Efesios 4:17 - Qullan Arunaka DC

¹⁷ Ukhamasti ak jumanakar Tatitun sutipxar iwxt'apxsma: Janiy juk'ampi Diosar jan uñt'irinakjam jakxapxamti, jupanakax pantjat amuyunakaparjamakiw jakapxi,

Aymar Bibliia 1986

¹⁷ Acwa jumanacar sapjjsma uqhamarac ewjjt'apjjsma Tatitun sutiparu: Jan juc'ampejj Diosaru jan uñt'apqui uca jakenacjamajj sarnakapjjamti. Jupanacasti jan cunatac sirvir amuyt'anacaparjamaw jacapjje.

Qullan Arunaca

¹⁷ Acwa jumanacar sapjjsma uqhamarac ewjjt'apjjsma Tatitun sutiparu: Jan juc'ampejj Diosaru jan uñt'apqui uca jakenacjamajj sarnakapjjamti. Jupanacasti jan cunatac sirvir amuyt'anacaparjamaw jacapjje.

Efesios 4:17 Jak'a apnaqawi uñst'ayäwi

Nehemías 13:15

Khä urunakan nayax Judá uraqin uñjta: yaqhipanakax sábado uruna vino lurañatak uvanak takiskiri, trigo pichunak apnaqiri, asnonakxat vino, uva wayunaka, higonaka, kunayman q'ipinak khumunaqiri, ukhamaraki sábado uruna Jerusalén markaru apanipxiri. Ukat nayax jupanakar uka urun aljañanak aljapxatap layku tuqinuqta.

Jeremías 42:19

Jumanaka, khitinakatix Judá uraqir qhiparasipkta ukanakarusti, Tatitux sapxtamwa, ‘Egiptor jan sarapxamti’ sasa. Jichhasti sum ist'apxam, nayaw ukxa jumanakar yatiyapxsma.

Levítico 15:18

“Mä chachatix mä warmimpi ikintasin mayachasipxani ukkhasti, panpachaniw umampi jariqasxapxañapa, ukatsti panpachanirakiw jayp'ukamax q'añut uñt'at qhiparapxani.

Lucas 16:28

phisqa jilaxar iwxt'añapataki, ukhamat aka t'aqhisiñar jan jutapxañapataki’ sasa.

Hechos 14:15

—¡Tatanaka! ¿Kunatsa ukanak lurapxta? Nanakax jumanakjam jaqikïpxaraktwa. Nanakax uka inamay lurañanak apanukupxañamatakiw jumanakar parlir jutapxta, ukanak apanukusin jakkir Diosar arkapxañamataki. Jupaw alaxpacha, akapacha lurir Diosaxa, jach'a qutsa, ukanakan utjirinaksa.

Hechos 18:5

Silasampi Timoteompix, Macedonia markat purinipkän ukapachasti, Pablox Tatitun arunakap yatiyañarukipuniw uchasxäna, judionakar qhanpach uñacht'ayarakïna Jesusan Mesiasätapa.

Hechos 2:40

Pedrosti uka arunakampi, yaqha arunakampi kunaw jupanakar parläna, iwxt'asin sarakïna: —¡Aka ñanqha jucharar jakañat jithiqtapxam! —sasa.

Hechos 20:21

Judionakarusa jan judionakarus sapxsmawa: ‘Diosar kutikipstapxam, Tatit Jesucristosar iyawsapxarakim’ sasa.

Romanos 1:21

Diosar ukham uñt'kasasa, janiw Diosarjam yupaychapkiti, janirakiw yuspagarapkisa. Jan ukasti, juk'ampi jan wali lurañanakak lup'ipxi, amuyunakapas q'ala ch'amakt'atawa.

1 Corintios 1:12

Nayax sañ munta, jumanakat yaqhipanakax akham sapxi: “Nayax Pablonktwa”; mayninakasti: “Nayax Apolonktwa”; mayninakasti: “Nayax Pedronktwa”; mayninakasti: “Nayax Cristonktwa” sasa.

1 Corintios 15:50

Jilatanaka, sañ munapxaraksma, akapach janchix janiw Diosan markapar mantkaspati, tukusirïki ukasti janirakiw wiñay markankkaspati.

2 Corintios 9:6

Aka tuqit amtasipxam: Juk'ak yapuchirix juk'ak apthapi; walja yapuchiristi waljarak apthapi.

Gálatas 3:17

Nayasti sistwa: Diosax Abrahamampiw mä arust'äwi lurawayi, uksti qhanañchawayiwa. Diosan arsutapax janiw ina ch'usar tukuyatäkaspati, uka arust'äwis janirakiw pusi patak kimsa tunkan mara qhipat Moisesar churat kamachimp inamayar tukuyatäkaspati.

Gálatas 5:3

Circuncisión katuqir jaqinakaruw wasitat sista: Moisesan kamachiparjam taqpach phuqhas sarnaqañapawa.

Efesios 1:22

Taqi kunsa Criston munañanïñaparuw utt'ayi, pachpa Cristoruw iglesian p'iqipat uchawayi.

Efesios 4:22

Ukat jumanakax nayra sarnaqäwim apanukupxañama, uka sarnaqäwix sallqantir amtäwinakampi tukjatawa.

Deuteronomio 27:10

Ukhamasti, jupar jaysapxam, jichhürun sapksma uka kamachi arunakaparjamaw sarnaqapxäta.”

Colosenses 2:18

Jan khitis llamp'u chuymanjam tukus jumanakar juchañchpati, khitinakatix angelanakar yupaychapki ukanakaxa, jupanakasti unañchäwinak uñjapxta sapxiwa, ukampis ukax k'arikamakiwa, jan wali amuyunakapatsti jach'a jach'aw tukupxi.

Colosenses 2:4

Uksti jan khitis jumanakar suma arunakampi sallqjaskañapatakiw sapxsma.

1 Tesalonicenses 4:6

Janiy khitis uka tuqin jila masipar jan wal lurpati, janirak sallqantpasa, uk luririrusti Tatitux ch'amampiw mutuyi, kunjämtix niy iwxt'apksma ukhama.

1 Timoteo 5:21

Diosan nayraqatapana, Jesucriston nayraqatapana, ajllit angelanakap nayraqatapan iwxt'awaysma, aka luräwinak jan khitir yaqhachas phuqham.

1 Timoteo 6:13

Jichhasti taqi kunar jakañ churir Diosan nayraqatapan sisma, Poncio Pilaton nayraqatapan aski luräwit arsur Jesucriston nayraqatapan saraksma,

2 Timoteo 4:1

Diosan nayraqatapana, Tatit Jesucriston nayraqatapana, khititix jiwatanakaru, jakirinakaru taripir Reyjam jutkani ukan nayraqatapan wal iwxt'sma,

1 Pedro 1:18

Tatitusti, jumanakarux nayra awkinakamat katuqapkayäta uka ina ch'usa jakañatsa qhispiyapxtamwa. Jumanakax sum yatipxtaxa, uka qhispiyasiñax janiw tukusir qurimpis qullqimpis alatäkiti,

2 Pedro 2:18

Jupanakasti jaqinakampi yäqayasiñatakix suma arunak sapxi, ukasti chiqpachansa inamayakiwa. Ukatsti yaqhipanakarux jan wali lurañanakap lurañapatakiw wayt'apxi, jucha lurañanakat jaltirinakarux wasitat uka jan walinakar irpapxi.