Esdras 10:18 - Qullan Arunaka DC

¹⁸ Sacerdotenakat yaqha markanakankir warminakamp jaqichasirinakax akanakänwa: Josadac chachan Josué yuqapan wawanakapa, ukhamarak wila masinakapata Maaseías, Eliézer, Jarib, Guedalías,

Aymar Bibliia 1986

¹⁸ Sacerdotenacat qhitinacatejj yakha marcanacanquir warminacampi casarasipcäna ucanacasti, acanacäpjjänwa: Josadac chachan Josué yokapan wawanacapa, uqhamarac familianacapatsa: Maasías, Eliezer, Jarib, uqhamarac Gidalías ucaraqui,

Qullan Arunaca

¹⁸ Sacerdotenacat qhitinacatejj yakha marcanacanquir warminacampi casarasipcäna ucanacasti, acanacäpjjänwa: Josadac chachan Josué yokapan wawanacapa, uqhamarac familianacapatsa: Maasías, Eliezer, Jarib, uqhamarac Gidalías ucaraqui,

Esdras 10:18 Jak'a apnaqawi uñst'ayäwi

Esdras 10:17

Ukat qhipa marana, Abib qallta phaxsita, qallta uru saraqataruw yaqha markanakankir warminakamp jaqichasirinakar taripañ tukuyxapxäna.

Esdras 2:36

Josué chachat saraqirïkäna uka Jedaías wila masitxa, llätunk pataka paqallq tunk kimsani;

Esdras 3:2

Ukatsti Josadac chachan Josué yuqapasa, sacerdote masinakapasa Israelan Tatitupan altarap lurañ qalltapxäna, Salatiel chachan Zorobabel yuqapampi, wila masinakapamp chika, kunjämtix Diosan jaqipa Moisés tuqi kamachix arskäna ukarjam uka patxan nakt'at luqtäwinak luqtañataki.

Esdras 3:8

Zorobabel chachampi, Josué sacerdotempisti Jerusalén markar purinipxatapatxa payïr marana, payïr phaxsi saraqataruw Tatitun utap wasitat lurañ qalltapxäna. Jupanakarux sacerdotenaka, levitanaka, Jerusalenar kutt'anipkatayna taqi uka judío jaqinakaw yanapapxarakïna, irnaqäwinak sarayapxañapatakisti, pä tunk maranit uksar levita chachanak ajllipxäna.

Esdras 5:2

Uka yatiyäwinak ist'asasti, Zorobabel chachampi, Josué chachampix Tatitun utap wasitat lurañ qalltapxäna, profetanakasti jupanakarux yanapapxarakïnwa.

Esdras 9:1

Ukanak tukt'ayatarusti, marka apnaqir jilïrinakax nayar jak'achasisin sapxitu: “Esdras, yatiyañ munapxsma; israelitanakasa, sacerdotenakasa, levita jaqinakasa, janiw aka markankir jaqinakat yaqhachat jakapkiti: cananeonakata, hititanakata, ferezeonakata, jebuseonakata, amonitanakata, moabitanakata, egipcionakata, amorreonakatsa, ukanakan axtkañ idolonakar luqtas sarnaqäwinakapatxa.

Esdras 9:2

Jupanakasa, yuqanakapasa uka markankirinakan phuchhanakapampiw jaqichasipxi; ukhamasti Tatitun markapax yaqha markanakankir jaqinakampiw mayachasxapxi. Nayraqatax jilïrinakampi, marka apnaqirinakampiw juch lurapxi” sasa.

Nehemías 12:10

Josué yanapirin nayra awkinakapax Joacín, Eliasib, Joiadá,

Nehemías 13:28

Eliasib jilïr sacerdoten Joiadá yuqapan maynïr yuqapasti, Horón chiqankir Sambalat chachan tullqapänwa, juparusti Jerusalén markat jayar sarxañapatakiw alisnukta. Ukatsti Tatitumpiw parlta, juparusti saraktwa:

Nehemías 8:4

Esdras yatichiristi lawat lurat tarima patxan sayt'atänwa; uka tarimasti uka amtäwimpi luratänwa. Esdrasan kupïxapanxa Matatías, Sema, Anías, Urías, Hilquías, Maaseías uka chachanakaw sayt'atäpxäna. Ch'iqäxapansti Pedaías, Misael, Malquías, Hasum, Hasbadana, Zacarías, Mesulam uka chachanakaraki.

Nehemías 8:7

Uka qhipatxa, Josué, Baní, Serebías, Jamín, Acub, Sabtai, Odías, Maaseías, Quelitá, Azarías, Jozabad, Hanán, Pelaías uka levitanakasti jaqinakarux kamachi arunakxat sum qhanañchapxäna. Jaqinakasti ukkhakamax pachpankapxänwa,

Jeremías 23:10

Aka markasti wachuqa jucha lurir jaqinakan phuqhantatawa, ñanqha lurir jaqinakan phuqhantatawa, jaqi masipar ñanqhachañatakix munañanïpxiwa. Ukat Tatitux aka uraqirux ñanqhachi, aka uraqisti wañsuwayxiwa, wasar tuqin chhuxllanakasa q'alaw pharsuwayxaraki.

Jeremías 23:11

Tatitux siwa: “Profetanakasa, sacerdotenakasa juchararkamakiwa, pachpa utaxan jan walinak lurasipkir jikxatta.

Jeremías 23:14

Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Ezequiel 44:22

Janirakiw mä ijma warmimpisa, chachampi jaljtat warmimpisa jaqichasiñapäkiti, jan ukasti Israelankir chacha jan uñt'ir tawaqumpiw jaqichasiñapa, jan ukax yaqha sacerdoten ijmapampisa.

Levítico 21:7

“Sacerdotenakax Tatit Diosatak yaqhachatäpxatap laykux janiw chachanakampi sarnaqir warminakampisa, jaljtat warminakampis jaqichasipxañapäkiti.

Hageo 1:1

Darío reyin payïr mara markar apnaqatapana, suxtïr phaxsina, nayrïr uru saraqataruw Tatitux Hageo profeta tuqi parläna, Salatiel chachan Zorobabel yuqapampiru, khititix Judá uraqi apnaqirïkäna ukaru, Josadac chachan Josué yuqapampiru, khititix jilïr sacerdotëkän ukampiru.

Hageo 1:12

Kunapachatix Zorobabelampi, Josué chachampi, ukhamaraki markankir jaqinakampix kuntix Tatitux Hageo profeta tuqi parlkän ukanak ist'asaxa, wal axsarayasipxäna.

Hageo 2:4

¡Zorobabel, ch'amañcht'asim! ¡Josué, sacerdotenakan jilïripa, jumas ch'amañcht'asirakim! Aka markankir jaqinaka, ch'amañcht'asipxam. Irnaqapxam, nayax jumanakampïsktwa. Naya, taqi ch'aman Tatituw arsta.

Zacarías 3:1

Ukxarusti Tatitux mä unañchäwin Josué jilïr sacerdoteruw uñacht'ayitu, jupasti Tatitun angelap nayraqatan sayt'atäskänwa. Josué sacerdoten kupïxapansti supayaw sayt'atäskäna jupar juchañchañataki.

Zacarías 6:11

Apthapkäta uka qullqimpita, qurimpitsti pillunak luram, ukatsti Josué jilïr sacerdoten p'iqipxarux mä pillu ucham, Josadacan yuqaparu.

1 Timoteo 3:11

Warminakasti uka kipkarakiw sum sarnaqañapa, janiw aru apnaqirïñapäkiti, taqi kunan askïñapawa, arsutap phuqhirïñapawa.