Esdras 10:1 - Qullan Arunaka DC

¹ Esdras sacerdotex killt'ataw Tatitun utapan markan juchanakap jacht'asis arsuskäna, ukchañkamasti walja chachanaka, warminaka, wawanakaw tantachasïna, wali jacht'asisarakiw jupar muyuntapxäna.

Aymar Bibliia 1986

¹ Esdras sacerdotejj quillt'asisinwa oración lurascana, uqhamarac aca arunaca jacht'asisa arsuscäna Diosan templopa nayrakatana ucqhajja, mä jach'a tama israelitanacaw wali jacht'asisaraqui jupar muyuntasa tantachasipjjäna, chachanaca, warminaca, uqhamarac wawanacasa.

Qullan Arunaca

¹ Esdras sacerdotejj quillt'asisinwa oración lurascana, uqhamarac aca arunaca jacht'asisa arsuscäna Diosan templopa nayrakatana ucqhajja, mä jach'a tama israelitanacaw wali jacht'asisaraqui jupar muyuntasa tantachasipjjäna, chachanaca, warminaca, uqhamarac wawanacasa.

Esdras 10:1 Jak'a apnaqawi uñst'ayäwi

1 Reyes 8:30

Kunapachatix Jerusalén markat jayan jikxatasipkä, ukatsti utam tuqi uñtat mayisipkä ukapachax, nayan achikt'asitanakaxsa, Israel markaman achikt'asitanakapsa ist'akimaya. Jumax alaxpachatpach ist'am, kawkhantix jaktaxa ukkhatpacha, ukatsti pampachapxarakita.

1 Reyes 9:3

ukat sarakïna: “Nayax mayisitamsa, achikt'asitamsa ist'smawa, ukatsti nayan sutix wiñay ukankañapatak aka uta utacharapkista ukxa qullanañchtwa. Nayasti uñtanïwa, chuymaxas ukankarakiniwa.

2 Crónicas 20:13

Taqpach Judá markaw Tatitun nayraqatapan sayt'ata jikxatasipxäna, warminakasa, wawanakasa, jisk'a wawanakamppach kuna.

2 Crónicas 20:9

‘Jan walt'añanakatix nanakar mutuyapxitani, nuwasiñasa, usuñasa, manq'at t'aqhisiñasa ukkhaxa, nanakax aka uta nayraqatan tantachasipxä, juman ukankatam layku, nanakax llakisiñanakaxan jumaruw art'asipxäma, jumasti ist'apxitätawa, qhispiyapxarakitätawa’ sasa.

Esdras 10:6

Ukxarusti Esdrasax Tatitun utapat mistuwayxäna, Eliasib chachan Johanán yuqapan utaparuw sarxäna, ukansti uka arumax jan manq'ata, jan umt'ataw qhantatïna, jupax wali llakitapunïnwa, Babilonia markat kutt'anir jaqinakan jan jaysasirïpxatap layku.

Nehemías 1:4

Uka arunak ist'asasti qunt'asisin jachta, mä qawqha urunakaw wali llakt'at jikxatasïyäta, ayuno lurasa, alaxpachankir Tatitut mayisisaraki.

Nehemías 1:6

jichhasti israelita luqtirinakamatak arumay uru mayisitaxar ist'itaya. Nanak israelitanakax juma tuq juchachasitanakax uñt'asipxtwa; ¡wila masinakaxasa, nayasa juch lurapxta!

Nehemías 10:28

28 (29) Ukat ukxar markachirinakasti, sacerdotenaka, levitanaka, punku uñjirinaka, q'uchurinaka, Tatitun utapan yanapirinaka, khitinakatix uka chiqankir jaqinakat Tatitun kamachi arunakapa phuqhañataki saraqtanipkatayna, warminakapamppacha, ukhamaraki amuyt'asiri yuqalla, imill wawanakapamppachax,

Nehemías 8:9

Tatitun kamachi arunakap ist'asinxa jaqinakax taqiniw jachapxäna. Ukatsti, marka apnaqir Nehemiasasa, Esdras yatichir sacerdotesa, ukhamarak jaqinakar Tatitun kamachip qhanañchir levitanakasa, sapxänwa: “Jichhürux Tatit Diosasar luqtat uruwa, jan llakisipxamti, janirak jachapxamsa” sasa.

Salmos 119:136

Umjamaw jachax nayranakaxat warasi, yatichäwiman jan yäqatätap layku.

Salmos 32:5

Jucha lurataxatsti, jan akch'as imaqasaw arsusta; juchanakax jumar arsusiñatakiw amtta, Tatay, jumasti juchanakaxat pampachistawa.

Jeremías 13:17

Jumanakatix jan ist'asipkätaxa, jach'a jach'a tukupxatamat jamasan jachä; nayranakaxatsti jachanakaw warasinini, Tatitun tamapar katuntat apasxatap layku.

Jeremías 9:1

1 (23) ¡Nayranakaxan jachapax mä uma jalsjamakïspa, walja jalir umanakjama, ukhamata markaxan jiwarat jaqinakata uruy aruma jachañaxataki!

Daniel (hebreo) 9:20

“Nayax Tatitut mayisiskakïyätwa, juchanakax arsusisa, Israel markaxan juchanakap arsusaraki, Tatit Diosaxan qullan qullup laykuw nayraqatapan achikt'asirakïyäta.

Oseas 14:2

2 (3) Tatitur kuttanxapxam, akham mayt'asisa: “Taqi ñanqha luratanakaxat pampacht'apxita, nanakan jumar yupaychatanakaxsa, suma chuymampirak katuqt'apxita.

Zacarías 12:10

Davidat saraqiri wila masinakapampiru, Jerusalén markan jakirinakampirux, khuyapayasiñampi mayisiñ ajayumpiw phuqt'ä. Ukkhaw khitirutï chhuxriñchapki ukarux uñkatapxani, ukatsti jupat llakisipxaniwa, jachapxarakiniwa, sapa yuqall wawa jiwayasiri jaqjama, jan ukax jilïr wawan jiwatapatjama.

Mateo 3:6

Jupanakasti juchanakap arsusipxäna, ukat Juanax Jordán jawiran jupanakar bautisäna.

Lucas 19:41

Jerusalenar jak'achasisinsti, Jesusax marka uñtasaw jachäna,

Hechos 10:30

Corneliosti sänwa: —Nayax utaxan niya chika jayp'u tuqiw Tatitur mayisiskäyäta, ukat akarux pusürüxiwa, ukapachasti akatjamat qhankir isin mä chachax nayar uñstitu.

Hechos 21:5

Ukampis ukat paqallq ururusti saraskakiñatakiw mistuwayxapxta. Jilatanakasti warminakampi, wawanakampi kunaw nanak chikarak marka anqäxkam sarapxi. Quta thiyar purisinsti killt'asisaw Tatitur mayisipxta.

Romanos 9:2

nayan mä jach'a llakiw utjitu, chuymaxansti llakisiñax jan tukuskayawa,

Deuteronomio 31:12

Ukapachasti taqpach markaw tantachasiñapa, taqi jaqinaka, warminaka, wawanaka, jumanak taypin jakir yaqha markat jutir jaqinakas tantachasiñaparakiwa, uka kamachinak ist'apxañapataki, Tatit Diosamar axsartañ yatiqapxañapataki, uka kamachinakarjam sarnaqapxañapatakiraki.

Josué 7:6

Josué chachampi, Israelan jilïri jaqinakapampisti isinakap ch'iyanuqasipxäna, llakisiñatsa qhillampiw p'iqit willxatasipxäna, ukatsti p'iqinakap uraqkam alt'asaw Tatitun arcap nayraqatan killt'asipxäna.

Josué 8:35

Josué chachax Israel marka nayraqatan kawkïr arunaktix Moisesax jaytawaykatayna uka arunak taqpach ullart'äna, jupanak taypinsti warminaka, wawanaka, jayat jutir jaqinakaw ukankapxäna.