Esdras 2:68 - Qullan Arunaka DC

⁶⁸ Wila masinakan yaqhip jilïrinakapaxa, churäwinak Jerusalenar apapxäna, Tatitun utap wasitat lurañataki.

Aymar Bibliia 1986

⁶⁸ Familianacata yakhep jilïrinacasti Jerusalenan Tatitun templopar purisinjja, ofrendanacwa churapjjäna Diosan templopajj wasitat lurayatäñapataqui.

Qullan Arunaca

⁶⁸ Familianacata yakhep jilïrinacasti Jerusalenan Tatitun templopar purisinjja, ofrendanacwa churapjjäna Diosan templopajj wasitat lurayatäñapataqui.

Esdras 2:68 Jak'a apnaqawi uñst'ayäwi

1 Crónicas 21:18

Ukhamasti Tatitun angelapax Gad chacharuw säna: Davidax Tatitutak mä altar sayt'aypan, kawkhantix jebuseo Ornán chachax trigo jawq'kän uka chiqaru, sasa.

1 Crónicas 22:1

Ukat Davidax säna: “Tatit Diosan utapasa, Israel markan nakt'ayañ altarapas akawjankaniwa” sasa.

2 Crónicas 3:1

Salomonax Jerusalenan Tatitun utap lurayañ qalltäna, Moria qulluna, kawkhantix Tatitux David awkipar uñstkatayna ukkharu, kawkharutix Davidax wakichkatayna ukawjaru, jebuseo Ornán chachax kawkhantix trigo jawq'askän ukawjaru.

Esdras 2:67

ukhamaraki pusi patak kimsa tunka phisqan camellonaka, suxta waranq paqallq patak pä tunkan asnonaka.

Esdras 2:69

Jupanakasti Tatitun utap lurañatakix utjatanakaparjamaw qullqi churapxäna, pusi pataka kimsaqallq tunka kimsaqallqun kilo quri, pä waranq paqallq patak phisqa tunkan kilo qullqi, ukhamaraki patak sacerdote isinaka.

Esdras 3:3

Altarsti suma utt'ayat lurapxäna, uksa tuqin jakir jaqinakar jupanakan axsarapxatapata, sapa willjtanaka, sapa jayp'unakaw uka patxan Tatitur jach'añchas luqtäwinak luqtapxäna.

Esdras 9:9

Nanakax t'aqhisiyatäpkta ukasa, janiw jumax t'aqhisïwixan apanukupkistati; Persia markankir reyinak tuqiw khuyapayasiñam uñacht'ayapxista, pampar tukut utam wasitat sayt'ayapxañaxatakiw jakañ churapxista, ¡Judá uraqina, Jerusalén markansa imapxarakistawa!

Salmos 110:3

Markamax atipt'añam urunxa, jumaruw katuyasxätam. Qullan qullunak patxanxa, willjta sullar uñtataw wayna kankañamax sapür machaqaptani.

Éxodo 25:2

“Israelitanakar yatiyam, nayatak mä waxt'a apanipxañapataki. Khitinakatix taqi chuymampi churañ munkani jupanak taypit apthapipxäta.

Éxodo 35:21

Uka qhipatsti, khitinakatix chuymanakapan amthapisis Tatitutak churañ munapkän ukanakaxa, taqi chuymaw churäwinak apt'at kutt'anipxäna, Tatitump Jikisiñ Carpa lurañatak wakiski ukanakataki, sacerdoten qullan isinakapatak wakiski ukanakataki.

Éxodo 35:29

Israelitanakasti chachanakasa, warminakas taqiniw chuymanakapan yanapt'asiñ munapxäna, churäwinak apanipxarakïna, Tatitux Moisesar siskatayna taqi ukanak lurañataki.

Éxodo 36:3

Moisesasti israelitanakax apanipkatayna uka churäwinak jupanakar katuyäna, kunanakatix Tatitump Jikisiñ Carpa lurañatakix wakiski ukanak lurañ qalltañataki. Sapüruw israelitanakax chuymapatjam churäwinak apasinipkakïna.

2 Corintios 8:12

Maynitix taqi chuyma churañ munchi ukaxa, Diosax churirin utjiripatjam katuqi. Jupax janiw kunsa maykiti, maynin jan utjkchi ukkhaxa.

2 Corintios 8:3

Nayaw uñjta, jupanakax chuymapatjam qawqhatix churañax wakiski ukatsa juk'amp churapxi. Jan khitin kamskataw chuymapatjam

2 Corintios 9:7

Sapa mayniw kunjämtix chuymapan amtki ukarjam churañapa; janiw pä chuymampi churañapäkiti, janirakiw maynin jariyatakis churañapäkiti, Diosax kusisit chuymampi chuririruw munasi.