Esdras 3:10 - Qullan Arunaka DC

¹⁰ Ukatsti, uta luririnakax Tatitun utapatak nayrïr qala jaquntapkäna ukkhaxa, sacerdotenakax sayt'asipxänwa, jupanakax sacerdote isin isthapitäpxänwa, trompetanakap phust'asaw Tatitur yupaychapxäna. Asaf chachat saraqir levitanakax platillonakampirakiw Tatitur yupaychapxäna, Israelan David reyipan arsutaparjama.

Aymar Bibliia 1986

¹⁰ Cunapachatejj uta luririnacajj Tatitun templopataqui cimiento jakontapcäna ucqhajja, sacerdotenacajj sayt'asipjjänwa uca horasataqui suma isinacani, uqhamarac trompetanacaniraqui. Asaf chachan familiapata sarakeri levitanacajja, platillonacwa apapjjäna Tatitur yupaychañataqui, cunjämatï Israelan David reyipana lurañatac churatäcäna uqhamaru.

Qullan Arunaca

¹⁰ Cunapachatejj uta luririnacajj Tatitun templopataqui cimiento jakontapcäna ucqhajja, sacerdotenacajj sayt'asipjjänwa uca horasataqui suma isinacani, uqhamarac trompetanacaniraqui. Asaf chachan familiapata sarakeri levitanacajja, platillonacwa apapjjäna Tatitur yupaychañataqui, cunjämatï Israelan David reyipana lurañatac churatäcäna uqhamaru.

Esdras 3:10 Jak'a apnaqawi uñst'ayäwi

1 Crónicas 15:24

Sebanías, Josafat, Natanael, Amasai, Zacarías, Benaías, Eliézer sacerdotenakax Diosan arcap nayraqatan pututunak phust'irinakänwa. Obed-edom, Jehías jupanakax arca uñjirïpxarakïnwa.

1 Crónicas 15:27

Davidasa, arca apapkän uka levitanakasa, q'uchurinakasa, arca apañ sarayir Quenanías sat chachas lino isimpi isthapitaw sarapxäna; ukhamarus Davidax linot lurat efod isimpi uskt'atänwa.

1 Crónicas 16:37

Ukhamaw David reyix Tatitun arust'äwi arcap nayraqatar Asaf chachampiru, masinakapampirux jaytäna, jupanakax sapüru wakisitarjam jan inakt'as luqtapxañapataki.

1 Crónicas 16:42

Jupanakax trompetanakampi, platillonakampi, yaqha toct'añ yänakampiw Diosar q'uchupxäna. Jedutún chachan yuqanakapasti punku uñjañatak uchatänwa.

1 Crónicas 23:5

ukxarusti pusi waranqa levita chachanakasti punku uñjiritaki, ukatsti pusi waranqax kunjämatix Davidax amtkäna ukhamarux toct'añ yänakampi Tatitur yupaychañatak utt'ayatäpxänwa.

2 Crónicas 35:14

Ukxarusti levitanakax kunatix jupanakampiru, sacerdotenakampir wakt'kän ukanak wakt'ayapxäna, Aarón chachat saraqir sacerdotenakax arumkamaw ukankapxäna, nakt'at waxt'äwinaka, lik'inak luqtasa. Ukat levitanakax kunatix jupanakarusa, Aarón chachat saraqir sacerdotenakarusa wakt'käna ukanak wakichapxäna.

2 Crónicas 35:15

Asaf chachat saraqir q'uchurinakasti, lurañanakapan jikxatasipxarakïna, David, Asaf, Hemán, ukhamarak reyin profetapa Jedutún chachanakan arsutaparjama. Punku uñjirinakasti sapa mayniw punkunakapan jikxatasipxäna; janiw jupanakat khitisa lurañanakap apanukupkänti, jupanakatakix levita masinakapaw, kunatix jupanakar luqtäwita wakt'ki ukanakxa wakichasipkarakïna.

2 Crónicas 5:12

Q'uchuri levitanakasa, Asaf, Hemán, Jedutún jupanakax wawanakapamppacha, maynïr wila masinakapamppachax, lino isimpi isthapitaw altarat inti jalsu tuqin sayt'ata ukankapxäna. Jupanakanxa platillonaka, salterionaka, arpanakaw utjäna. Jupanakamp chikasti trompetanak phusiri pataka pä tunkani sacerdotenakaw utjäna.

Esdras 2:41

Asaf chachan q'uchuri wila masinakapatsti patak pä tunk kimsaqallquni.

Esdras 5:16

Sesbasar chachax Jerusalenar purisinxa, Tatitun utapatak nayrïr qalap jaquntäna; jichhax ukkhatpach wasitat lurasiskaraki, ukampis janïraw tukuyatäkiti’ sasa.

Salmos 150:5

¡Wali kunkayir platillonakampi yupaychapxam! ¡Jach'at chhulluqir platillonakamp jach'ar aptapxam!

Hageo 2:15

Jumanakax akat uksarux wal amuyt'asipxam. Nayan utax janïra utachañ qalltkasa,

Zacarías 4:10

“Tatitun utap lurañ qalltaskäna uk jan yäqirinakaxa, jichhax Zorobabel chachar uka luräwinak tukuyaskir uñjasax kusisipxaniwa” sasa. Uka qhipatsti angelax aka arunakampiw yapt'arakïna: “Aka paqallqu lamparanakax Tatitun nayranakapawa, ukasti taqi akapacharuw uñch'ukiskaraki” sasa.

Zacarías 4:6

Jupasti saskakïnwa: “Tatitux Zorobabel chacharuw yatiyäwi apayaski akham sasa: ‘Zorobabel, janiw jach'a chamanïñamax wakiskiti, janirakiw jach'a ejercitonïñamas munaskiti; jan ukasti ajayuxampikiw atipt'asma, siw taqi ch'aman Tatituxa.

Zacarías 4:7

¿Khitïtas jumax jach'a qullu? ¡Zorobabelan nayraqatapan pampar tukutaw uñjasïta! Jupaw qallta qalxa uchantani, nayan utax wasitat lurañataki, markaxax kusisiñat arnaqasini: ‘¡Kunja sumas akaxa! ¡Kunja sumasa!’ ” sasa.

Zacarías 6:12

Juparusti sarakim: ‘Taqi ch'amani Tatitux siwa: Machaqa Külli sutini chachatxa, kipka saphinakapat mistusin Tatitun utap wasitat sayt'ayani.

Zacarías 7:3

taqi ch'amani Tatitun utapankir profetanakampiru, sacerdotenakampir akham jiskt'añapatakiraki: “¿Nanakax sapa mara phisqa phaxsi saraqataru, jachañampi ayuno lurañampi phuqhasipkakïti, kunjämatix jichhakam lurasipkta ukhamxa?” sasa.

1 Samuel 22:18

Ukat reyix edomita Doeg sat jaqirux säna: —¡Jumapun jiwarayam! —sasa. Ukhamasti Doeg sat jaqix sacerdotenakar katuntasinxa, kimsaqallq tunka phisqaniruw jiwarayäna, jupanakasti linot lurat efod sat isimpi isthapitäpxänwa.