Esdras 10:6 - Qullan Arunaka DC

⁶ Ukxarusti Esdrasax Tatitun utapat mistuwayxäna, Eliasib chachan Johanán yuqapan utaparuw sarxäna, ukansti uka arumax jan manq'ata, jan umt'ataw qhantatïna, jupax wali llakitapunïnwa, Babilonia markat kutt'anir jaqinakan jan jaysasirïpxatap layku.

Aymar Bibliia 1986

⁶ Ucjjarusti Esdrasajj Diosan templopatjja sarawayjjänwa, Eliasib sat chachan Johanán yokapan utaparu, ucansti uca arumajja jan mank'asa, jan umt'asawa khantatïna, jupajj wali llaquisitänwa jaya marcaru apayatat cutt'anirinacan Diosampi jan phokhapjjatap laycu.

Qullan Arunaca

⁶ Ucjjarusti Esdrasajj Diosan templopatjja sarawayjjänwa, Eliasib sat chachan Johanán yokapan utaparu, ucansti uca arumajja jan mank'asa, jan umt'asawa khantatïna, jupajj wali llaquisitänwa jaya marcaru apayatat cutt'anirinacan Diosampi jan phokhapjjatap laycu.

Esdras 10:6 Jak'a apnaqawi uñst'ayäwi

Esdras 10:1

Esdras sacerdotex killt'ataw Tatitun utapan markan juchanakap jacht'asis arsuskäna, ukchañkamasti walja chachanaka, warminaka, wawanakaw tantachasïna, wali jacht'asisarakiw jupar muyuntapxäna.

Esdras 10:7

Ukxarusti Judá uraqina, Jerusalén markan taqiniruw yatiyasïna, khitinakatix Babilonia markat kutt'anipkatayna ukanakan Jerusalén markan tantachasipxañapataki.

Esdras 9:4

Jayp'thapiñkamaw ukham jikxatasiskäyäta. Nayamp chik kutt'anirinakasti naya jak'ankapxänwa, jupanakax uka israelitanakan juchanakap layku kuna mutuyäwtix Tatitux apayankani uk axsarapxäna.

Nehemías 12:10

Josué yanapirin nayra awkinakapax Joacín, Eliasib, Joiadá,

Nehemías 12:22

Eliasib, Joiadá, Johanán, Jadúa ukanakan urunakapana, ukhamaraki Persankiri Darío reyin marka apnaqäwip urunakkamaxa, levitanakasa, sacerdotenakasa wila masinakan jilïripäkaspas ukham qillqatäpxänwa.

Nehemías 13:28

Eliasib jilïr sacerdoten Joiadá yuqapan maynïr yuqapasti, Horón chiqankir Sambalat chachan tullqapänwa, juparusti Jerusalén markat jayar sarxañapatakiw alisnukta. Ukatsti Tatitumpiw parlta, juparusti saraktwa:

Nehemías 13:5

Tobiasarux mä jach'a uta churatayna; kawkhantix nayrapachax waxt'äwinaka, inciensonaka, yänak imañäkäna, ukhamarak sapa tunkat maya churäwinaka, trigo, vino, aceite imañäkän uka uta. Taqi ukanakasti levitanakaru, q'uchurinakaru, punku uñjirinakaru, sacerdotenakar churañatakïnwa.

Nehemías 3:1

Uka qhipatsti, wasitat pirq sayt'ayañ qalltapxäna. Sacerdotenakax Eliasib jilïr sacerdotepamp chikaw Ovejanakan punkupa satäkis uk askichapxäna, ukatsti, Pataka sat torret qalltasina, Hananelan torrepkama, jach'a punkunaksa uchantapxarakïnwa.

Nehemías 3:20

Ukxarüki uka pirqsti, Zabai chachan Baruc yuqapaw askicharakïna, pirqax muyt'ki ukkhat qalltasina, Eliasib sacerdoten utapa punkupkama;

Job 23:12

Kamachinakapsa, kamachi arunakapsa phuqhapuntwa, janiw nayan munañaxak luraskti.

Salmos 102:4

4 (5) chuymaxax aynacht'atawa, qurar uñtataw wañsuski; ¡janiw manq'as munaskituti!

Éxodo 34:28

Moisesasti Tatitump chikaw qullun qhiparäna, pusi tunka uru, pusi tunka aruma jan manq'ata, umas jan umt'ata. Ukan jupax qala tablanakxar arust'äwin arunakapa, tunka kamachinakäki uk qillqäna.

Isaías 22:12

Uka urusti taqi ch'aman Tatitux jachapxañamataki, wararipxañamatakiw jawsapxtam, p'iqinakamsa q'ararasipxañamataki, ayquñ uñacht'ayañatakisti chhankha isinakamp isthapisipxañamataki.

Daniel (hebreo) 9:3

Nayasti Tatitu Dios tuqiruw uñtta jupar mayisisa, achikt'asisa, ayuno lurasa, chhankha isinakamp uchasisa, qhillar qunusaraki.

Deuteronomio 9:18

Uka qhipatsti Tatitun nayraqatapan killt'asta, ukatsti, kamisatix nayrïr kutix lurkta ukhamaw pusi tunka urumpi, pusi tunka arumampi jan kuna manq'ata, umas jan umt'ata ukankäyäta, jumanakan jucha luratanakam layku, Diosar ñanqhachapxatamata, q'apisiyapxatamata.