Esdras 4:16 - Qullan Arunaka DC

¹⁶ Ukat juma jach'a munañan reyir yatiyapxsma, uka markatix wasitat sayt'ayatäni, pirqanakapas tukuyatarakïni ukaxa, juma reyix janiw apnaqäwiman Éufrates jawirat inti jalant tuqinkki uka markanakxarux munañanïkxasmati” sasa.

Aymar Bibliia 1986

¹⁶ Ucatwa juma jach'a reyirojj yatiyapjjsma, uca marcatejj wastat luratäni, uqhamarac perkanacapas tucuyatäjjani ucajja, juma reyisti janiw apnakcjjätati Eufrates sat jawirata inti jalanta tokencqui uca provincianacarojja” sasa.

Qullan Arunaca

¹⁶ Ucatwa juma jach'a reyirojj yatiyapjjsma, uca marcatejj wastat luratäni, uqhamarac perkanacapas tucuyatäjjani ucajja, juma reyisti janiw apnakcjjätati Eufrates sat jawirata inti jalanta tokencqui uca provincianacarojja” sasa.

Esdras 4:16 Jak'a apnaqawi uñst'ayäwi

2 Samuel 8:3

Davidasti Rehob jaqin Hadad-ézer yuqaparux atipjarakïnwa, Sobá uraqin reyiparu, kunapachatix uka reyix Éufrates jawir tuqi uraqi wasitat apnaqañampïkän ukapacha.

1 Reyes 4:24

24 (4) Salomonax Éufrates jawirata inti jalanta tuqin utjir taqpach markanak apnaqäna, Tífsah chiqawjata Gaza chiqakama, ukhamaraki uka uraqinkir reyinakarusa, jupasti uka muytpach uraqinkirinakarux sumankañ utjayarakitayna.

Esdras 4:15

ukhamat juma reyin nayra awkinakaman qillqatanakapax uñjatäñapataki. Juma reyisti uka qillqatanakan qhanañchaskiri jikxatäta, uka markan reyinakapatakisa, suyunakapatakis kutkatasiri, jan walt'ayir markätapa, uka markansti nayra pachanakanxa sayt'asiñanak utjayäna, ukat t'unjat uñjasirakïna.

Esdras 4:17

Ukatsti, Artajerjes reyix akham yatiyäwi apayarakïna: “Aruntanipxsmawa Rehúm comandanteru, Simsai qillqiriru, Samaria markan jakapki uka masinakaparu, Éufrates jawirat inti jalant tuqinkirinakaru, ukat ukxar utjir suyunakaru:

Esdras 4:20

Ukatsti, Jerusalén markan ch'aman reyinakan utjatapas uñstarakiwa, uka reyinakax Éufrates jawirata inti jalant tuqin utjir markanakxar munañanïpxänwa, khitinakarutix impuestonaka, kuna churañanakatix wakt'ki ukanak churapxirïna.