Éxodo 10:7 - Qullan Arunaka DC

⁷ Ukatsti faraonan yanapirinakapax sapxänwa: —¿Kunapachkamarak aka jaqist jiwasatak jan walt'añanak apaninisti? Uka jaqinakar khithanukxam, Tatit Diosapar yupaychir sarxapxpan. ¿Janit Egipto markan wali tukjatätap amuyktasti? —sasa.

Aymar Bibliia 1986

⁷ Ucampis sirvirinacapajj faraonarojj sapjjänwa: —¿Cunapachcamasa aca jakejj jiwasataqui jan walt'añanaca apanini? Antutjjam aca jakenacaru, Tatitu Diosaparu yupaychir sarjjapjjañapataqui, ¿janiti yatcta Egipto marcasajj wali tucjatätapjja? —sasa.

Qullan Arunaca

⁷ Ucampis sirvirinacapajj faraonarojj sapjjänwa: —¿Cunapachcamasa aca jakejj jiwasataqui jan walt'añanaca apanini? Antutjjam aca jakenacaru, Tatitu Diosaparu yupaychir sarjjapjjañapataqui, ¿janiti yatcta Egipto marcasajj wali tucjatätapjja? —sasa.

Éxodo 10:7 Jak'a apnaqawi uñst'ayäwi

Salmos 107:34

purum uraqinak qullpa uraqir tukuyi, jaqinakapan ñanqha lurirïpxatap layku;

Éxodo 12:33

Egipcio jaqinakasti, uraqipat israelitanakan jank'ak sarxañapatakix wal jariyapxäna, jupanakax sapxänwa: “Taqiniw jiwarxañäni” sasa.

Éxodo 23:33

janirakiw jupanakarux markam taypin jakayätati, jupanakax nayar jan walt'ayañatak jucha lurayapxiristam. Jumasti diosanakapar yupaychiriw tukusma, ukasti chhaqhañaruw puriyiristam.”

Éxodo 7:5

Egipto markar ch'amax uñacht'ayasa, israelitanakar uka markat apsunkä, ukkhaw egipcionakax yatipxani nayan Tatitütaxa —sasa.

Éxodo 8:19

19 (15) Ukat yatir jaqinakax faraonar sapxäna: —¡Diosaw taqi akanak luraski! —sasa. Ukampis faraonax chuymap qalarayasisax janiw ist'añ munkänti, kunjämtix Tatitux siskatayna ukarjama.

Proverbios 29:6

Ñanqha lurir jaqin sipitapax, jupan pachpa juchanakapawa, axsartir jaqisti kusisitaw jakasi.

Eclesiastés 7:26

Jiwañat sipansa kunatix juk'amp jan walïki uk jikxatta: warmix chuymampi sallqxasax amparapampiw qhumanti. Diosar munirix ukham warmit jaltxaniwa, ukampis jucharar jaqix sipitanakaparuw jalt'ani.

Isaías 14:20

Markamar tukjatamatsti, markaman utjir jaqinakar jiwarayatamatsa, janiw jichhax mayni reyinakarjam imapkätamti. Ukham ñanqha lurir jaqin wawanakapasti, janiw wiñay jakapkaniti.

Isaías 51:9

Israelitanakasti akham sasaw arnaqasipxäna: ¡Tatitu, sartasimaya! ¡Sartasimaya, ch'amañcht'asimaya! Kunjämtix nayrapachanakan sartasirïkta ukhama, egipcio jaqinakar tukjkta ukhama.

Jeremías 48:4

“Moab markasti t'unjatawa; usuyasiñat warariñanakasti Sóar chiqakamaw ist'asi.

Jeremías 51:8

Ukampis akatjamat Babiloniax jisk'a jisk'a t'unjat uñjasi. ¡Jichhax jupatjam jachapxam! Qullanak chhuxrinakapatak apanipxam, inach qullasini.”

Sofonías 1:18

Tatitun q'apisïwi urupanxa, aka uraqix uka q'apisiñapampix q'ala nakhantatäniwa, janiw jaqirux qullqipasa, quripas qhispiykaniti. ¡Aka uraqin jakir jaqinakax jan mayan tukjatarakïniwa!

1 Corintios 7:35

Aksti jumanakan askimatakiw sapxsma, janiw jumanakar jark'añ laykuti, jan ukasti, Tatitur taqi chuyma luqtas jaqjam jakapxañamataki.

1 Samuel 18:21

uka phuchhapxa Davidar churañatakiw amtäna, ukhamat uka phuchhapan Davidaru filisteonakan amparapar katuyañapataki. Ukat wasitat Davidarux säna: —Jichhakuchaw tullqaxäyätaxa —sasa.

1 Samuel 5:11

Ecrón markankirinakax jiwañ wal axsarapxäna, ukat filisteonakan jilïrinakapar jawsayasin jupanakar sapxarakïna: “¡Uka arca akat apasipxam. Kawkhattix apanipkta ukkhar apapxam, jan ukasti taqiniw jiwarañäni!” sasa.