Esdras 8:23 - Qullan Arunaka DC

²³ Ukhamasti ayuno lurapxta, taqi ukanakat nanakar imañapatakiw Tatitur achikt'asipxta, jupasti ist'apxituwa.

Aymar Bibliia 1986

²³ Ucatwa ayunasina Diosar achict'asipjjta take ucanacata, ucatsti jupajj ist'apjjetuwa.

Qullan Arunaca

²³ Ucatwa ayunasina Diosar achict'asipjjta take ucanacata, ucatsti jupajj ist'apjjetuwa.

Esdras 8:23 Jak'a apnaqawi uñst'ayäwi

Génesis 25:21

Rebecasti janiw wawanïrjamäkänti, ukat Isaacax Tatitur jupataki mayïna. Diosasti Isaacan mayisitap ist'äna, ukatsti Rebecax usur jaqiptänwa.

2 Reyes 13:4

Ukat Joacaz reyix Tatitur mayïna, Tatitusti mayisitap ist'änwa, kunjäm jan waltix Siria markankir reyix israelitanakar t'aqhisiykän ukanak uñjatap layku.

1 Crónicas 5:20

ukampis Diosaw jupanakarux yanapt'äna, agarenonakasa, jupanakar jaqkattatanakas atipjataw uñjasipxäna, jupanakax nuwasïwinkasin Diosaruw mayisipxäna jupanakar yanapt'añapataki. Diosasti jupanakarux yanapänwa, jupar jaysapxatap layku.

Esdras 8:31

Abib sat qallta phaxsina, tunka payan uru saraqataruw Ahavá jawirat Jerusalén marka tuqir sartanxapxta. Tatitusaw thakhin uñisirinakata, lunthatanakatsa imapxitu.

Nehemías 9:1

Uka pachpa phaxsina, pä tunka pusini uru saraqataruw israelit jaqinakax ayuno lurañatak tantachasipxäna; jupanakasti chhankha isinakampiw uchasipxäna, p'iqinakapxarus laq'ampiw willxatasipxäna,

Ester (hebreo) 4:16

“Saram, Susa markankir taqi judionakar tantachthapim, ukatsti, nayatak ayuno lurapxpan, kimsa urumpi, kimsa arumampix jan kuns manq'apxpati, janirak kuns umapxpati. Nayampi, nayar luqtir uywatanakampisti uka kipkarak lurapxä; uka qhipat reyimp parlirix sarä, ukham lurasax kamachi p'akintañaxächin ukasa. Jiwayapxitan ukasti, jiwayasipkakitpan” sasa.

Proverbios 3:5

Tatitur taqi chuymamamp katuyasim; janiy juman ch'ikhi kankañamaruk alkatamti.

Isaías 19:22

Tatitux Egipto markarux chhuxrinchjaniwa, ukatsti qullxatt'arakiniwa. Jupanakasti Tatituruw makhatxapxani, Tatitusti jupanakat khuyapt'ayasisin qullxatarakini.

Jeremías 33:3

Nayar art'asita, nayasti ist'ämawa, ukatsti kuna muspharkañanaktix jumax jan yatkta, ukanak uñacht'ayäma.

Daniel (hebreo) 9:3

Nayasti Tatitu Dios tuqiruw uñtta jupar mayisisa, achikt'asisa, ayuno lurasa, chhankha isinakamp uchasisa, qhillar qunusaraki.

Lucas 2:37

jichhasti uka ijma Anax, kimsaqallqu tunka pusin maranïxänwa. Jupasti Tatitun utapat janipuniw misturïkänti, jan ukasti uruy arumaw Tatitur luqtasirïna, ayuno lurasa, Diosat mayisisa.

Hechos 10:30

Corneliosti sänwa: —Nayax utaxan niya chika jayp'u tuqiw Tatitur mayisiskäyäta, ukat akarux pusürüxiwa, ukapachasti akatjamat qhankir isin mä chachax nayar uñstitu.

Deuteronomio 4:29

Ukampis jumanakatix uka chiqan Tatit Diosamar taqi chuymampi, taqi jakañampirak thaqhapxäta ukaxa, jikxatapxätawa.