Esdras 8:22 - Qullan Arunaka DC

²² Nayax p'inqasiyätwa reyit caballería soldadonak mayiña, nanakar thakhin uñisirinakat imañapataki, nanakax reyirux sapxayätwa: “Diosax imiwa taqi khitinakatix jupar thaqhapki ukanakaruxa, ukampis jupar apanukupki ukanakarux jach'a phiñasiñapampiw mutuyi” sasa.

Aymar Bibliia 1986

²² Nayasti p'enkasïyätwa reyita caballería soldadonaca mayiña nanacar thaquin uñisirinacata imañapataqui, nanacajj reyirojj sapjjäyätwa: “Diosajj imiwa take qhitinacatejj jupar thakapqui ucanacarojja, ucampisa qhitinacatejj juparu apanucupqui ucanacarusti Diosan ch'amapasa, colerapasa jupanac contrawa” sasa.

Qullan Arunaca

²² Nayasti p'enkasïyätwa reyita caballería soldadonaca mayiña nanacar thaquin uñisirinacata imañapataqui, nanacajj reyirojj sapjjäyätwa: “Diosajj imiwa take qhitinacatejj jupar thakapqui ucanacarojja, ucampisa qhitinacatejj juparu apanucupqui ucanacarusti Diosan ch'amapasa, colerapasa jupanac contrawa” sasa.

Esdras 8:22 Jak'a apnaqawi uñst'ayäwi

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

2 Crónicas 15:2

jupasti Asá reyir jikxatiriw saräna, juparusti sänwa: “¡Asá, ukhamarak Judá, Benjamín markankir jaqinaka, ist'apxita! Tatitux jumanakampïskiwa, jumanakatix jupampïpxäta ukaxa. Jumanakatix jupar thaqhapxäta ukaxa, jikxatapxätawa; ukampis jumanakatix jupar apanukupxäta ukasti, jupax jumanakar apanukupxarakïtamwa.

2 Crónicas 16:9

Tatitux kunanakatix akapachan lurasiski ukanak sum uñjaski, ukat khitinakatix taqi chuymampi jupar katuyasipki ukanakar ch'am churañataki. ¡Jumasti luqhir uñtataw ukham lurtaxa! Jichhat uksarusti juk'amp ch'axwañanakaw jumatak utjani” sasa.

Esdras 7:28

nayaru reyi nayraqatana, wali aytat jaqinak nayraqatana, amuyt'ayirinakapan nayraqatansa khuyapayasiñap uñacht'ayatapata; nayarux ch'amañcharakituwa, jupan yanapapampisti wali aytat israelit jaqinak tantachta nayamp chik kutt'anipxañapataki” sasa.

Esdras 7:6

Esdrasax mä sacerdotënwa, Diosax Moisés tuqi kamachinakap churkatayna ukanak sum uñt'ir yatichirirakïnwa; uka kamachinak yatxatapunïnwa, ukarus jaysarakïnwa, ukatsti judionakaruw yatichäna. Tatituw Esdrasarux yanapaskäna, kunanaktix jupax maykäna ukanak Artajerjes reyix churäna. Ukhamat Esdrasax Babilonia markat

Esdras 8:31

Abib sat qallta phaxsina, tunka payan uru saraqataruw Ahavá jawirat Jerusalén marka tuqir sartanxapxta. Tatitusaw thakhin uñisirinakata, lunthatanakatsa imapxitu.

Nehemías 2:9

Ukatsti reyix ejercitonkir jilïrinakaru, caballería soldadonakaruw nayamp chik sarapxañapatak khithäna, thakhin nayar jan walinakat jark'añataki. Éufrates inti jalant tuqinkapki uka marka apnaqirinakan ukar purisasti, reyin qillqt'atanakap churäyäta.

Salmos 20:8

8 (9) Jupanakax tinkurayataw uñjasipxi, jiwasanakasti ch'aman sayt'atakïsktanwa.

Salmos 34:22

22 (23) Tatitusti uywatanakaparux qhispiyiwa; ¡jupar iyawsirinakax janiw juchañchatäpkaniti!

Salmos 90:11

¿Khitirak phiñasiñamampi lurjatanak yatisti? ¿Khitirak q'apisiñam uñt'isti?

Lamentaciones 3:25

Tatitux jupar iyawsirinakatakix askiwa, jupar jak'achasipki ukanakatakisa.

Romanos 8:28

Diosan jupar munirinakatak taqi kunsa askïñapatak wakichatap yattan, amtataparjam jawsatäpki ukanakataki.

1 Corintios 9:15

Ukampis janipuniw nayax kun katuqañatakis maykti, janirakiw mä kun nayar churapxañamatakis qillqanipksmati. Ukham lurkpachaxa, askïspaw nayan jiwxañaxaxa. ¡Janiw khitis uka kusisiñ apaqkitaspati!

2 Corintios 7:14

Nayax jumanakat kusisitax Titor yatiyta, uk sasax janiw pantjaskti. Jan ukasti, kuntix jumanakar sapkäyäsma ukax chiqawa, Titor sapkta ukas chiqarakiwa: nanakax jumanakat wal kusisipxta.

Hebreos 10:38

Nayan aski iyawsirixax iyawsäwi laykuw jakani; qhipar kuttan ukkhasti, janiw jupat kusiskäti” sasa.

Josué 22:16

—Nanakax Tatitun markapan sutipxaruw arsupxta. ¿Kunatarak jumanakasti Israelan Diosapar ch'uxña lurapxtasti? ¿Kunatarak Tatitur apanukupxta, yaqha altar lurasa jupataki sayt'asipxtasti?

Josué 23:16

janitix jumanakax kawkïr arust'äwtix Tatitux jumanakampi lurki ukar phuqhapkäta ukapacha. Jumanakatix yaqha diosanakaru yupaychasina jupanakatak alt'asipxäta ukaxa, Tatitusti jumanakatakix q'apisiniwa, ukatsti jank'akiw jupan churat aka suma uraqit chhaqtayapxätam” sasa.

1 Pedro 3:12

Tatitusti aski jaqinakarux imiwa, mayisitanakaparus ist'arakiwa, ukampis jan wali lurir jaqinakarux janiw ist'kiti.”