Efesios 6:6 - Qullan Arunaka DC

⁶ Janiy uywiriman uñjkatakix lurapxamti, ukhamat jupanakampi sumat uñt'ayasiñatakiki, jan ukasti Criston irnaqirinakapjamax Diosan munañap taqi chuyma lurapxam.

Aymar Bibliia 1986

⁶ Irnakcasinsti, jan uywirimajj uñch'uquipctam ucqhaqui lurapcamti, uqhamat jupanacampi sumat uñt'ayasiñataqui, jan ucasti Cristoru sirvirinacjama, Diosan munañap take chuymamp lurapjjam.

Qullan Arunaca

⁶ Irnakcasinsti, jan uywirimajj uñch'uquipctam ucqhaqui lurapcamti, uqhamat jupanacampi sumat uñt'ayasiñataqui, jan ucasti Cristoru sirvirinacjama, Diosan munañap take chuymamp lurapjjam.

Efesios 6:6 Jak'a apnaqawi uñst'ayäwi

Jeremías 24:7

Jupanakarusti nayan Tatitütax yatipxañapatakiw mä suma amuy churarakï; jupanakasti markaxäniwa, nayasti jupanakan Diosaparakïyäwa, nayar taqi chuymampi kuttanxapxatapata.

Jeremías 3:10

Taqi ukanakïpansa, ukham jan wal lurir Judá markax janiw nayan ukarux taqi chuymapampi kuttankiti, jan ukasti nayarux sallqjituwa. Naya, Tatituw uk arsta.”

Mateo 12:50

Khititix alaxpachankir Awkixan munañap lurki, jupaw nayan jilaxasa, kullakaxasa, taykaxasa —sasa.

Mateo 7:21

“Janiw taqi khitinakatix: ‘Tatay, Tatay’ siskitu ukanakax alaxpach markar mantkaniti, jan ukasti khitinakatix Awkixan munañap lurki ukanakakiw mantani.

Marcos 3:35

Khitinakatix Diosan munañap phuqhapki ukanakaw jilaxasa, kullakaxasa, taykaxasa —sasa.

Romanos 6:17

Jumanakax nayrax juchan t'aqhisiyat jaqinakäpxäyätawa, Diosasti yuspagaratäpan, yatichäwinak taqi chuyma katuqasin phuqhapxatamata.

1 Corintios 7:22

Khititix t'aqhisiyatäkasin iyawsañar jawsatäxchi ukax, jichhax jupax Diosar luqtirïxiwa; khititix antutatäkasin jawsatächi ukax, jichhax Criston uywatapäxiwa.

Gálatas 1:10

Janiw nayax jaqinakampi walikiw sayasiñ munkti, jan ukasti Diosan nayar walikiw sañap munta. Janiw jaqin munataparjam kusisiyañ munkti. Nayatix jaqinakampi sumat uñt'ayasiñ muniristxa, janiw Criston luqtiripäkxiristti.

Efesios 5:17

Jan kunsa luqhir uñtat lurapxamti; kunäkitix Tatitun munañapax uk amuyt'añatak ch'amachasipxam.

Filipenses 2:12

Munat jilatanaka, jumanakampïkäyät ukkhax nayarux jaysapxapunistawa, jichhasti jumanakat jayankatax laykux juk'ampiy jaysapxita. Axsartañampi, khathatiñampiy qhispiyasiñamatak ch'amachasipxam;

Colosenses 1:9

Ukat nanakax, yatipkta ukürutpach jumanakatakix jan qarjasisaw Tatitut mayipxta, Diosan jumanakar munañap uñacht'ayañapataki, kunayman yatiñ kankaña, ajay tuqin amuyt'a kankañ churañapatakiw mayipxarakta.

Colosenses 4:12

Epafras jilata, khititix Criston luqtiripäki, jumanakat maynïrïkaraki, jupas aruntanipxtamwa. Jupasti jumanakatakix walipuniw Diosat mayiski, Diosan munañap phuqhirinakjam thuruñchat sayt'asipxañamataki.

1 Tesalonicenses 2:4

Jan ukasti, Diosax askit katuqapxitu, Diosan suma yatiyäwip parliriw khithapxitu, ukhamarjamaw parlasipkta. Janiw jaqir kusisiyañatakïkiti, jan ukasti chuymanakas uñakipir Diosar kusisiyañatakiwa.

1 Tesalonicenses 4:3

Diosax jumanakan qullan kankañan jakapxañam muni, wachuq jucha lurañanak apanukupxam,

Hebreos 10:36

Jumanakasti t'aqhisiñan ch'amanïñanakamaw wakisi, Diosan munañap lurañataki, ukhamarak kuntix arsuwaykän uk katuqañataki.

Hebreos 13:21

uka Diosay jumanakarux q'uma, taqi kunansa aski tukuypan, munañap phuqhapxañamataki; Jesucristo tuqi kuntix jiwasanakamp lurañ munki uk lurarakpan. ¡Jesucristox wiñayatak jach'añchatäpan! Ukhamäpan.

1 Pedro 2:15

Diosasti jumanakan aski lurañanakam muni, ukhamat pisi amuyun jaqinakan parlatanakap amukt'ayapxañamataki.

1 Pedro 4:2

jan janchin munañaparjama, jan ukax Diosan munañaparjam taqi jakäwipan jakxañapataki.

1 Juan 2:17

Ukampis akapachax jan wali munañanakapampiw tukusiski; ukatsipana, Diosan munañap luririx wiñayatakiw jaki.