Esdras 4:12 - Qullan Arunaka DC

¹² “Juma jach'a reyiruw yatiyañ munapxsma, kawkïri judionakatix Babilonia markat mistunisin Jerusalenar kuttanipki ukanakaxa, wasitat uka saykatasiri, jan wali markxa lurasipki. Jupanakax pirqanak sayt'ayañsa qalltxapxiwa, uta qalltanakap wasitat askichañsa.

Aymar Bibliia 1986

¹² “Juma jach'a reyiruwa yatiyanipjjsma, cawquïri judionacatï juma toketa nanacan ucar jutapqui ucanacajja, Jerusalenar purinisinjja wasitataw uca sayt'asiri, jan wali marcjja lurasipqui. Jupanacasti perkanac lurañwa kalltapjje uqhamarac uta cimiento jakontañsa.

Qullan Arunaca

¹² “Juma jach'a reyiruwa yatiyanipjjsma, cawquïri judionacatï juma toketa nanacan ucar jutapqui ucanacajja, Jerusalenar purinisinjja wasitataw uca sayt'asiri, jan wali marcjja lurasipqui. Jupanacasti perkanac lurañwa kalltapjje uqhamarac uta cimiento jakontañsa.

Esdras 4:12 Jak'a apnaqawi uñst'ayäwi

2 Reyes 18:20

¿Amuyatamat suma arunakax, wali ch'amampi, suma amuyt'asin nuwasiñat sipan pachpakiti? ¿Khitirurak alkatasta nayatak sayt'asiñamatakisti?

2 Reyes 24:1

Joacín reyix marka apnaqkän ukkhaw, Babiloniankir Nabucodonosor reyix Judá uraqir katuntir mantantäna, ukatsti Joacín reyix kimsa maraw uka reyin munañaparjam sarnaqäna. Ukatxa sum amuyt'asisin, janiw uka reyirux jaysañ munkxänti, jan ukasti jupatakiw sayt'asxäna.

2 Crónicas 36:13

Ukhamarus Nabucodonosor reyitakiw sayt'asïna, juparusti uka reyix Dios laykuw jupar jaqkattañapatak juramento lurayatayna, ukatsti munañapampix Israelan Tatit Diosapar kuttanxañatakis wal ch'urkhisïna.

Esdras 4:15

ukhamat juma reyin nayra awkinakaman qillqatanakapax uñjatäñapataki. Juma reyisti uka qillqatanakan qhanañchaskiri jikxatäta, uka markan reyinakapatakisa, suyunakapatakis kutkatasiri, jan walt'ayir markätapa, uka markansti nayra pachanakanxa sayt'asiñanak utjayäna, ukat t'unjat uñjasirakïna.

Esdras 4:19

ukanakxat yatxatayaraktwa. Uka markax nayra pachatpach yaqha reyinakar saykatirïtayna, jan walt'añanakas utjapunirïtaynawa.

Esdras 5:3

Ukampis Éufrates jawirat inti jalant tuqinkir suyun Tatenai apnaqiripampi, Setar-boznai chachampi, mayni masinakapampix Jerusalenar purisax judionakar akham jiskt'apxäna: “¿Khitis sapxtam aka uta wasitat lurayañataki, pirqanak sayt'ayañatakisa? ¿Kuna sutinïpxis aka ut lurayirinakaxa?” sasa.

Esdras 5:9

Ukatsti, sarayapki uka judionakaruw nanakax jiskt'apxta, khitis jupanakar uka ut lurapxañapataki, pirqanaksa lawanakamp apakipañatak sapxpacha uk yatiñataki,

Nehemías 1:3

Jupanakasti sapxituwa: “Khitinakatix jaya markar apatäñat jaltapki ukanakaxa, pachpankasipkiwa, jupanakax sinti jan walt'añan jikxatasipxi, wali t'aqhisiyatäpxarakiwa. Jerusalén markan pirqanakapasti tukjatawa, punkunakapas ninamp nakhantayatarakiwa” sasa.

Nehemías 6:6

ukasti akham sänwa: “Jaqinakax arunak apnaqapxi, Guésem chachas sarakiwa, jumampi judionakampix Artajerjes reyir saykatañatak wakichasipkatama, markan pirqapsa ukatakirak wasitat askichasipkatama. Jaqin parlataparjamasti, Judá uraqin reyipäñ juman munatama,

Ester (hebreo) 3:8

Ukatsti Amán chachax Asuero reyir akham säna: —Jach'a munañan rey, apnaqäwiman utjir suyunakam taypinxa, yaqhaqtat mä markaw utji, kamachinakapas yaqha markanakat sipan mayjawa, juman arsutamarux janiw phuqhañ munapkiti. Jach'a munañan rey, markam taypin uka markan jakañapax janiw kunatakis askïkiti.

Jeremías 52:3

Ukat Tatitux Jerusalén markataki, Judá uraqitakisa phiñasitänxa, ukanakarusti jupan nayraqatapat apanukurakïnwa. Ukatsti Sedequías reyix Babiloniankir reyitakiw sayt'asïna.

Daniel (hebreo) 3:8

Ukampis mayni caldeo jaqinakax, Nabucodonosor reyi nayraqatan judionakar aynacht'ayañatakiw amtapxäna,

Daniel (hebreo) 9:25

Akanakxa sum amuyt'añamarakiwa: Jerusalén marka wasitat sayt'ayañatak arsutäkani ukapachatxa, luqtatäki uka jach'a Jilïrin puriniñapkamaxa, paqallq semanaw mäkipañapa, Jerusalén markan thakhinakapasa, pirqanakapasa, suxta tunka payan semanan wasitat sayt'ayatäxäni, ukampis uka urunakax wali t'aqhisiñ urunakäniwa.

Lucas 13:34

“¡Jerusalén, Jerusalén, jumax profetanakaruw jiwaytaxa, Diosax khithanktam ukanakaruw qalampi k'upjtaxa! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Hechos 24:5

Aka jaqix markar jan walt'ayir jaqiwa. Taqi chiqan judionakarux ch'axwayi, pitthapiraki, nazareno sat tamankirinakan p'iqichiripawa.

1 Tesalonicenses 5:22

Taqi ñanqha lurañat jithiqtapxam.