Esdras 6:8 - Qullan Arunaka DC

⁸ Nayan arsüwixax akawa: judionakan sarayirinakapar yanapt'añatakisa, uka luräwin jan sayantañapatakisa, kuna impuestonaktix reyix Éufrates jawirat inti jalant tuqinkir suyut katuqki ukanakxa, wakisitapar churatäpan.

Aymar Bibliia 1986

⁸ Nayasti aca arunacwa jupanacar churta judionacan sarayeriparu yanapt'añataqui, Diosan templopa wasitata lurapjjañapataqui: Reyejja impuestonaca catokqui Eufrates jawirata inti jalanta tokenquiri provinciata ucanacjja, horasaparuraqui pagaspan uca luräwejj jan sayantañapataqui.

Qullan Arunaca

⁸ Nayasti aca arunacwa jupanacar churta judionacan sarayeriparu yanapt'añataqui, Diosan templopa wasitata lurapjjañapataqui: Reyejja impuestonaca catokqui Eufrates jawirata inti jalanta tokenquiri provinciata ucanacjja, horasaparuraqui pagaspan uca luräwejj jan sayantañapataqui.

Esdras 6:8 Jak'a apnaqawi uñst'ayäwi

Esdras 4:16

Ukat juma jach'a munañan reyir yatiyapxsma, uka markatix wasitat sayt'ayatäni, pirqanakapas tukuyatarakïni ukaxa, juma reyix janiw apnaqäwiman Éufrates jawirat inti jalant tuqinkki uka markanakxarux munañanïkxasmati” sasa.

Esdras 4:23

Kunapachatix Artajerjes reyin qillqatap ullarapxäna ukkhaxa, ukspachaw Rehúm chachasa, Simsai qillqirisa, masinakapasa, Jerusalenar sarapxäna, ukatsti axsarayasaw judionakar munkir jan munkir lurañanak suyt'ayapxäna.

Esdras 5:5

Ukampis Tatituw lurañanak sarayir judionakarux imaskäna, ukhamasti lurasipkakïnwa, Darío reyir yatiyäwinak apayañkama, ukhamat jupan arup katuqañkama.

Esdras 6:14

Judionakan sarayirinakapasti Hageo, Zacarías uka profetanakan ch'amañcht'atax irnaqäwinak lurasipkakïnwa. Israelan Tatitun arsutaparjamaw wasitat pirq lurañax tukuyasïna, ukhamaraki Persia markankir Ciro, Darío, Artajerjes uka reyinakan arsüwinakaparjama.

Esdras 6:4

ukxarusti, jach'a qalanakat kimsa siqi luraspan, mä siqisti machaq lawata luratäpan. Taqi ukanakasti reyin qullqipamp alatäniwa.

Esdras 6:7

judionakan apnaqiripampiru, sarayirinakapampir jan jark'xäsipxamti, Diosan utap wasitat lurapxpan.

Esdras 6:9

Ukatsti sapürurak jan armasis Jerusalenankir sacerdotenakar churaspan, vaca qallunakäpasa, mä maran ovejanakäpasa, jan ukax trigöpasa, jayüpasa, vinöpasa, aceitëpas jupanakan mayitanakaparjama, alaxpachankir Diosar nakt'at luqtäwinak luqtapxañapataki.

Esdras 7:14

Jumarusti, nayampi paqallqu amuyt'ayirinakaxampiw Jerusalenar khithapxsma, Judá uraqina, Jerusalenan kunjämäskis uk uñjañamataki, kunjämäkitix Tatituman kamachipax ukhamarjama.

Nehemías 11:23

reyiw q'uchurinakan sapüru lurañanakapat arsurakitayna.

Nehemías 2:8

yaqha qillqatsti reyin ch'umip uñjir Asaf chachatak churawayarakita, nayaru lawanak churañapataki; uka lawanakasti Tatitun utapan nayräx punkunakap wasitat lurañataki, markan pirqapataki, ukhamarak nayan utax lurañatakïniwa” sasa. Reyisti, taqi mayitaxaruw iyawsas churitu, Tatitun khuyapayasiñapan nayampïtap layku.

Daniel (hebreo) 6:26

26 (27) Nayaw arsta: taqpach markanakaxan Danielan Diosapax yupaychatäpan, yäqatarakïpan. “Jupaw wiñayatak jakkiri Diosaxa. Jupan markapax janipuniw t'unjatäkaniti, ch'amapas janirakiw tukuskaniti.

Hageo 2:8

“Nayankiw qullqisa, qurisa.