10

Tatitux akham siwa: “Khä urunxa, Chawlla Punku satäkis ukäkatpacha yanap mayisa warariñanakaw ist'asini. Jaqin art'asitapax maysäx markatpachaw ist'asini, qullunakatsti allthaptkaspas ukhamaw ist'asirakini.

Lucas 13:28

Ukan wararipxäta, laka ch'akhanakamsa t'urusipxäta, Abrahamampi, Isaacampi, Jacobumpi, taqi profetanakamp Diosan qhapaq markapankatap uñjasina, jumanakasti anqar jaqunukutäpxätawa.