Esdras 5:3 - Qullan Arunaka DC

^3-4 Ukampis Éufrates jawirat inti jalant tuqinkir suyun Tatenai apnaqiripampi, Setar-boznai chachampi, mayni masinakapampix Jerusalenar purisax judionakar akham jiskt'apxäna: “¿Khitis sapxtam aka uta wasitat lurayañataki, pirqanak sayt'ayañatakisa? ¿Kuna sutinïpxis aka ut lurayirinakaxa?” sasa.

Aymar Bibliia 1986

^3-4 Ucampis Eufrates jawirata inti jalanta tokenquir provinciana Tatnai sat gobernadorampi, uqhamarac Setar-boznai chachampi mayni masinacapampejja sarapjjänwa aqham siri: “¿Qhitisa sapjjtam aca templo wasitat lurayañataqui, uqhamarac aca perkanacsa maderampi apaquipañataquisa? ¿Cuna sutininacäpjjesa aca templo luririnacajja?” sasa.

Qullan Arunaca

^3-4 Ucampis Eufrates jawirata inti jalanta tokenquir provinciana Tatnai sat gobernadorampi, uqhamarac Setar-boznai chachampi mayni masinacapampejja sarapjjänwa aqham siri: “¿Qhitisa sapjjtam aca templo wasitat lurayañataqui, uqhamarac aca perkanacsa maderampi apaquipañataquisa? ¿Cuna sutininacäpjjesa aca templo luririnacajja?” sasa.

Esdras 5:3 Jak'a apnaqawi uñst'ayäwi

Esdras 1:3

Ukhamïpansti, jumanak taypin khitinakatix Tatitun markapankirïpkta ukanakaruxa, Dios yanappan, Judá uraqinkir Jerusalén markar Tatitun utap lurir sarxpan, Israel markan Tatitupawa, Jerusalén markan jakaraki.

Esdras 4:12

“Juma jach'a reyiruw yatiyañ munapxsma, kawkïri judionakatix Babilonia markat mistunisin Jerusalenar kuttanipki ukanakaxa, wasitat uka saykatasiri, jan wali markxa lurasipki. Jupanakax pirqanak sayt'ayañsa qalltxapxiwa, uta qalltanakap wasitat askichañsa.

Esdras 4:9

Uka qillqatasti, Persia, Érec, Babilonia, Susa, uka markanakan apnaqirinakapana, taripirinakapana, yanapirinakapan sutinakapampi qillqantatänwa, ukhamaraki, kawkïr markanakarutix wali uñt'at jach'a Asnapar sat reyix uraqinakapat jaqunukuykatayna uka jach'a markanakan yanapirinakapan sutinakapampi qillqantatänwa. Uka markanakax Samaria markanakana, Éufrates jawirat inti jalant tuqin utjir uka suyunakan jakapxarakïna. Reyir apayat qillqatasti akham sänwa: “Artajerjes jach'a rey, Éufrates jawirat inti jalanta tuqin utjasir luqtirinakamaw aruntanipxtam:

Esdras 5:6

Darío reyir qillqat apayapkäna ukat qillqaqatasti akawa, uksti apayapxänwa, Éufrates jawirat inti jalant tuqinkir suyu apnaqir Tatenai chachampi, Setar-boznai chachampi, masinakapampi, khitinakatix Éufrates jawirat inti jalant tuqinkapki uka marka apnaqirin yanapirinakapamp kuna,

Esdras 5:9

Ukatsti, sarayapki uka judionakaruw nanakax jiskt'apxta, khitis jupanakar uka ut lurapxañapataki, pirqanaksa lawanakamp apakipañatak sapxpacha uk yatiñataki,

Esdras 6:13

Ukatsti, Éufrates jawirat inti jalant tuqi suyun apnaqiripasa, Tatenai ukasa, Setar-boznai chachasa, masinakapas Darío reyin arsutaparjamaw phuqhapxäna.

Esdras 6:6

Ukatsti Darío reyix Éufrates jawirat inti jalant tuqinkir suyun Tatenai apnaqiriparu, Setar-boznai chacharu, maynïr jilïrinakampirux akham iwxarakïna: “Jerusalén markat mistupxam,

Esdras 7:21

Naya Artajerjes reyix Éufrates jawirat inti jalant tuqinkir qullqi katurinakaruw arsta: ‘Taqi ch'aman Tatitun kamachip uñt'iri, yatichir Esdras sacerdotetix kuns mayipxätamxa, jan pist'ayas churapxam.

Hageo 1:1

Darío reyin payïr mara markar apnaqatapana, suxtïr phaxsina, nayrïr uru saraqataruw Tatitux Hageo profeta tuqi parläna, Salatiel chachan Zorobabel yuqapampiru, khititix Judá uraqi apnaqirïkäna ukaru, Josadac chachan Josué yuqapampiru, khititix jilïr sacerdotëkän ukampiru.

Mateo 21:23

Uka qhipatsti, Jesusax Tatitun utaparuw mantäna. Ukan yatichkipansti, sacerdotenakan jilïripampi, judionakan jilïripampiw jupar jak'achasisin jiskt'apxäna: ¿Kuna munañanïñampis jumax uk lurtaxa? ¿Khitirak uka munañanïñ churtamsti? —sasa.

Hechos 4:7

Ukatsti Pedrompiru, Juanampiruw irptayanipxäna, ukatsti jupanak taypir puriyanisin, jiskt'apxäna: —¿Kuna ch'aman kankañampisa, jan ukax, khitin sutipxarus jumanakax akanak lurapxtaxa? —sasa.