Éxodo 11:1 - Qullan Arunaka DC

¹ Tatitux Moisesar sänwa: —Nayax faraonampiru, egipcionakampirux yaqha mutuyäwimp apayanï. Uka qhipatsti faraonax janiw jumanakar saririkti antutapkätamxa, jan ukasti jupa pachpaw markapat alisnukupxätam.

Aymar Bibliia 1986

¹ Tatitusti Moisesarojj sänwa: —Nayasti mä mutuyäwimpwa churascäjja faraonaru, uqhamarac egipcionacarusa. Ucatsti faraonajj janiw jumanacaru sarjjericti antutapcätamjja, jan ucasti jupa pachpaw marcapat alisnucupjjätamjja.

Qullan Arunaca

¹ Tatitusti Moisesarojj sänwa: —Nayasti mä mutuyäwimpwa churascäjja faraonaru, uqhamarac egipcionacarusa. Ucatsti faraonajj janiw jumanacaru sarjjericti antutapcätamjja, jan ucasti jupa pachpaw marcapat alisnucupjjätamjja.

Éxodo 11:1 Jak'a apnaqawi uñst'ayäwi

Génesis 15:14

Ukampis nayarakiw t'aqhisir jaqir tukuyir markarux mutuyä, ukatsti wawanakamax qhispiyataw mistunxapxani, walja qamir yänakampi phuqt'ataw jutxapxarakini.

Job 10:17

Nayar irkatir jaqinakax janiw jumatak pist'arapktamti; nayatak q'apisitamax juk'ampiw jilxatti, ¡ejercitor uñtataw jan inakt'as katuntañ munistaxa!

Éxodo 12:29

Chika arumasti Tatitux taqpach egipcionakan jilïr wawanakap jiwarayäna, reyi qunuñan qunt'ata faraonan jilïr tayna yuqall wawaparusa, carcelankirinakan jilïr yuqall wawanakaparusa, uywanakan nayrïr qallunakaparusa.

Éxodo 3:20

Ch'amanïtax uñacht'ayä ukatsti kunayman jach'a muspharkañanak lurä, ukanakampiw egipcionakarux t'unjä. Ukkhakiw jumanakarux sarapxañamatak antutapxätam.

Éxodo 6:1

Tatitusti Moisesarux sarakïnwa: —Jichhaw uñjäta kuntix faraonar lurkä ukxa. Nayax ch'amax uñacht'aykä ukkhakiw markapat sarxapxañamatak antutapxätam, ukampis janiw saririkti antutapkätamxa, jan ukasti jupa pachpaw markapat sarxapxañamatak sapxätam.

Éxodo 9:14

jichha kutix taqi mutuyäwinakax apayanï, jumataki, yanapirinakamataki, taqi jaqinakamataki, ukhamat yatïta jani yaqhax nayjam aka uraqpachan utjatapa.

Levítico 26:21

“Jumanakatix nayar janipun ist'apkitäta ukasti, nayax jumanakarux paqallqu kutimp jucha luratanakamat mutuyapxäma.

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?

Apocalipsis 16:9

Jaqinakax llakkañaw intimpi nakhantat uñjasipxäna, ukatsti Diosan sutip ñanqhachapxäna, uka mutuyäwinak apaqañatak ch'amanïkipansa; uka jaqinakax janiw Diosar yupaychañatak kutikipstapkänti.

1 Samuel 6:4

Filisteonakasti jiskt'apxarakïnwa: —¿Kuna waxt'äwirak khuyapayasiñapatak luqtapxiriststi? —sasa. Sacerdotenakasti sapxänwa: —Qurit lursupxam: janchi ch'uphunakar uñtata, ukasti phisqäñapawa, ukhamaraki phisqa achakunaka; ukanakasti qawqhanitix filisteo jaqinakan jilïrinakapax utjki ukhamarjama, niyakixay jumanakasa, jilïrinakamasa uka pachpa mutuyäwimpi t'aqhisipxstaxa.