Esdras 7:10 - Qullan Arunaka DC

¹⁰ Esdrasax taqi chuymaw Tatitun kamachipxat yatxataña, ukhamarjam phuqhañsa amtasïna, ukatsti israelit jaqinakar Tatitun kamachinakapa, arsüwinakap yatichañaraki.

Aymar Bibliia 1986

¹⁰ Esdras chachasti take chuymawa amtasïna Tatitun leyipa yatjjataña, uqhamarac uca leyinac phokhañsa, ucatsti israelita jakenacarusa yatichañaraqui Tatitun leyinacapa, camachinacapa.

Qullan Arunaca

¹⁰ Esdras chachasti take chuymawa amtasïna Tatitun leyipa yatjjataña, uqhamarac uca leyinac phokhañsa, ucatsti israelita jakenacarusa yatichañaraqui Tatitun leyinacapa, camachinacapa.

Esdras 7:10 Jak'a apnaqawi uñst'ayäwi

1 Crónicas 29:18

Tatay, Abraham, Isaac, Israelan nayra awkinakaxan Diosapa, aka amtäwi markaman chuymapan utjayam, juma tuqir chuymap uñtayarakim.

2 Crónicas 12:14

Roboam reyin sarnaqatapax janiw askïkänti, janirakiw Tatiturux taqi chuymampi thaqtkänti.

2 Crónicas 19:3

Ukampisa, juman yaqha suma luratanakamax utjiwa, jumax aka markpachan utjkäna uka Astarté diosan uñtasitanakaparuw tukjtaxa, ukatsti chuymaman Diosar thaqhañ amtasiraktaxa” sasa.

2 Crónicas 30:22

Uk uñjasasti, Ezequiasax levitanakar walpun jallallt'äna, jupanakan Tatitur yupaychañatak wali suma amtäwipa uñacht'ayapxatap layku. Jupanakax paqallq uruw kusisiñ chuymampi uruyapxäna, uruyäwin manq'asa, sumankañ waxt'äwinak luqtasa, nayra awkinakapan Tatit Diosapar yupaychasa,

Esdras 7:11

Akax Artajerjes reyin Esdrasar churat qillqaqatawa, jupax sacerdote, ukhamaraki Israel markar Tatitun churata kamachi arunakapa, kamachinakapa suma yatirirakïnwa; uka qillqaqatasti akhamänwa:

Esdras 7:25

“Esdras, jumarusti saraksmawa, Tatitumaw jumar yatiñ kankañ churtam. Uka yatiñ kankañamamp marka apnaqirinakampi, taripirinakamp utt'ayam, jupanakax Tatituman kamachinakap uñt'apxañapawa, Éufrates jawirat inti jalanta tuqinkir suyun utjasir jaqinakar chiqa kankañamp apnaqapxañapataki; kamachinak jan uñt'ir judionakarux yaticharakim.

Esdras 7:6

Esdrasax mä sacerdotënwa, Diosax Moisés tuqi kamachinakap churkatayna ukanak sum uñt'ir yatichirirakïnwa; uka kamachinak yatxatapunïnwa, ukarus jaysarakïnwa, ukatsti judionakaruw yatichäna. Tatituw Esdrasarux yanapaskäna, kunanaktix jupax maykäna ukanak Artajerjes reyix churäna. Ukhamat Esdrasax Babilonia markat

Job 11:13

Jichhax taqi kunsa chiqapar lurañ amtasim, Diosat mayisirakim.

Salmos 1:2

jan ukasti, jupan kusisiñapax Tatitun arupawa, uka arupatsti arumay uruw lup'i.

Salmos 10:17

Tatay, jumaw jan yäqat jaqinakan mayisitap ist'asktaxa, jumaw chuymachtaxa, ch'amañcharaktaxa.

Salmos 119:112

Taqpach chuymampiw kamachinakamarjam sarnaqañatak arsta, wiñayataki, tukuykam phuqhañatakiw arsurakta.

Salmos 119:45

Ukhamat jan khitin kamsat jakä, arsutanakamar arkatax layku.

Salmos 19:7

7 (8) Tatitun kamachinakapax chiqapawa, jaqin chuymap machaqaptayiriwa. Tatitun arunakapax askiwa, llamp'u chuyman jaqir yatiñan tukuyiriwa.

Salmos 57:7

7 (8) Diosaxay, chuymaxax wakichatawa, q'uchunak jumatak q'uchuñatak wakichatawa.

Malaquías 2:7

Sacerdotenakan lurañanakapasti, jaqinakaru nayar uñt'aña yatichapxañapawa, ukatsti taqinirakiw jupanakan ukaru sarapxañapa suma yatichäwinak katuqiri, jupanakax taqi ch'aman Tatitun suma arunakap qhanañchiri khithanita jaqinakäpxatap layku.

Mateo 5:19

Ukatpï sapxsmaxa, khititix uka kamachinakat mä jisk'a kamachikïkchi ukasa jan phuqkani, janirak jaqinakarus ukarjam sarnaqañapatak yatichkani ukaxa, jupasti alaxpach markan mä jisk'at uñt'atakïniwa. Ukampis khititix kamachi phuqhani, ukat yaqhanakar ukham phuqhañapatak yaticharakini ukasti, alaxpach markan jach'at uñt'atäniwa.

Mateo 7:24

“Khititix ist'kitu ukat kuntix siskta uk lurki ukax, qarqa patar utachasir amuyt'an jaqir uñtatawa.

Juan 13:17

Akanaktix amuyt'apxäta, ukat ukarjam lurapxarakïta ukasti, kusisitäpxätawa —sasa.

Hechos 1:1

Munat Teófilo, mayïr qillqataxanxa, kuntix Jesusax qalltatpach lurawaykatayna, yatichawaykatayna ukanakat qillqta,

Deuteronomio 16:12

Amtasipxam, jumanakas Egipto markan t'aqhisiyat uywatäpxayätawa, ukat taqi aka kamachinakarjam sarnaqapxañamaxa.

Deuteronomio 33:10

Jumanakaw markamarux kamachi arunakap phuqhañ yatichapxtaxa; Diosan altarapxansti, kunayman waxt'anak luqtapxtaxa.

1 Timoteo 3:2

Uka irpiristi, jan khitinsa kamskay jaqïñapawa, mä sapa warmini, q'uma chuymani, amuyt'ir chuymani, yäqasir chuymani, qurpacht'ir chuymani, yatichañatakis suma wakicht'atäñapawa,

2 Timoteo 4:2

Tatitun arunakap parlam; wakiski ukkhasa, jan wakiski ukkhas parlapunim. Amuyt'ayam, iwxt'arakim, taqi llamp'u chuymamp yatichas ch'amañcham.

Tito 2:1

Kuntix jumax parlkta ukax, q'uma yatichäwimpix mayakïñapawa.

Tito 2:15

Akanak jumax yatichañama, ch'amacht'asa, taqi jilïr kankañampi iwxt'asa, jan khitimpis jisk'achayasisa.

Apocalipsis 22:14

Jakañ churir quqan achupat manq'asiñatak isinakap t'axsusirinakax kusisiñanïpxiwa, ukhamarak markar punku chiqa mantañ munirinakasa.

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.