Efesios 5:25 - Qullan Arunaka DC

²⁵ Warmin chachanaka, warminakamar munasipxam, kamisatix Cristox iglesiar munaski ukhama, jakañapsa iglesiap laykuw apt'asiwayi.

Aymar Bibliia 1986

²⁵ Chachanaca, munasipjjam warminacamaru, cunjämtejj Cristojj iglesiaru munasi, uqhamarac jacañapsa jupa laycu apt'asiwayi uqhama.

Qullan Arunaca

²⁵ Chachanaca, munasipjjam warminacamaru, cunjämtejj Cristojj iglesiaru munasi, uqhamarac jacañapsa jupa laycu apt'asiwayi uqhama.

Efesios 5:25 Jak'a apnaqawi uñst'ayäwi

Génesis 2:24

Ukatpï chachax awkipsa, taykapsa jaytxanixa, warmipampi mayachasxañataki, panpachanisti mä sapa janchïpkaspas ukhamäniwa.

Génesis 24:67

Ukatsti Isaacax Sara taykapan chhujllaparuw Rebecarux irpasxäna, ukatsti jupampiw jaqichasirakïna. Isaacasti walpun Rebecarux munasïna, ukhamat Isaacax taykapan jiwatapat chuymachasïna.

2 Samuel 12:3

ukampis jan utjirin jaqinxa mä sapa jisk'a ovejapakiw utjäna, uksti alasitaynawa. Jupa kipkaw uka oveja uywasïna, uka jisk'a ovejasti jupampi, wawanakapamp chikaw jilasïna; jupan manq'ap manq'asïna, umañapat umasïna, jupampi chikaw ikisirakïna. ¡Uka jaqisti jisk'a ovejaparux mä imill wawaparjamaw munasïna!

Cantar de los cantares 1:11

¡Qullqimp k'achacht'at quri aretenak lurarapipxäma!

Mateo 20:28

Jaqin Yuqapax janiw luqtayasir jutkiti, jan ukasti, taqinir luqtiriw juti, jakañapsa jaqinakar qhispiyañatak luqtasiriw juti —sasa.

Juan 6:51

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Hechos 20:28

Ukhamasti, jumanak pachpa amuyasipxam, iyawsirinakarus taqpachanir uñjapxarakim, Qullan Ajayuw jumanakar Tatitun iglesiap awatipxañamatak uchapxtam, wilapampiw uka iglesiap alasiwayi.

Gálatas 1:4

Jesucristox Dios Awkisan munañaparjamaw juchanakas layku jakañap apt'asiwayi, aka jan wali jakañat jiwasanakar qhispiyañataki.

Gálatas 2:20

Chiqpachansa, nayax Cristomp chikaw ch'akkatat uñjasta, janiw nayax jakxtti, jan ukasti, Cristow nayan jakxi. Jichhasti janchin jakaskasaxa, Diosan Yuqapar iyawsatax laykuw jakaskta, nayar munasin jakañap naya layku apt'asiwayi.

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

Efesios 5:24

Kamisatix iglesiax Cristor jaysixa, ukhamarakiw warminakax chachapar taqi kunan jaysañapa.

Efesios 5:28

Uka pachparakiw warmin chachanakax warminakapar pachpa janchiparjam munasiñapa. Warmipar munasir chachax jupa pachpaw munasi.

Efesios 5:33

Ukhamasti, sapa mayni jumanakay warmipar jupa pachparjam munaspan, warmisti chachaparux yäqarakpan.

Colosenses 3:19

Chachanaka, warminakamar munasipxam, janirak jupanakatakix qhurüpxamti.

1 Timoteo 2:6

Jupaw taqinin juchap qhispiyañatak jiwañar katuyasiwayi, uksti Diosax wakisitarjamaw Jesucristo tuqi taqinir qhispiyañatak munasiñap uñacht'äwayi.

1 Pedro 3:7

Chachanakasti warminakamampix suma chuymanïpxam. Kunjämarutix wakiski ukhamar jupanakar jach'ar aptapxam, jupanakax janiw jumanakjam wali ch'amanïpkiti, ukampis Tatitux wiñay jakañ churarakini. Jumanakatix ukham lurapxätaxa, Tatitux mayisitanakam ist'apuniniwa.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 5:9

Jupanakasti taqpachaniw aka machaq q'uchu q'uchupxäna: “Jumakiw uka qillqat katuñatak askïtaxa, sellonakap ch'iyaqañatakis askirakïtaxa, jiwayat uñjasitam layku; wilam wartasaw Diosatak alawayta, taqi jaqinaka, kunayman parlan jaqinaka, jisk'a markanaka, jach'a markanaka.