Esdras 10:11 - Qullan Arunaka DC

¹¹ Ukhamasti awkinakaman Tatit Diosap nayraqatan juchanïpxatam uñt'asipxam, Tatitun munañap phuqhapxarakim. Yaqha diosanakar yupaychir jaqinakatsa, anqa markanakankir warminakatsa jithiqtapxam —sasa.

Aymar Bibliia 1986

¹¹ Uqhamasti awquinacaman Tatit Diosapan nayrakatapanjja, juchanïpjjatamjja uñt'asipjjam, ucatsti Tatitun munañap phokhapjjam. Ucatsti saraktapjjam jaya marcanacanquir yakha diosanacar sirvir warminacatjja —sasa.

Qullan Arunaca

¹¹ Uqhamasti awquinacaman Tatit Diosapan nayrakatapanjja, juchanïpjjatamjja uñt'asipjjam, ucatsti Tatitun munañap phokhapjjam. Ucatsti saraktapjjam jaya marcanacanquir yakha diosanacar sirvir warminacatjja —sasa.

Esdras 10:11 Jak'a apnaqawi uñst'ayäwi

2 Crónicas 30:22

Uk uñjasasti, Ezequiasax levitanakar walpun jallallt'äna, jupanakan Tatitur yupaychañatak wali suma amtäwipa uñacht'ayapxatap layku. Jupanakax paqallq uruw kusisiñ chuymampi uruyapxäna, uruyäwin manq'asa, sumankañ waxt'äwinak luqtasa, nayra awkinakapan Tatit Diosapar yupaychasa,

Esdras 10:10

Ukatsti Esdras sacerdotex sayt'asisin jupanakaruw säna: —Jumanakax yaqha diosanakar yupaychir warminakamp jaqichasisaw juch lurapxtaxa, ukhamat Israel markasan juchap jilxatayapxtaxa.

Esdras 10:12

Ukxarusti jaqinakax taqiniw jach'at arsupxäna: —Walikiwa, kuntix jumax sapkitäta uk lurapxäwa.

Esdras 10:3

Jichhasti nanakax uka yaqha markankir warminakaxaru, wawanakapamppachar jaqunukxañatakiw arsupxä, kamachix phuqhaspan, kunjämtix jumasa, Tatitun kamachi arunakap jaysirinakas iwxt'apkitu ukarjama.

Esdras 9:1

Ukanak tukt'ayatarusti, marka apnaqir jilïrinakax nayar jak'achasisin sapxitu: “Esdras, yatiyañ munapxsma; israelitanakasa, sacerdotenakasa, levita jaqinakasa, janiw aka markankir jaqinakat yaqhachat jakapkiti: cananeonakata, hititanakata, ferezeonakata, jebuseonakata, amonitanakata, moabitanakata, egipcionakata, amorreonakatsa, ukanakan axtkañ idolonakar luqtas sarnaqäwinakapatxa.

Nehemías 13:3

Ukhamasti, kamachinak ist'asinsti, Israel markat yaqhachapxänwa, taqi khitinakatix jaya markat jutir jaqinakamp mayachaskatayna ukanakaruxa.

Nehemías 9:2

ukatsti yaqha markat jutir jaqinakat jithiqtasinxa, sayt'asisin juchanakap arsusipxäna, nayra awkinakapan juchanakapat arsusipxarakïna.

Salmos 32:5

Jucha lurataxatsti, jan akch'as imaqasaw arsusta; juchanakax jumar arsusiñatakiw amtta, Tatay, jumasti juchanakaxat pampachistawa.

Proverbios 28:13

Juchap imt'asir jaqix, janiw nayrar sarkaniti, juchap arsusisin jaytanukxani ukasti, pampachatäxaniwa.

Isaías 56:4

Tatitusti siwa: “Taqi aka jaqinakatix nayan sábado urux imapxanixa, munañaxsa phuqhapxanixa, arust'äwinakaxansti sum sayt'asipxanixa,

Jeremías 3:13

Jucha luratamaki uñt'asim, Dios Tatitur saykatatam uñt'asirakim; yaqha diosanakan qhipap jalatama, jach'a quqanak k'uchunakan, uka diosanakarux yupaycharaktaxa, arunakaxarus janirakiw ist'ktati. Naya, Tatituw uk arsta.’ ”

Jeremías 7:3

Kuntix taqi ch'aman Tatituxa, Israelan Diosapax siski uka arunaka: ‘Sarnaqäwinakama, luräwinakam askichasipxam, nayasti jumanakarux aka uraqin jakayasipkämawa.

Ezequiel 18:30

Israelita jaqinaka, nayasti luräwinakamarjamaw sapaqat maynir uñjapxsma. Naya, Tatituw uk arsta. Ñanqha lurañanakam jank'ak apanukupxam, jumanak pachpa jan uka ñanqha luräwinakam layku jiwaraskañamataki.

Juan 9:24

Judionakasti wasitatampiw juykhükän uka jaqir jawsanipxi, ukatsti sapxarakiwa: —Diosan nayraqatapan chiq sapxita. Nanakax yatipxtwa uka jaqin juchararätapa —sasa.

Romanos 12:2

Janiy jumanakax jichha pacha saräwinakarjam jakxapxamti; jan ukasti, amtañanakam mayjt'ayapxam, ukhamat jumanakan jakäwiman sumäxañapataki, ukat Diosan munañap yatiñataki, kunatix askïki, kunatix munkañäki, kunatix chiqäki ukanaka.

2 Corintios 6:17

Ukat Tatitux sarakiwa: “Jupanak taypit mistupxam, jithiqtapxarakim; kunatix q'añüki uk jan llamkt'apxamti. Nayasti jumanakar katuqxapxämawa,

Colosenses 1:10

Ukhamat Tatitunkirjam sum sarnaqapxañamataki, taqi kunan jupar kusisiyasa, suma luräwinak uñacht'ayasa, Diosan yatiñapan jiltasa.

Hebreos 13:21

uka Diosay jumanakarux q'uma, taqi kunansa aski tukuypan, munañap phuqhapxañamataki; Jesucristo tuqi kuntix jiwasanakamp lurañ munki uk lurarakpan. ¡Jesucristox wiñayatak jach'añchatäpan! Ukhamäpan.

Josué 7:19

Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.