Esdras 7:6 - Qullan Arunaka DC

⁶ Esdrasax mä sacerdotënwa, Diosax Moisés tuqi kamachinakap churkatayna ukanak sum uñt'ir yatichirirakïnwa; uka kamachinak yatxatapunïnwa, ukarus jaysarakïnwa, ukatsti judionakaruw yatichäna. Tatituw Esdrasarux yanapaskäna, kunanaktix jupax maykäna ukanak Artajerjes reyix churäna. Ukhamat Esdrasax Babilonia markat

Aymar Bibliia 1986

⁶ Esdras chachasti suma yatichirïnwa, Israelan Dios Tatitun leyipsa suma yatiraquïna, cuntï Diosajj Moisés toke churcäna ucanaca, ucatsti Esdras chacharojja Tatituw yanapascäna, uqhamatwa Artajerjes reyejj churäna take cuntï jupajj maycäna ucanaca.

Qullan Arunaca

⁶ Esdras chachasti suma yatichirïnwa, Israelan Dios Tatitun leyipsa suma yatiraquïna, cuntï Diosajj Moisés toke churcäna ucanaca, ucatsti Esdras chacharojja Tatituw yanapascäna, uqhamatwa Artajerjes reyejj churäna take cuntï jupajj maycäna ucanaca.

Esdras 7:6 Jak'a apnaqawi uñst'ayäwi

Génesis 32:28

28 (29) Ukat uka jaqix säna: —Janiw jichhax Jacob satäxätati. Sutimax Israel satäxaniwa, Diosampi, jaqinakampi nuwasitamata, jumaw atipjaraktaxa —sasa.

Esdras 5:5

Ukampis Tatituw lurañanak sarayir judionakarux imaskäna, ukhamasti lurasipkakïnwa, Darío reyir yatiyäwinak apayañkama, ukhamat jupan arup katuqañkama.

Esdras 6:22

Paqallq uruw jan levaduran t'ant'a manq'añ phunchhäwi, kusisiñamp uruyapxäna, Tatituw jupanakarux kusisiñamp phuqt'atayna, Persia markankir reyin aski luratapata, Israelankir Tatitun utap wasitat lurañanakan yanapt'asitap layku.

Esdras 7:21

Naya Artajerjes reyix Éufrates jawirat inti jalant tuqinkir qullqi katurinakaruw arsta: ‘Taqi ch'aman Tatitun kamachip uñt'iri, yatichir Esdras sacerdotetix kuns mayipxätamxa, jan pist'ayas churapxam.

Esdras 7:28

nayaru reyi nayraqatana, wali aytat jaqinak nayraqatana, amuyt'ayirinakapan nayraqatansa khuyapayasiñap uñacht'ayatapata; nayarux ch'amañcharakituwa, jupan yanapapampisti wali aytat israelit jaqinak tantachta nayamp chik kutt'anipxañapataki” sasa.

Esdras 7:5

Abisúa, Finees, Eleazar, ukanaka.

Esdras 8:1

Artajerjes reyin marka apnaqäwipan Babilonia markat Esdrasamp chik kutt'anipkäna uka wila masinakan jilïrinakapan sutinakapax akanakawa:

Esdras 8:18

Tatitusti yuspagaratäpan, Serebías wali q'apha chacharuw irpanipxäna, wawanakapampiru, jilanakapampir kuna; jupax Mahli sat mä Levitat saraqirïnwa, taqpachanix tunka kimsaqallqunïnwa.

Esdras 8:22

Nayax p'inqasiyätwa reyit caballería soldadonak mayiña, nanakar thakhin uñisirinakat imañapataki, nanakax reyirux sapxayätwa: “Diosax imiwa taqi khitinakatix jupar thaqhapki ukanakaruxa, ukampis jupar apanukupki ukanakarux jach'a phiñasiñapampiw mutuyi” sasa.

Esdras 8:31

Abib sat qallta phaxsina, tunka payan uru saraqataruw Ahavá jawirat Jerusalén marka tuqir sartanxapxta. Tatitusaw thakhin uñisirinakata, lunthatanakatsa imapxitu.

Nehemías 12:26

Uka chachanakax Josué chachan Joacín yuqapan urunakapan jakapxäna. Kunapachatix Nehemiasax marka apnaqkän uka urunakana, yatichiri Esdras sacerdoten urunakapana.

Nehemías 12:36

ukhamarak Semaías, Azarel, Milalai, Guilalai, Maai, Natanael, Judá, Hananí uka wila masinakapa, jupanakasti Tatitun munat Davidan instrumentonakap toct'apxäna. Jupanak nayraqatsti yatichiri Esdrasaw sararakïna.

Nehemías 2:12

janiw khitirus kuntix Tatitux Jerusalén layku lurañ amuyt'aykitäna uk arskäyätti. Ukatsti arumaw sartasin mistuwayta, mä qawqha chachanakamp chika. Nayax janiw yaqha uywa irpkäyätti, jan ukasti kawkïri uywarutix lat'xatata sarkäyäta ukak irpasiyäta.

Nehemías 2:18

Ukatsti, jupanakarux kunjämtix Tatitux khuyapayasiñapamp nayar yanapt'kitän uk yatiyarakta, kuna arunaktix reyis siskitäna ukanakxata, jupanakax sapxarakïnwa: —¡Qalltapxañäni, wasitat pirqa sayt'ayaña! —sasa. Jupanakasti wali q'aphakiw maynit maynikam ch'amañchasipxäna.

Nehemías 2:8

yaqha qillqatsti reyin ch'umip uñjir Asaf chachatak churawayarakita, nayaru lawanak churañapataki; uka lawanakasti Tatitun utapan nayräx punkunakap wasitat lurañataki, markan pirqapataki, ukhamarak nayan utax lurañatakïniwa” sasa. Reyisti, taqi mayitaxaruw iyawsas churitu, Tatitun khuyapayasiñapan nayampïtap layku.

Nehemías 4:15

15 (9) Kunapachatix uñisirinakaxax nanakan wakichasitanakax yatipkäna, Tatitus jupanakan amtäwinakap mayjt'ayatap yatipkäna ukkhaxa, taqi mayniw nanakax pirqa lurañanakaxarkam kutt'xapxäyäta.

Nehemías 8:1

Ukhamasti markachirinakax taqpachaniw plazan mayaki tantacht'asipxäna, Uma punku satäki uka nayräxana, ukatxa yatichiri Esdrasaruw sapxäna: “Tatitux Israel markaru Moisés tuqi kamachip churkatayna uka qillqat aptanim” sasa.

Nehemías 8:13

Uka qhipürusti wila masinakan jilïr irpirinakapa, sacerdotenaka, levita chachanakax yatichiri Esdrasampiw tantacht'asipxäna, Tatitun kamachi arunakap sum yatxatañataki,

Nehemías 8:4

Esdras yatichiristi lawat lurat tarima patxan sayt'atänwa; uka tarimasti uka amtäwimpi luratänwa. Esdrasan kupïxapanxa Matatías, Sema, Anías, Urías, Hilquías, Maaseías uka chachanakaw sayt'atäpxäna. Ch'iqäxapansti Pedaías, Misael, Malquías, Hasum, Hasbadana, Zacarías, Mesulam uka chachanakaraki.

Nehemías 8:9

Tatitun kamachi arunakap ist'asinxa jaqinakax taqiniw jachapxäna. Ukatsti, marka apnaqir Nehemiasasa, Esdras yatichir sacerdotesa, ukhamarak jaqinakar Tatitun kamachip qhanañchir levitanakasa, sapxänwa: “Jichhürux Tatit Diosasar luqtat uruwa, jan llakisipxamti, janirak jachapxamsa” sasa.

Nehemías 9:13

“Ukatsti Sinaí qulluruw saraqantaxa, jupanakampiw alaxpachatpach parltaxa; jupanakarusti suma aski arsüwinak churtaxa, chiqpach yatichäwinaka, suma kamachi arunakampi.

Salmos 109:27

Tatay, jupanakax yatipxpan, amparamampi taqi akanak luratama.

Salmos 147:19

Tatituw Jacoburux arunakap yatiyi, Israel markarusti kamachinakap churaraki.

Salmos 45:1

1 (2) Muxsa arunakaw chuymaxan phullch'iraski; laxraxax qillqirin suma qillqañapjamawa. ¡Reyin nayraqatapan q'ucht'arapï!

Salmos 80:18

18 (19) nanakasti janipuniw mayampis jumat saraqapkäti. ¡Jakañay churapxita, juma saparukiw yupaychapxäma!

Proverbios 3:6

Taqi luräwinakaman Tatitut amtasipunim, jupaw chiqa thakhinjam irpaskätam.

Isaías 50:2

¿Kunatsa nayax jutkta ukapachax khitirus jan jikxatktxa? ¿Kunatsa jawsataxarux khitis jan jayskituxa? ¿Janit amuyapktasti nayan ch'amanïtaxa jumanakar qhispiyañatakisti? Nayatakix janiw kunäkis mä aru arsuñaxa, ukhamat quta wañt'ayañatakisa, jawiranakas ch'usa wasarar tukuñapatakisa; ukhamat chawllanakax umatjam jiwarañapataki, umatjam thujsantañapataki.

Isaías 59:1

Tatitux qhispiyañatakix taqi ch'amaniwa, ist'añatakis jank'akirakiwa.

Jeremías 8:8

Ukhamasti, ¿kunjämarak jumanakasti sapxasmasti: ‘Taqi kunsa sum yattanxa, Tatitun kamachipasti jiwasampïskiwa’ sasasti? ¡Kamachinak yatichirinakax k'arikamak yatichapxi, ukatsti, Qillqatax ukham siwa sasaw sarnaqapxaraki!

Mateo 13:52

Ukat Jesusax jupanakar säna: —Kunapachatix kamachi yatichirix Diosan qhapaq markapat sum yatxi ukkhaxa, utani jaqjamawa, jupasti imat yänakapatxa, machaq yänaka, mirq'i yänak apsunki ukar uñtatawa —sasa.

Mateo 23:2

“Kamachi yatichirinakampi, fariseonakampix Moisesan yatichäwinakap yatichañatak uskutäpxiwa.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

1 Corintios 1:20

¿Kawkinkarak yatiñani, yatichiri, akapach yänakat ch'axwir jaqisti? ¡Diosasti akapach yatiñ kankañ luqhi kankañaruw tukuyi!

1 Corintios 15:1

Jichhasti jilatanaka, Diosan suma yatiyäwi arunak yatiyapksma ukat amtasipxañam munta. Jumanakax uka suma yatiyäwi arunak iyawsapxta, ukarjamarakiw sayt'atäsipktaxa.

Deuteronomio 28:1

Moisesasti saskakïnwa: “Chiqpachatix Tatit Diosamar jaysäta, ukatsti jichhürun churksma uka kamachi arunakaparjam sarnaqarakïta ukapachasti, Diosax taqi aka uraqin utjir markanakxaruw uchätam.

Deuteronomio 4:5

Nayasti jumanakarux Tatit Diosax iwxawaykitu taqi uka kamachi arunak yatichapxsma, katuqapkäta uka uraqin uka kamachinakarjam sarnaqapxañamataki.