Esdras 6:5 - Qullan Arunaka DC

⁵ Ukatsti, kawkïr qurita, qullqit lurata yänaktix Nabucodonosor reyix Jerusalenan Diosan utapat Babiloniar apankäna uka yänakax kutt'ayatäxpan. Uka yänakasti Tatitun utapan kawkhankirïkitix ukkhar uchatäxarakpan’ ” sasa.

Aymar Bibliia 1986

⁵ Ucatsti Nabucodonosor reyejj Jerusalenanquiri Diosan templopata korita, kollketa yänaca Babiloniaru apancäna ucanacajja cutt'ayatäjjasinjja Jerusalenar apayatäjjpan, ucatsti cawqhanquirïquitï ucqharu uchatäjjpan Diosan templopana’ ” sasa.

Qullan Arunaca

⁵ Ucatsti Nabucodonosor reyejj Jerusalenanquiri Diosan templopata korita, kollketa yänaca Babiloniaru apancäna ucanacajja cutt'ayatäjjasinjja Jerusalenar apayatäjjpan, ucatsti cawqhanquirïquitï ucqharu uchatäjjpan Diosan templopana’ ” sasa.

Esdras 6:5 Jak'a apnaqawi uñst'ayäwi

2 Reyes 24:13

Ukatsti Nabucodonosor reyix Tatitun utapata, ukhamaraki reyi utat taqpach imat yänak apsuwayäna, ukatsti, kunjämtix Tatitux yatiykatayna ukhamarjamaw qurit lurat taqi yänak p'akiräna, kuna yänaktix Israelan Salomón reyipax Tatitun utapatak luraykatayna ukanaka.

2 Crónicas 36:10

Uka marana, phanchhiri pachan, Nabucodonosor reyix Joaquín reyir Babilonia markar katuntat apayäna. Jupa lantisti, Nabucodonosor reyix Sedequías chacharuw Judá markan reyipat utt'ayäna, jupax Joaquín reyin jilapänwa. Ukxarusti Tatitun utapan utjkäna uka jila alani yänakamp Babiloniar apasipxarakïna.

2 Crónicas 36:18

Diosan utapan utjir yänaksti jach'äpas jisk'äpas taqpach apasïna, ukhamarak suma imatäkän uka yänaksa, reyinkïrsa, yanapirinakapankïrsa, caldeonakan reyipax Babiloniaruw taqpach apasïna.

Esdras 5:14

“Sapxarakituwa: ‘Ciro reyix Babiloniankir templot kuntix Nabucodonosor reyix Jerusalenan Tatitun utapat Babiloniar apkatayna uka qurita, qullqit lurat yänak apsu. Ukanaksti jupax Judá marka apnaqir Sesbasar chacharuw katuyarakitayna.

Jeremías 27:16

Ukatsti sacerdotenakampiru, taqi jaqinakampiruw parlarakta, jupanakarusti saraktwa: “Tatitux akham siwa: ‘Kuna yänaktix Tatitun utapat apapkatayna ukanakax jank'akiw kuttayanitäxani sasa parlxayapktam uka profetanakarux jan ist'apxamti. Uka parlatanakapax k'arikamakiwa.

Jeremías 52:19

Uka Nebuzaradán jilïristi taqi qurit lurat yänak apasxarakïna: qurit lurat jach'a lamananaka, nina sank'a uchañanaka, jach'a tilinkinaka, qhilla uchañanaka, candeleronaka, wisllanaka, vino luqtäwi katuyañatak uka qirunaksa q'al apasxäna.

Daniel (hebreo) 1:2

Tatituw Joacín reyirux Nabucodonosor reyimp katuntayäna, kuna yänakatix Tatitun utapan utjkäna ukanaksa Nabucodonosor reyiruw katuyarakïna. Nabucodonosor reyisti Babilonia markaruw jaqinak katuntat apasxäna, Tatitun utapat apsuta qullan yänaksa diosanakapan yänakapamp chik uskurakïna;

Daniel (hebreo) 5:2

Umatäxasinsti, Belsasar reyix mayirakïnwa kuna qurita, qullqita lurat qirunaktix Nabucodonosor awkipax Jerusalenat Tatitun utapat apsuwaykatayna ukanak aptanipxañapataki. Aptayanisinsti, uka qurit qullqit lurat qirunakat reyisa, warminakapasa, uñt'atanakapasa, taqi jawsayatanakapasa vino umapxäna.