Éxodo 10:23 - Qullan Arunaka DC

²³ Uka urunakasti egipcionakax janiw purapat uñjasipkänti, janirakiw kawkhankapkäntix ukkhat unxtapkänti. Ukampis israelitanakan utanakapan qhanax utjaskänwa.

Aymar Bibliia 1986

²³ Ucatsti janiw qhitisa jake masiparojj uñjañ puedcänti, uqhamarac cawqhancapcäntejj ucqhatsa janiw sartcjjapjjänti quimsa uru. Ucampis cawqhantejj israelitanacajj jacapcäna ucanjja khanaquïscänwa.

Qullan Arunaca

²³ Ucatsti janiw qhitisa jake masiparojj uñjañ puedcänti, uqhamarac cawqhancapcäntejj ucqhatsa janiw sartcjjapjjänti quimsa uru. Ucampis cawqhantejj israelitanacajj jacapcäna ucanjja khanaquïscänwa.

Éxodo 10:23 Jak'a apnaqawi uñst'ayäwi

Éxodo 14:20

Ukhamat uka qinayax egipcio soldadonakampita, israelitanakampit chika taypinkäna; uka qinayasti egipcionakatakix mä ch'amak qinayänwa, ukampis israelitanakarux qhant'ayänwa. Ukat egipcionakax uka aruman israelitanakar jan jikxatirjamäpkänti.

Éxodo 7:25

Tatitux jawir umaru wilar tukuykän uka urutxa, paqallqu urunakaw mäkipxäna.

Éxodo 8:18

18 (14) Egiptonkir yatiri jaqinakasti yatiñanakapampix kipkakirak jisk'a chhichhillankhanak utjayañ munapxäna, ukampis janiw lurirjamäpkänti. Ukchañkamasti jisk'a chhichhillankhanakax jaqinakaru, uywanakaruw t'aqhisiyaskäna.

Éxodo 8:19

19 (15) Ukat yatir jaqinakax faraonar sapxäna: —¡Diosaw taqi akanak luraski! —sasa. Ukampis faraonax chuymap qalarayasisax janiw ist'añ munkänti, kunjämtix Tatitux siskatayna ukarjama.

Éxodo 8:22

22 (18) Ukampisa, Gosen uraqin janiw ukax utjkaniti, markaxan ukan jakatap layku. Ukhamat yatïta naya, Tatitun aka uraqinkataxa.

Éxodo 9:26

Ukampis Gosen uraqirux, kawkhantix israelitanakax jakapkän ukkharux janiw mä chhijchhis purkänti.

Éxodo 9:4

Ukampis Tatitux Israelan uywanakapxa, Egipton uywanakapat yaqhachaniwa, israelitanakan uywanakapax janiw mayas jiwkaniti’ sasa.

Isaías 42:16

Juykhunakarusti jan uñt'at thakhinakanjam irpä. Jupanakan nayraqatapansti ch'amakxa qhanaruw tukuyä, qullunaksti pampa uraqiruw tukuyä. Taqi ukanaksti lurapunïwa.

Amós 4:7

“Yapu apthapitak kimsa phaxsïkipan jallxa jan apayanipksmati. Mä markan nayax jallu puriyta, yaqha markansti janiw puriykti; mä chiqan jallux puriwa, mä chiqansti umatjamax uraqix wañsuwa.

Malaquías 3:18

Ukapachaw jumanakax amuyasipxäta kunatix askïki, kunatix jan askïki uka, ukhamaraki, khititix Diosar yupaychki, khititix jan yupaychki ukanaka” sasa.

Colosenses 1:13

Diosax ch'amakanakan munañapat qhispiyistu, Jesucristo Yuqapan qhapaq markaparuw irpantistu,

Josué 24:7

Jupanakasti nayaruw art'asinipxitu, ukatsti nayaw jupanakampi, egipcio jaqinakampi taypirux ch'amakt'ayta, ukatsti uka quta umampi antutxatasaw jupanakxarux chhaqtayta. Jumanakax kuntix Egipto markan nayax lurkta ukanak sum yatipxtaxa. “ ‘Ukatsti jumanakax walja maranakaw wasaran sarnaqapxtaxa,

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.