Éxodo 10:21 - Qullan Arunaka DC

²¹ Tatitusti Moisesarux sänwa: —Amparam alaxpach tuqir luqtam, ukatsti Egipto uraqpachan laxa ch'amakax niyas llamkt'añpach utjani —sasa.

Aymar Bibliia 1986

²¹ Tatitusti Moisesarojj sänwa: —Amparama alajjpachar loktam, ucatsti take Egipto marcpachanwa lajja ch'amacajj utjani, llamct'añjama —sasa.

Qullan Arunaca

²¹ Tatitusti Moisesarojj sänwa: —Amparama alajjpachar loktam, ucatsti take Egipto marcpachanwa lajja ch'amacajj utjani, llamct'añjama —sasa.

Éxodo 10:21 Jak'a apnaqawi uñst'ayäwi

Job 5:14

¡Urunpach jupanakax juykhur uñtat payinaqapxi, ch'amakanakan muyuntata, arumäkaspas ukhama!

Salmos 105:28

Diosax ch'amak apayanisin ch'amakt'ayäna, egipcionakasti janiw arunakapar ist'apkänti.

Salmos 35:6

¡Thakhipax ch'amakäpan, llust'arakïpan, Tatitun angelapamp arktat uñjasipxpan!

Salmos 78:49

Diosaw jach'a q'apisiñap jupanakatak apayanïna: q'apisiña, juchañchatäña, llakisiñ apayanïna, ukanakax t'unjir khithanakar uñtatäpxänwa.

Éxodo 7:19

Tatitux Moisesar parlaskakïnwa: —Aarón jilamar akham säta: “Thujrum ayxarusin luqtam, Egiptonkir taqi umanakxaru, jach'a jawiranakankiri, jisk'a jawiranakankiri, tantat umanakankiri, taqi kunanakatix umanïki ukxaru, uka umanakan wilar tukuñapataki. ¡Ukhamarak lawata, qalat lurat wayuchanakan uchat umanakas wilar tukuñapataki!” —sasa.

Éxodo 9:22

Ukatsti Diosax Moisesar sänwa: —Amparam alaxpach tuqir luqtam chhijchhin wal purintañapataki, Egipto markpacharu, taqi jaqinakxaru, uywanakxaru, egipcio pampanakan utjir alinakxaru —sasa.

Proverbios 4:19

Ñanqha lurir jaqinakan sarnaqäwipasti ch'amakakiwa; ¡janiw kunar lanqtasipxatapsa yatisipkiti!

Eclesiastés 2:14

Yatiñan jaqix sum uñjañaruw uchasi, ukampis pisi amuyt'anix ch'amakanjam sarnaqi. Ukatsipana, taqinirus pachpak suyt'atap amuyta,

Eclesiastés 6:4

Ukampis uka wawax ina ch'usarus ch'amakan chhaqkchini, sutipas armatäniwa,

Ezequiel 32:7

Nayax jumar t'unjkäma ukkhasti alaxpachas ch'amakt'aniwa, warawaranakas ch'amakt'aniwa, intirus qinayanakampiw chhaqtayä, phaxsis janirakiw juk'ampi qhankxaniti.

Mateo 27:45

Ukapachasti chikürut chika jayp'ukamaw taqpach uraqix ch'amakt'äna.

Marcos 15:33

Chika ururusti akapachax niya chika jayp'ukamaw ch'amakt'äna.

Lucas 23:44

Niya chika uruta qalltasina chika jayp'ukamaw taqpach uraqix ch'amakt'awayäna.

Deuteronomio 1:30

Tatit Diosamaw jumanakan nayräxam saraski, jumanakat arxatasisaw nuwasirakini, kamisatix Egipto markan lurir uñjapxta,

Deuteronomio 28:29

Ukatsti urunsa mä juykhur uñtataw katt'asis sarnaqäta. Janirakiw kuna luratamas sumäkaniti. T'aqhisiyata, sallqjatapuniw uñjasïta, janiw khitis yanapt'ir jutkarakïtamti.

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?

2 Pedro 2:17

Uka k'ari yatichirinakax jan uman phuch'ur uñtatäpxiwa, thayan apnaqat qinayar uñtatäpxarakiwa; jupanakasti wiñayan wiñayapatak ch'amakankañatak juchañchatäpxiwa.

2 Pedro 2:4

Diosax janiw angelanakarus juch lurapxatapat pampachkänti, jan ukasti, manqha pacharuw jaquntäna, jupanakarusti ch'amakanakaruw cadenanakamp ñach'antat jaytäna, taripäwi uru puriniñapkama.

Judas 1:13

P'inqaskañ luräwinakapax quta mathapinakan jupuqupar uñtatawa. Thakhipat saranukur chhaqhat warawaranakjamäpxiwa, wiñayatak ch'amakan jakapxañapatak juchañchatäpxiwa.

Judas 1:6

Ukatsti kawkïr angelanakatix lurañanakap jan sum imapkäna, suma utjäwinakapsa jaytanukupkäna ukanakarusti, Tatitux wiñayatak cadenanakamp ñach'antat katxäsiski, ch'amak manqhanakar jist'antata, jach'a taripäwi uru puriniñapkama.

Apocalipsis 8:12

Ukxarusti pusïr angelarakiw trompetap phust'äna, ukatsti intimpi, phaxsimpi, warawaranakampix niya chikatan chikatapaw t'unjat uñjasïna, janiw qhant'kxänti. Ukat intix urun niya chikatan chikatap jan qhant'känti, phaxsimpi, warawaranakampisti niya chikatan chikatapaw aruman jan k'ajapkänti.