Esdras 10:8 - Qullan Arunaka DC

⁸ Khitinakatix kimsa urukam jan purinipkaspa ukanakaruxa, jilïrinakana, amuyt'ayirinakan amtataparjamaxa, kutt'anirinakan tamapat jaqunukuta, uraqinakapas apaqataw uñjasipxaspa.

Aymar Bibliia 1986

⁸ Take qhitinacatejj quimsa urucama jan purinipcani ucanacarojja, jilïrinacana, uqhamarac amuyt'ayapqui ucanacan amtataparjamajja orakenacapajja apakatäpjjaniwa, uqhamarac jupanac taypitsa apanucutäpjjaraquiniwa, jaya marcar apanucutata cutt'anirinacajja.

Qullan Arunaca

⁸ Take qhitinacatejj quimsa urucama jan purinipcani ucanacarojja, jilïrinacana, uqhamarac amuyt'ayapqui ucanacan amtataparjamajja orakenacapajja apakatäpjjaniwa, uqhamarac jupanac taypitsa apanucutäpjjaraquiniwa, jaya marcar apanucutata cutt'anirinacajja.

Esdras 10:8 Jak'a apnaqawi uñst'ayäwi

Esdras 10:7

Ukxarusti Judá uraqina, Jerusalén markan taqiniruw yatiyasïna, khitinakatix Babilonia markat kutt'anipkatayna ukanakan Jerusalén markan tantachasipxañapataki.

Esdras 10:9

Ukatsti Judá, Benjamín uka uraqinakankir taqi jaqinakaw Jerusalén markan tantachasipxäna, llätunkïr phaxsita pä tunka uru saraqataru, kimsa uru phuqhatarupuni. Jupanakasti taqiniw Tatitun utapan utjkäna uka plazan khathatt'asis qunt'asipxäna, uka arunak yatisina, ukhamarak jallun purintatapata.

Esdras 7:26

Khititix Tatituman kamachipar jan jayskani, ukhamarak reyin arsüwiparus jan phuqkani ukanakaxa, jiwañapatak juchañchatäpan, markapatsa jaqunukutäpan, jan ukax qullqi churpan, jan ukax carcelar uchantatäpan.”

Nehemías 13:28

Eliasib jilïr sacerdoten Joiadá yuqapan maynïr yuqapasti, Horón chiqankir Sambalat chachan tullqapänwa, juparusti Jerusalén markat jayar sarxañapatakiw alisnukta. Ukatsti Tatitumpiw parlta, juparusti saraktwa:

Nehemías 13:3

Ukhamasti, kamachinak ist'asinsti, Israel markat yaqhachapxänwa, taqi khitinakatix jaya markat jutir jaqinakamp mayachaskatayna ukanakaruxa.

Levítico 27:28

“Maynitix Tatitur yänakapat luqtxani, jaqinakäpasa, uywanakäpasa, jan ukax tuti uraqinakäpasa, taqi ukanakax janipuniw aljatäkaspati, janirakiw kutsuyatäkaspasa; taqi kunanakatix Tatitur churatäki ukanakax qullan yänakapuniwa.

Mateo 18:17

Janitix jupanakarus ist'kani ukasti, iglesiankirinakar yatiyam, ukat janipun iglesiankirinakarus ist'kanixa, Diosar jan iyawsir jaqirjam uñjam, jan ukax Romatak qullqi apthapir jaqirjam uñjam.

Juan 16:2

Jumanakarux sinagoganakat jaqunukupxätam, yaqhipanakarusti jiwayapxätamwa; uka luratapampix Diosarus luqtapkaspa ukham amuyapxani.

Juan 9:22

Awkipampi, taykapampisti judionakar axsarasaw ukham sapxäna, jilïr judionakax Jesusan Cristötap arsurirux sinagogat jaqunukuñ amtapxatap layku.

Juan 9:34

Ukatsti juparux sapxarakïnwa: —Jumax juchan phuqt'ataw yurtaxa, ¿ukhamäkasati nanakar yatichañ munapxista? —sasa. Uk sasin jupar sinagogat jaqunukupxäna.

Josué 6:19

Ukampisa qurimpi, qullqimpi, ukhamarak bronceta, hierrot lurat yänakax Tatitur luqtatäniwa, ukatsti jupataki imatarakïniwa” sasa.

Jueces 21:5

Ukatsti jupanakkamaw jiskt'asipxäna: “¿Jiwasanak taypit khitisa Mispá chiqan tantachäwir jan sarkänxa?” sasa, jupanakax tantachäwir jan saririrux jiwayañatakiw juramento lurapxatayna.

1 Samuel 11:7

Ukatsti pä urqu vacanak katusin jisk'a jisk'a kharinuqäna, uka aychanakxa khithanakapampiw taqi Israel markpachar apayäna, jupanakasti sapxänwa: “Kawkïri jaqitix Saúl waynampiru, Samuelumpiru jan mayacht'asis arkkani ukan urqu vacanakapax ukham kharinuqatäniwa” sasa. Uk ist'asinsti jaqinakax axsarañat wal khathatipxäna; ukatsti mä wawakïkaspas ukhamaw jupanakar jaqkatxapxäna.