Esdras 6:9 - Qullan Arunaka DC

⁹ Ukatsti sapürurak jan armasis Jerusalenankir sacerdotenakar churaspan, vaca qallunakäpasa, mä maran ovejanakäpasa, jan ukax trigöpasa, jayüpasa, vinöpasa, aceitëpas jupanakan mayitanakaparjama, alaxpachankir Diosar nakt'at luqtäwinak luqtapxañapataki.

Aymar Bibliia 1986

⁹ Ucatsti sapüruraqui jan armasina Jerusalenanquiri sacerdotenacaru churaspan vaca kallunaca, mä maran ovejanaca alajjpachanquir Diosar nact'ata loktäwinaca loktañataqui, uqhamarac trigsa, jaysa, vinsa, jan ucajj aceitsa jupanacan mayitanacaparjama, uqhamarac take cuntï munapqui uqhamaruraqui.

Qullan Arunaca

⁹ Ucatsti sapüruraqui jan armasina Jerusalenanquiri sacerdotenacaru churaspan vaca kallunaca, mä maran ovejanaca alajjpachanquir Diosar nact'ata loktäwinaca loktañataqui, uqhamarac trigsa, jaysa, vinsa, jan ucajj aceitsa jupanacan mayitanacaparjama, uqhamarac take cuntï munapqui uqhamaruraqui.

Esdras 6:9 Jak'a apnaqawi uñst'ayäwi

1 Crónicas 9:29

Mayninakasti yaqha yänakata, qullan yänakata, jak'uta, vinota, aceiteta, inciensota, q'apkir qullanaka uñjañatak uchatänwa.

Esdras 6:10

Uka waxt'äwinakax alaxpachankir Diosan chuymapar purt'kirïñapawa, ukhamaraki nayan jakäwixatakisa, wawanakaxatakis mayipxpan.

Esdras 6:8

Nayan arsüwixax akawa: judionakan sarayirinakapar yanapt'añatakisa, uka luräwin jan sayantañapatakisa, kuna impuestonaktix reyix Éufrates jawirat inti jalant tuqinkir suyut katuqki ukanakxa, wakisitapar churatäpan.

Isaías 49:23

Reyinakaw jumanakar uywasir awkinakamäni, reyinakan phuchhanakapasti wawa uywirinakamarakïniwa. Jupanakasti juma nayraqatan uraqkamaw alt'asipxani, laq'arar kayunakamsa jamp'att'apxarakïtamwa. Ukapachaw jumax nayan Tatitütax yatïta, khitinakatix nayar iyawsapki ukanakasti, janiw p'inqachjat uñjasipkiti.”

Levítico 1:10

“Luqtañ uywatix nakhantayañatak oveja tamapata jan ukax, cabra tamapat churatäkani ukax, jan kamacht'at mä urqüñapawa,

Levítico 9:2

Aaronarusti sarakïnwa: “Jichhax mä urqu vaca qallu irpxarum, ukhamarak mä urqu ovejampi, ukanakax jan kuna kamacht'at uywanakäñapawa, ukanaksti nakt'at wilañcha Tatitur luqtarakim.

Marcos 9:49

“Diosax taqiniruw q'umachani, kunjämtix jayumpisa, ninampis q'umachktan ukhama.