Esdras 4:15 - Qullan Arunaka DC

¹⁵ ukhamat juma reyin nayra awkinakaman qillqatanakapax uñjatäñapataki. Juma reyisti uka qillqatanakan qhanañchaskiri jikxatäta, uka markan reyinakapatakisa, suyunakapatakis kutkatasiri, jan walt'ayir markätapa, uka markansti nayra pachanakanxa sayt'asiñanak utjayäna, ukat t'unjat uñjasirakïna.

Aymar Bibliia 1986

¹⁵ uqhamata suma uñjatäñapataqui juma reyin nayra awquinacaman archivonacapajja. Juma reyisti uca archivonwa khanañchasquiri jicjjatäta, uca marcana sayt'asirïtapa, uqhamarac reyinacataquisa jan walt'ayirïtapa, uqhamarac yakha provincianacataquisa. Uca marcansti nayra pachanacanjja sayt'asiñanacwa utjayäna, ucataracwa tucjataraquïna.

Qullan Arunaca

¹⁵ uqhamata suma uñjatäñapataqui juma reyin nayra awquinacaman archivonacapajja. Juma reyisti uca archivonwa khanañchasquiri jicjjatäta, uca marcana sayt'asirïtapa, uqhamarac reyinacataquisa jan walt'ayirïtapa, uqhamarac yakha provincianacataquisa. Uca marcansti nayra pachanacanjja sayt'asiñanacwa utjayäna, ucataracwa tucjataraquïna.

Esdras 4:15 Jak'a apnaqawi uñst'ayäwi

2 Reyes 24:20

Ukat Tatitux Jerusalén markampitaki, Judá markampitakix q'apisïna; ukatsti jupan nayraqatapat jupanakarux jaqunuküna.

2 Reyes 25:4

Ukat Sedequías reyix soldadonakapampi markar muyuntki uka pirqa p'iysupxäna. Jupanakasti uka chiqaw arumpacha jaltxapxäna, pä pirqa taypin utjkäna uka mantañ chiqanjama, reyin panqar uyup jak'a sarakipasa, ukatsti Jordán qhirwar sarir thakhinjam jalapxäna. Ukchañkamasti, Babiloniankir soldadonakax markar muyuntatäsipkänwa.

Esdras 4:12

“Juma jach'a reyiruw yatiyañ munapxsma, kawkïri judionakatix Babilonia markat mistunisin Jerusalenar kuttanipki ukanakaxa, wasitat uka saykatasiri, jan wali markxa lurasipki. Jupanakax pirqanak sayt'ayañsa qalltxapxiwa, uta qalltanakap wasitat askichañsa.

Esdras 4:14

Nanakax juma jach'a munañan reyin luqtirinakamäpxtwa, janiw jumar ukham ñanqhachapxañap munapkiristti, ukat juma jach'a munañan reyir yatiyanipxsma,

Esdras 4:16

Ukat juma jach'a munañan reyir yatiyapxsma, uka markatix wasitat sayt'ayatäni, pirqanakapas tukuyatarakïni ukaxa, juma reyix janiw apnaqäwiman Éufrates jawirat inti jalant tuqinkki uka markanakxarux munañanïkxasmati” sasa.

Nehemías 2:19

Ukampis kunapachatix Horón chiqankir Sambalat chachasa, Tobías amonita luqtirisa, Guésem árabe chachasa yatipxäna ukkhaxa, nanakat larusipxitänwa; jisk'achasaw sapxitäna: —¿Kunsa jumanakax lurasipkta? ¿Reyir saykatañti munapxta? —sasa.

Nehemías 6:6

ukasti akham sänwa: “Jaqinakax arunak apnaqapxi, Guésem chachas sarakiwa, jumampi judionakampix Artajerjes reyir saykatañatak wakichasipkatama, markan pirqapsa ukatakirak wasitat askichasipkatama. Jaqin parlataparjamasti, Judá uraqin reyipäñ juman munatama,

Ester (hebreo) 2:23

Reyisti uka jan wali amtatanakxat sum yatxatayäna. Chiqätap yatisinsti, uka pani jaqinakarux jaychkatat jiwapxañapatakiw juchañchäna. Taqi ukanaksti markan sarnaqäwinakapa qillqataruw reyin nayraqatapan qillqantapxäna.