Esdras 3:8 - Qullan Arunaka DC

⁸ Zorobabel chachampi, Josué sacerdotempisti Jerusalén markar purinipxatapatxa payïr marana, payïr phaxsi saraqataruw Tatitun utap wasitat lurañ qalltapxäna. Jupanakarux sacerdotenaka, levitanaka, Jerusalenar kutt'anipkatayna taqi uka judío jaqinakaw yanapapxarakïna, irnaqäwinak sarayapxañapatakisti, pä tunk maranit uksar levita chachanak ajllipxäna.

Aymar Bibliia 1986

⁸ Jerusalén marcaru Diosan utaparu purinitapata payïri marana, payïri phajjsipanwa kalltapjjäna Diosan templopa wasitat utachaña Salatiel sat chachan Zorobabel yokapa, uqhamarac Josadac chachan Josué yokaparaqui, jupanacamp chicäpcän ucanaca, sacerdotenaca, levitanaca, uqhamarac preso apatanacajj Jerusalenaru cutt'anipcäna take ucanacaraqui. Uca luraña sarayapjjañapataquisti catuyapjjänwa pä tunca maranita ucsar jila marani levita chachanacaru.

Qullan Arunaca

⁸ Jerusalén marcaru Diosan utaparu purinitapata payïri marana, payïri phajjsipanwa kalltapjjäna Diosan templopa wasitat utachaña Salatiel sat chachan Zorobabel yokapa, uqhamarac Josadac chachan Josué yokaparaqui, jupanacamp chicäpcän ucanaca, sacerdotenaca, levitanaca, uqhamarac preso apatanacajj Jerusalenaru cutt'anipcäna take ucanacaraqui. Uca luraña sarayapjjañapataquisti catuyapjjänwa pä tunca maranita ucsar jila marani levita chachanacaru.

Esdras 3:8 Jak'a apnaqawi uñst'ayäwi

1 Crónicas 23:4

Jupanakatsti, pä tunka pusin waranqa levitanakax Tatitun utap lurañ sarayapxañapatak utt'ayatänwa, suxta waranqa jilïrinaka, ukhamarak taripirinaka,

1 Crónicas 3:17

Markat apanukut Jeconías chachat saraqir wawanakapa: Salatiel, jupan jilïr yuqapa,

Esdras 10:18

Sacerdotenakat yaqha markanakankir warminakamp jaqichasirinakax akanakänwa: Josadac chachan Josué yuqapan wawanakapa, ukhamarak wila masinakapata Maaseías, Eliézer, Jarib, Guedalías,

Esdras 3:2

Ukatsti Josadac chachan Josué yuqapasa, sacerdote masinakapasa Israelan Tatitupan altarap lurañ qalltapxäna, Salatiel chachan Zorobabel yuqapampi, wila masinakapamp chika, kunjämtix Diosan jaqipa Moisés tuqi kamachix arskäna ukarjam uka patxan nakt'at luqtäwinak luqtañataki.

Esdras 4:24

Ukhamat Jerusalén markan Tatitun utap lurañax suyt'ayatäxäna, Persia markankir Darío reyin payïri mara apnaqäwipkama.

Esdras 4:3

Ukampis Zorobabel chachampi, Josué chachampi, maynïr jilïr irpir judionakampix ukxarux sapxänwa: —Janiw jumanakampi chik lurapkiristti. Nanak sapakiw Tatit Diosaxatakix utap lurapxä, Persiankir Ciro reyix ukham sapxarakitu —sasa.

Esdras 5:16

Sesbasar chachax Jerusalenar purisinxa, Tatitun utapatak nayrïr qalap jaquntäna; jichhax ukkhatpach wasitat lurasiskaraki, ukampis janïraw tukuyatäkiti’ sasa.

Esdras 5:2

Uka yatiyäwinak ist'asasti, Zorobabel chachampi, Josué chachampix Tatitun utap wasitat lurañ qalltapxäna, profetanakasti jupanakarux yanapapxarakïnwa.

Hageo 1:1

Darío reyin payïr mara markar apnaqatapana, suxtïr phaxsina, nayrïr uru saraqataruw Tatitux Hageo profeta tuqi parläna, Salatiel chachan Zorobabel yuqapampiru, khititix Judá uraqi apnaqirïkäna ukaru, Josadac chachan Josué yuqapampiru, khititix jilïr sacerdotëkän ukampiru.

Zacarías 4:9

“Zorobabel chachaw Tatitun utapan qallta qalap uchantawayi, jupa kipkarakiw tukuyani” sasa. Ukat jumanakax uñt'apxäta, taqi ch'amani Tatitun nayar khithanitapa.

Zacarías 6:12

Juparusti sarakim: ‘Taqi ch'amani Tatitux siwa: Machaqa Külli sutini chachatxa, kipka saphinakapat mistusin Tatitun utap wasitat sayt'ayani.

Números 4:3

kimsa tunka maranita, phisqa tunka marankama, jupanakasti Tatitump Jikisiñ Carpan lurañatakis walirakïpxpan.