Esdras 6:16 - Qullan Arunaka DC

¹⁶ Ukatsti kusisiñampiw Tatitun utap luqtapxäna, israelitanakasa, sacerdotenakasa, levitanakasa, ukhamarak khitinakatix jaya markar apanukut uñjasipkatayna ukanakasa.

Aymar Bibliia 1986

¹⁶ Ucatjja Diosan templopjja cusisiñampiwa loktapjjäna israelitanacajja, sacerdotenacasa, levitanacasa, uqhamarac jaya marcaru apanucutäpcäna ucanacasa.

Qullan Arunaca

¹⁶ Ucatjja Diosan templopjja cusisiñampiwa loktapjjäna israelitanacajja, sacerdotenacasa, levitanacasa, uqhamarac jaya marcaru apanucutäpcäna ucanacasa.

Esdras 6:16 Jak'a apnaqawi uñst'ayäwi

1 Reyes 8:62

Uka qhipatsti, reyimpi, taqpach Israel markampix wilañchanak Tatitur luqtapxäna.

1 Reyes 8:63

Salomonasti Tatiturux sumankthapiñ wilañchanak luqtäna: pä tunka payani waranqa urqu vacanakampi, patak pä tunkan waranq ovejanakampi. Reyimpi, taqpach israelit jaqinakampisti, Tatitun utap ukham luqtapxäna.

1 Crónicas 15:28

Taqpach Israel markaw Tatitun arust'äwi arcap ukham apapxäna, kusisiñatsa wali jach'at arnaqasisa, ukhamarak pututunaka, trompetanaka, platillonaka, salterionaka, arpanak toct'asisa.

1 Crónicas 9:2

Israelitanaka, sacerdotenaka, levitanaka, Tatitun utapa luqtirinakaw wasitat kuttanisin uraqinakaparu, markanakapar nayraqat utjantasipxäna.

2 Crónicas 29:30

Ukatsti Ezequías reyimpi, jilïr irpirinakampix, levitanakaruw mayipxäna, Davidan q'uchunakapampi, Asaf profetan q'uchunakapampi Tatitur yupaychapxañapataki. Jupanakasti wali kusisiñampiw q'uchupxäna, killt'asisaw yupaychapxarakïna.

2 Crónicas 30:23

jaqinakasti taqiniw yaqha paqallq urumpi uruyañatak amtapxäna, uksti jupanakax wali kusisiñampiw lurapxäna;

2 Crónicas 30:26

Jerusalén markansti wali kusisiñaw utjäna, janipuniw kunapachas ukhamax Israelan reyipa, David chachan Salomón yuqapan urunakapatpacha utjkänti.

2 Crónicas 7:5

Salomón reyisti pä tunka payan waranqa urqu vacanaka, patak pä tunkani waranqa ovejanak wilañcha luqtäna. Reyisa, taqpach Israel markasa Tatitun utap ukham luqtapxäna.

Esdras 4:1

Judionakan uñisirinakapaxa, Babiloniar apatäkäna ukanakan kutt'anxasin Tatitun utap wasitat lurapxatap yatisinxa,

Esdras 6:22

Paqallq uruw jan levaduran t'ant'a manq'añ phunchhäwi, kusisiñamp uruyapxäna, Tatituw jupanakarux kusisiñamp phuqt'atayna, Persia markankir reyin aski luratapata, Israelankir Tatitun utap wasitat lurañanakan yanapt'asitap layku.

Nehemías 12:27

Jerusalén pirqa luqtañ urux purinxän ukkhasti, levitanakarux kawkha chiqanakantix jakapkäna ukkhanakat jawsayanipxäna, ukatsti Jerusalenaruw irpanipxäna, jupanakan kusisiñampi yupaychasin, q'uchunakampi, platillonakampi, arpanakampi, liranakamp chika Jerusalén pirqa Tatitur katuyapxañapataki.

Nehemías 12:43

Ukürusti walja wilañchanaka luqtasïna, jaqinakasti walpun kusisipxäna, Tatituw jupanakar jach'a kusisiñamp phuqt'äna. Warminakasa, wawanakasa wali kusisitäpxarakïnwa, Jerusalenan utjkän uka kusisiñax jayatpach ist'asïna.

Nehemías 7:73

73 (72) “Ukatsti sacerdotenakasa, levitanakasa, punku uñjirinakasa, q'uchurinakasa, markachirinakasa, Tatitun utapan yanapirinakasa, taqi Israel markpachaw utjäwiparkam utt'ayatäxäna.” Paqallqu phaxsïri purinipansti, israelita jaqinakax markanakapar suma utjantatäxapxänwa.

Nehemías 8:10

Esdrasasti ukxarux sänwa: “Sarxapxam, manq'asinipxam sumïri manq'anaka, muxsa vino umasipxarakim, ukatsti khitinakantix manq'añapax jan utjki ukanakar churapxarakim; jichhürux Tatitusar luqtat uruwa. Jan llakisipxamti, Tatitusti kusisiñapampiw ch'amañchistani” sasa.

Salmos 122:1

¡“Tatitun utapar sarañäni” sirinakampix walpun kusista!

Daniel (hebreo) 5:13

Ukatsti, Danielar reyin nayraqataparuw irpanipxäna, reyisti jupar jiskt'arakïnwa: —¿Jumätati Danielaxa, khitirutix Nabucodonosor rey awkixax Judá uraqit katuntat apankäna ukaxa?

Juan 10:22

Thaya pachänwa, Jerusalén markansti Tatitun utap luqtäwi uru uruyasipkäna.

Deuteronomio 12:7

Uka chiqan Tatit Diosaman nayraqatapan manq'apxäta, ukatsti wila masinakamamp chikaw kusisipxarakïta, irnaqäwinakamamp jikxatat achunakata, Diosaman aski waxt'äwinak jumanakar churatapata.

Filipenses 4:4

Tatitunkasax kusisipxapunim. Wasitat sapxsma, ¡Kusisipxam!