Esdras 9:1 - Qullan Arunaka DC

¹ Ukanak tukt'ayatarusti, marka apnaqir jilïrinakax nayar jak'achasisin sapxitu: “Esdras, yatiyañ munapxsma; israelitanakasa, sacerdotenakasa, levita jaqinakasa, janiw aka markankir jaqinakat yaqhachat jakapkiti: cananeonakata, hititanakata, ferezeonakata, jebuseonakata, amonitanakata, moabitanakata, egipcionakata, amorreonakatsa, ukanakan axtkañ idolonakar luqtas sarnaqäwinakapatxa.

Aymar Bibliia 1986

¹ Ucanac tuct'ayatarusti, jilïrinacajja nayar jac'achasisinjja sapjjetuwa: “Israelitanacasa, sacerdotenacasa, uqhamarac levita jakenacasa, aca orakenquir jakenacatjja janiw yakhachata jacapquiti, cananeos, hititas, ferezeos, jebuseos, amonitas, moabitas, egipcios, uqhamarac amorreos ucanacan ajjtcaña diosanacar loktasa sarnakäwinacapatjja.

Qullan Arunaca

¹ Ucanac tuct'ayatarusti, jilïrinacajja nayar jac'achasisinjja sapjjetuwa: “Israelitanacasa, sacerdotenacasa, uqhamarac levita jakenacasa, aca orakenquir jakenacatjja janiw yakhachata jacapquiti, cananeos, hititas, ferezeos, jebuseos, amonitas, moabitas, egipcios, uqhamarac amorreos ucanacan ajjtcaña diosanacar loktasa sarnakäwinacapatjja.

Esdras 9:1 Jak'a apnaqawi uñst'ayäwi

Génesis 15:16

Pusi patak mara qhipatsti, wawanakamax aka chiqaruw kuttanxapxani, ukkhakamasti amorreonakan jucha luratanakapax janïraw sinti jan walïkaniti.

1 Reyes 11:1

Salomón reyix faraonan phuchhapat, yaqha markankir walja warminakaruw munarakïna: moabita, amonita, edomita, sidonia, hitita, warminakaru;

2 Crónicas 33:2

Ukampis jupan luräwinakapax Tatit nayraqatan janiw walïkänti, jupasti kawkïr markanakarutix Tatitux israelitanakan nayraqatapat jaqunukkän uka markanakan axtkañ luräwinakap luräna:

2 Crónicas 8:7

Uka uraqinakan qhiparir hititanaka, amorreonaka, heveonaka, ferezeonaka, jebuseonakax khitinakatix jan israelitanakäki,

Esdras 10:2

Ukatsti, Elam wila masinkir Jehiel chachan Secanías yuqapaw Esdrasar parlxayäna akham sasa: “Nanakax janiw chiqa chuymamp Tatitusar arkapkti, kunayman diosanakar luqtir yaqha markanakankir warminakampiw jaqichasipxta; ukampis Israel markatakix suyt'añax utjaskiwa.

Esdras 10:8

Khitinakatix kimsa urukam jan purinipkaspa ukanakaruxa, jilïrinakana, amuyt'ayirinakan amtataparjamaxa, kutt'anirinakan tamapat jaqunukuta, uraqinakapas apaqataw uñjasipxaspa.

Nehemías 13:23

Uka urunakan uñjarakta yaqhip judionakaru Asdod, Amón, Moab uka markanakankir warminakamp jaqichasiri;

Nehemías 4:3

3 (35) Jupa jak'ansti, Tobías amonita chachaw ukankaskäna, jupas akham sarakïnwa: “Uñtapxam pirqanak sayt'ayasipkiri: ¡Mä qamaqis uka pirqar jalsusax allinukuwayakispawa!” sasa.

Nehemías 4:7

7 (1) Ukampis Sambalat, Tobías, árabe jaqinakasa, ukhamarak Amón, Asdod ukankirinakas kunapachatix Jerusalén markan pirqanakapan askichatäxatapa, k'ajllanakapas pirqantatäxatap yatipxäna ukkhaxa, walpun phiñasipxäna.

Nehemías 9:2

ukatsti yaqha markat jutir jaqinakat jithiqtasinxa, sayt'asisin juchanakap arsusipxäna, nayra awkinakapan juchanakapat arsusipxarakïna.

Salmos 106:35

Diosar jan uñt'ir jaqinakampiw chikachasipxäna, luräwinakap yatiqasipxäna:

Éxodo 13:5

aka pachpa phaxsinarak amtasin uruyapxäta, kunapachatix Tatitux leches misk'is umjam jalaski uka uraqir puriyapkätam ukapacha, cananeonakana, hititanakana, amorreonakana, heveonakana, jebuseonakan uraqinakaparu; kawkïr uraqtix jumanakar churañatak nayra awkinakamar arsuwaykatayna uka uraqiru.

Éxodo 23:23

Nayan angelaxaw jumat nayra sarani, ukatsti jupaw irpätam amorreonakana, hititanakana, ferezeonakana, cananeonakana, heveonakana, jebuseonakan uraqinakaparu, nayasti jupanakarux tukjäwa.

Éxodo 33:16

Jumatix nanakamp jan sarkasma ukasti ¿kunjämatarak yatipxiriststi markamasa, nayasa juman yanapamamp sarasipkataxsti? Juman yanapamampikiw markamampi, nayampix aka uraqin utjir yaqha markanakat mayjäpxirista —sasa.

Isaías 52:11

¡Babilonia markat mistunxapxam, kuna q'añurus jan llamkt'apxamti, Babiloniat mistunxapxam! ¡Khitinakatix Tatitun yänakapa apanipkta ukanakax jan kunampis q'añuchasipxamti!

Jeremías 26:10

Judá uraqinkir jach'a jilïrinakasti, ukanak ist'asinxa, reyin utapatxa Tatitun utaparuw sarapxäna, ukansti Machaq Punku sata chiqaruw qunt'asipxäna.

Jeremías 26:16

Ukhamasti jilïrinakampi, jaqinakampisti sacerdotenakaru, profetanakaruw sapxarakïna: “Aka jaqir jiwayañatakix janiw kuna juchas utjkiti, Tatitu Diosan sutipxaruw jiwasarux parlaskistu” sasa.

Levítico 18:3

“Egipto markan sarnaqäwinakaparjamax jan jakapxamti, kawkïr markantix jumanakax jakapkäyät ukana. “Canaán uraqin sarnaqäwinakaparjamax jan jakapxamti, kawkïr uraqirutix nayax jakapxañamatak irpapksma uka uraqina, janirak uka markan kamachinakaparjamas jakapxamti.

Malaquías 2:11

Judá markax Tatitumpi arust'äwir mantatapxa janiw phuqkiti, Jerusalén markansa, Israel uraqinsa wali axtaskay juchanak lurapxi. Judá markasti jan wali sarnaqañanakampiw Tatitun munat qullan utap q'añuchi, Judá markankir jaqinakax k'ari diosanakar yupaychir warminakampiw jaqichasipxi.

Números 23:9

Aka jach'a qarqanak patat uñjta, aka quntu patanakat uñtarakta; yaqhachat markaw jakasi, janiw yaqha markanakjamäkisa.

Números 25:6

Ukampis Moisesampi israelitanakampix qullan utjäwir mantañan jacht'asisa jikxatasipkän ukchañkamasti, mä israelita jaqix chujllaparuw mä madianita warmir jupanakan uñjkat irpantasiskäna.

Deuteronomio 18:9

Moisesasti jupanakarux saskakïnwa: “Kunapachatix jumanakax Tatit Diosaman churat uraqir mantapkäta ukkhaxa, jan jumanakax uka q'añu luräwi sarnaqäwinakapat yatiqasipxamti.

Deuteronomio 23:8

8 (9) wawanakapan kimsïr mita jaqi saraqirinakapax Diosan tantachasïwipar katuqatäñapawa.

Deuteronomio 7:1

Moisesasti saskakïnwa: “Tatit Diosasaw churapkätam uka uraqir puriyapxätam, ukatsti jumanakat sipan paqallqu wali jach'a ch'amani markanakaruw jaqunukuni: hititanakaru, gergeseonakaru, amorreonakaru, cananeonakaru, ferezeonakaru, heveonakaru, jebuseonakaru.

Josué 23:12

Nayax jumanakan yatipxañam munta: jumanakatix Tatitut armasipxäta, ukatsti jumanak taypin qhiparki uka jaqinakampi chikachasipxäta, jupanakampis jaqichasipxarakïta ukaxa, Tatitu Diosamax janiw uka markanakarux jumanak nayraqatat jaqunukkaniti, jan ukasti Diosax qänar uñtata, sipitar uñtataw jupanakarux apnaqani, jikhaninakamatakix jawq'añar uñtata, nayranakamatakisti ch'aphir uñtata, jumanakat jan maynis kawkïr uraqtix Tatitux churapktam uka uraqin qhiparapxañamkama.