Esdras 5:11 - Qullan Arunaka DC

¹¹ Jupanakasti sapxituwa: ‘Nanakax taqi ch'aman Tatituruw yupaychapxta, kawkïr uttix wasitat lurapkta ukax nayra maranakan Israelan mä jach'a reyipaw taqpach luräna’ sasa.

Aymar Bibliia 1986

¹¹ Ucatsti jupanacajj sapjjetänwa: ‘Nanacajj alajjpachanquiri, acapachanquiri Diosaruw yupaychapjjta, ucatsti cawquïr templo lurapctjja ucajja walja maranaca nayrawa take phokhata luratäna Israelan mä jach'a reyipana’ sasa.

Qullan Arunaca

¹¹ Ucatsti jupanacajj sapjjetänwa: ‘Nanacajj alajjpachanquiri, acapachanquiri Diosaruw yupaychapjjta, ucatsti cawquïr templo lurapctjja ucajja walja maranaca nayrawa take phokhata luratäna Israelan mä jach'a reyipana’ sasa.

Esdras 5:11 Jak'a apnaqawi uñst'ayäwi

Génesis 24:3

ukatsti alaxpacha, akapach Diosan sutipxar juramento lurarapita, Isaac wawaxaru, jan aka Canaán uraqinkir warmimpi jaqichañamataki,

1 Reyes 6:38

ukatsti Tatitun utapa taqi phuqhatpacha lurañax, Bul sat kimsaqallqür phaxsin tukuyasirakïna, tunka mayan mara jupax marka apnaqkäna ukapacha, kunjämatix amtatäkän ukhamarjama. Uka utsti Salomonax paqallq maran luräna.

1 Reyes 9:10

Pä tunka maranakaw sarakipxäna Salomonan paypach utanak lurayatapatxa, ukanakasti Tatitun utapampi, reyin jach'a utapampïnwa,

Esdras 5:10

jupanakar sarayki uka jaqinakan sutinakapsa jiskt'apxaraktwa, ukhamat sutinakap qillqasin juma reyir yatiyaniñataki.

Salmos 119:46

Reyinakan nayraqatapan arunakamat parlä, janipuniw arsuñ p'inqaskäti.

Salmos 136:26

¡Alaxpachankir Diosar yuspagarapxam, munasiñapax wiñayawa!

Daniel (hebreo) 3:26

Ukham sasinsti, Nabucodonosor reyix horno punkur jak'achasisin art'äna: —¡Sadrac, Mesac, Abed-nego, alaxpach Diosan luqtirinakapa, mistunxapxam, akar jutapxam! —sasa. Uka kimsa waynanakasti nina lawra taypit mistunxapxäna.

Jonás 1:9

Jonasasti sarakïnwa: —Nayax hebreo jaqïtwa, qutanaksa, aka uraqsa lurir alaxpachankir Tatit Diosar yupaychirïtwa —sasa.

Mateo 10:32

“Khititix jaqinak nayraqatan nayat arsunixa, nayasti alaxpachankir Awkixan nayraqatapan jupat arsurakï;

Lucas 12:8

“Nayax sapxsmawa, khititix jaqinak nayraqatan nayat arsunixa, jaqin Yuqapax Diosan angelanakap nayraqatan jupanakat arsurakini;

Hechos 27:23

Jichha arumax Diosan khithanit mä angelaw uñstitu, nayax uka Diosanktwa, jupan luqtiripätwa.

Romanos 1:16

Janiw nayax Diosan suma yatiyäwi arunakapat p'inqaskti, ukasti Diosan ch'amapawa, taqi khitinakatix iyawsapki jupanakan qhispiyasiñ jikxatañapataki, nayraqatax judionakaru, ukhamarak jan judiöpki jupanakarusa.

Romanos 6:16

Jumanakax askiw yatipxta, jumanakatix mä uywirir jaysañatak t'aqhisiyat jaqjam katuyasipxstaxa, ukhamasti jaysapxatam laykux uka uywirin t'aqhisiyat jaqinakapäpxtawa. Akasti akhamawa, juchar jaysapxät ukasti, uka juchax jiwañaruw puriyi, Diosar jaysapxät ukasti, chiqa kankañan jakapxäta.

Gálatas 6:14

Ukampis nayax janiw kunatsa jach'achasiñ munkti, jan ukasti, Tatit Jesucristosan cruzan jiwatap iyawsataxat jach'achasiñaxax utjitu. Criston cruzap tuqiw nayatakix akapach luräwinakax jiwatäxi, nayasti akapach luräwinakatakix jiwatäxaraktwa.

Josué 24:15

Ukampis janitix Tatitur yupaychañ munapksta ukaxa, jichhüruy ajllisipxam khitirutix yupaychañ munapkta ukaru: Éufrates jawir thiyanakan nayra awkinakamax yupaychapkäna uka diosanakaruti, jan ukax, aka uraqin jakir amorreo jaqinakan diosanakaparucha. Ukampis nayampi, wila masinakaxampix Tatituruw yupaychapxä —sasa.