Esdras 9:7 - Qullan Arunaka DC

⁷ Khä urunakatpach jichhakamaw wali jucha lurañan jakapxta. Juchanakax laykuw nanakasa, reyinakaxasa, sacerdotenakaxas yaqha markanakankir reyinakan munañanakapar katuyat jikxatasipxta. Ukatxa chhuxriñchjata, jayar apanukuta, lunthatjata, jisk'achjata jikxatasipxäyäta, jichhasti uka pachpa luräwiruw puripxarakta.

Aymar Bibliia 1986

⁷ Qhä pachata jichhacamawa wali jucha lurañana jacapjjta. Ucatsti nanacan juchanacajj laycojja, nanacasa, reyinacajjasa, uqhamarac sacerdotenacajjasa yakha marcanacanquir reyinacan munañanacapar catuyataw jicjjatasipjjta. Ucatjja chhojjrinchjata, jayar apanucuta, aparata, jisc'achjata jicjjatasipjjäyäta, jichhasti uca pachpa luräwiruraquiw puripjjaracta.

Qullan Arunaca

⁷ Qhä pachata jichhacamawa wali jucha lurañana jacapjjta. Ucatsti nanacan juchanacajj laycojja, nanacasa, reyinacajjasa, uqhamarac sacerdotenacajjasa yakha marcanacanquir reyinacan munañanacapar catuyataw jicjjatasipjjta. Ucatjja chhojjrinchjata, jayar apanucuta, aparata, jisc'achjata jicjjatasipjjäyäta, jichhasti uca pachpa luräwiruraquiw puripjjaracta.

Esdras 9:7 Jak'a apnaqawi uñst'ayäwi

1 Reyes 8:47

ukatsti kawkha jaya markarutix apanukut uñjaskani ukkhatpach jumar makhatxapxätam, achikt'asipxarakïtam jucha luratanakap uñt'asisa,

2 Crónicas 29:6

Jiwasan nayra awkinakasax janiw chiqapar sarnaqapkänti, luratanakapas Dios Tatitusan nayraqatapan janiw askïkänti, ukatsti juparux apanukupxänwa. Jupanakasti Tatitun utjäwiparux jisk'achapxänwa, jan uñjiriw tukupxäna.

2 Crónicas 30:7

Janiy jumanakax nayra awkinakamjama, jilanakamjamas tukupxamti, jupanakax nayra awkinakaman Tatit Diosapar jan sum arkatap laykusti, Tatitux tukjatäñatakiw katuyäna, kunjämtix jichhax uñjasipkta ukhama.

2 Crónicas 34:24

naya Tatituw sista: Nayax aka chiqampiru, jaqinakapampirux mä jan walt'añ apayanï, kunjämtix Judá markankir reyin nayraqatapan ullart'apkta uka qillqatan ñanqhachäwinakax qillqatäki ukhamarjama.

Esdras 9:13

“Nanakan juchachasitanakaxata, ñanqha luräwinakaxat taqi uka jan walt'añanakarux puripxta. Nanakan Tatituxay, janiw juchanakaxatjam mutuyapkistati, jan ukasti, jan kuna llakin sarnaqasiñak churapxistaxa,

Nehemías 9:30

Walja maranakaw jupanakar llamp'u chuymamp uñch'uktaxa, ajayum tuqisa, profetanakam tuqis iwxt'araktawa; ukampis janiw ist'asipkänti, ukat uraqinkir jaqinakan munañapar jupanakar apnaqapxañapatak katuyaraktaxa.

Isaías 64:4

4 (3) Janipuniw kunapachas ist'askiti, janirakiw jumat sipana yaqha diosan utjatapsa uñjaskiti, khititix muspharkañanak lurkaspa, khitinakatix jupar iyawski ukanakatakixa.

Jeremías 25:18

Jerusalén markaru, Judá uraqinkir taqi markanakaru, reyinakapampi taqi jilïrinakapampi umañapatakiw churta, ukhamat jupanakan t'unjatäñapataki, markanakapas q'ala tukjat apanukutäñapataki, axsarkaña mulljaskañ tukjatäñapataki. Aka arunak qillqaski ukkhakamas uka markanakan axsarkañaru, mulljaskañaru, ñanqhar tukutäñapataki.

Jeremías 3:25

Jichhax p'inqasiñatsa amuki alt'asipxañäni, wawatpacha jichhakamaxa, jiwasanakasa, awkinakasasa, Tatitu Dios nayraqatan juchanak lurapxtanxa, janirakiw juparux jaysapktanti.”

Jeremías 32:23

Ukampis kunapachatix jupanakax aka uraqir utjantañatak mantanipkäna ukapachasti, janiw jumarux ist'apkäyätamti, kuna arunaktix siskäyäta ukanaksa janirakiw phuqhapkäyätamti. Ukat jichhax taqi aka t'aqhisiñanak apayantaxa.

Jeremías 32:32

kuntix Israel uraqin markanakapaxa, Judá uraqin markanakapasa, reyinakapasa, jilïrinakapasa, sacerdotenakapasa, profetanakapasa, ukhamarak Judá uraqina, Jerusalén markana jakirinakas lurapkitu ukanakat jupanakarux q'al chhaqtayä.

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Jeremías 44:9

¿Jumanakasti nayra awkinakaman jucha luratanakap armasxapxtati? Judá uraqina, Jerusalenan thakhinakapansa, jupanakampi warminakapampix kunayman juchanak lurapxäna, uka kipkarakiw Judá uraqin reyinakapasa, warminakapasa, sinti jan wali juchanakpun lurapxäna. ¿Janit uka jucha luratanakapat amtasxapxta?

Lamentaciones 5:7

Nayra awkinakaxaw juch lurapxäna, ukampis nanakaruw ukanakat Tatitux mutuyapxitu.

Ezequiel 11:9

Aka chiqatsti jumanakarux jaqunukupxämawa, yaqha markankir jaqinakaruw katuyapxarakïma. Ukäniw jumanakan mutuyäwimaxa.

Ezequiel 39:23

Yaqha markanakasti yatipxarakiniwa, israelitanakan jucha luratanakapat yaqha markar apanukuyata uñjasipxatapa, janiw nayarux taqi chuymampi arkapkitänti; ukat nayax jupanakataki maysa uñtxta, uñisirinakapas nuwasïwin atipjasin jupanakar jiwarayapxañapataki.

Números 32:14

Jichhasti jumanakax jucha lurir awkinakan wawanakapa, awkinakamjamaw lurañ munapxaraktaxa, Israel markatak wasitat Tatitun q'apisiñap aqtayañataki.

1 Samuel 12:15

Ukampisa janitix kamachi arunakapar jaysapkät ukaxa, Tatitux jumanakarusa reyimarusa mutuyapxätamwa.