Efesios 5:5 - Qullan Arunaka DC

⁵ Jumanakax yatipxam, janiw wachuq juchanakan sarnaqirisa, ñanqhanak luririsa, mich'asirisa, Cristompina, Diosampin qhapaq markapar mantapkaspati. Ukasti yaqha diosanakar yupaychañampi sasiwa.

Aymar Bibliia 1986

⁵ Uqhamajj yatjjapjjtawa, cawquïritejj yakhamp wachoka juchan sarnakchejja, jan wali luräwinac luririsa, jan ucajj mich'asa (ucajj c'ari diosanacarus yupaychcaspa uca pachpawa) janiw Cristompin Diosampin reinoparus mantcaspati.

Qullan Arunaca

⁵ Uqhamajj yatjjapjjtawa, cawquïritejj yakhamp wachoka juchan sarnakchejja, jan wali luräwinac luririsa, jan ucajj mich'asa (ucajj c'ari diosanacarus yupaychcaspa uca pachpawa) janiw Cristompin Diosampin reinoparus mantcaspati.

Efesios 5:5 Jak'a apnaqawi uñst'ayäwi

Éxodo 20:17

“Janiw jaqi masimankir utap munapayätati: janirakiw warmipsa, uywatapsa, vacapsa, asnopsa, kunanakapatix utjki ukanaksa munapayätati” sasa.

Hechos 20:32

“Jichhasti jilatanaka, Diosaruw mayta munasiñapampi jumanakar imañapataki. Munasiñ arunakapaw jumanakar sapürunjam suma askïñ yanapt'apxarakiristam. Jaysapxätaxa, Diosax arsutanakap phuqhaniwa, markapankirïñatak ajlliski taqi jupanakaru.

Hechos 8:21

Janiw juman katuqañamax wakt'ktamti, chuymamax Dios nayraqatan janiw chiqäkiti.

Gálatas 5:19

Janchin munañaparjam arkirinakan luräwinakapax qhanaw uñsti, ukanakasti akanakawa: wachuq jucha lurañanaka, q'añu lurañanaka, jan wali amtäwinaka,

Gálatas 5:21

yaqhankir munapayañanaka, jaqi jiwayañanaka, machañanaka, jiljas manq'añanaka; ukanakar uñtat yaqha lurañanakampi. Iwxt'apxsmawa, niy satäpxaraktawa, ukanak luririnakax, janiw Diosan markapan katuqatäpkaniti.

Efesios 5:3

Jumanakasti qullan markankirjamaw sarnaqapxañama: wachuq jucha lurañatsa, yaqha q'añu lurañanakatsa, mich'asiñatsa janipun parlapxamti.

Colosenses 1:13

Diosax ch'amakanakan munañapat qhispiyistu, Jesucristo Yuqapan qhapaq markaparuw irpantistu,

Colosenses 3:5

Jumanakan jan wali amtanakam jiwayapxam: jan khitis wachuq jucha lurpati, q'añu luräwinaksa jan lurpati, janchin munañanakaparusa, jan wali amtanakarus jan arkpati, janirak jupatakik taqi kunsa munpati, ukham lurañanakasti k'ari diosanakar yupaychañäkaspas ukhamawa.

1 Timoteo 6:10

Qullqir munañax taqi jan wali luräwinakan saphipawa; ukat mayninakax juk'amp munapxatap laykux iyawsäwit maysar saranukupxi, ukatsti jach'a t'aqhisiñanakaruw puripxi.

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.

Hebreos 13:4

Chacha warmi jaqichasit sarnaqäwirux taqinipun waqaychapxam, chachasa, warmisa jan yaqhanakampix wachuqan sarnaqapxamti; wachuq juchan sarnaqirirux Diosaw taripani.

Josué 7:21

Jericó markat yänak apsunktan uka taypin, Babiloniat apanit mä suma isi uñjta, ukhamarak pä patak qullqimpi, mä quri barrampi, tupupasti chika kilot jilänwa. Uka yänakasti chuymaxar purkirïnwa ukat apaqasta, ukatsti uraqiruw chhujllaxa manqhan allintta, qullqi juk'ampi manqharu uchasa —sasa.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.