Efesios 3:3 - Qullan Arunaka DC

³ Diosax mä unañchäwi tuqiw nayarux imantat amtäwip yatiyitu, ukxat qalltan yatiyapksma mä juk'a arunak qillqanisa.

Aymar Bibliia 1986

³ Diosajj jan amuyt'cañ imantat arunacapwa yatiyaraquitu, cunjämtejj kalltan yatiyapcsma mä juc'a arunaca kellkanisa uqhama.

Qullan Arunaca

³ Diosajj jan amuyt'cañ imantat arunacapwa yatiyaraquitu, cunjämtejj kalltan yatiyapcsma mä juc'a arunaca kellkanisa uqhama.

Efesios 3:3 Jak'a apnaqawi uñst'ayäwi

Hechos 22:17

“Jerusalenar kuttasinti, Tatitun utaparuw Tatitur mayisir sarta. Ukansti mä unañchäwi uñjta.

Hechos 22:21

Ukampis Tatitux situwa: ‘Sartasim, nayax wali jaya markanakaruw khithäma’ ” sasa.

Hechos 23:9

Ukapachasti taqiniw jach'at arnaqasipxäna; kamachinak yatichir fariseonakat yaqhipanakax sayt'asisin sapxäna: —Aka jaqin janiw kuna jan wali luratapsa jikxatapkti. Inas jupar mä ajayus jan ukax mä angelas parlxaychi —sasa.

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

Romanos 16:25

Diosaruy yupaychapxañäni, jupaw jumanakarux ch'aman tukuyapxiristam, nayax jumanakar Diosan suma yatiyäwi arunak yatiykta ukarjama, Jesucristo tuqit yatichäwiparjama. Akasti Diosax imantat amtäwinakap uñstaykän ukarjamawa, ukasti akapachax janïr utjkän ukkhatpach imantatäskänwa,

2 Corintios 12:1

Jach'achasiñax janiw wakiskiti. Ukampis Tatitut katuqat unañchäwinakata, qhanañchäwinakat arsuñaxawa.

Gálatas 1:12

Janiw nayax khiti jaqitsa katuqkti, janirakiw khitis yatichkituti, jan ukasti, pachpa Jesucristow nayar yatichitu.

Efesios 1:17

Tatit Jesucristosan muspharkañ Dios Awkiparuw mayta, ajay tuqin yatiñ kankañ jumanakar churañapataki, Diosan uñacht'äwip sum amuyapxañamataki, jupar juk'amp uñt'apxañamataki.

Efesios 3:4

Uka qillqat ullart'asax amuyapxasmawa, kunjämtix Diosax Cristo tuqi uka imantat amtäwip phuqki uk nayan amuyt'ataxa.

Efesios 3:6

Uka jan amuyt'kañ amtäwix akawa: Tatitun qhispiyasiñ arunakap tuqiw jan judiöpkis ukanakax judionakamp chik pachpa waxt'äwi katuqapxani, ukhamarak mä sapa markar tukutakïpxani, kuntix Diosax Jesucristo tuqi arsuwaykäna uksa, katuqapxarakini.

Efesios 3:9

Ukatsti taqi kun lurir Diosax wiñayatpach imxäskatayna uka amtäwipat taqinir yatiyañaxatakiraki.

Efesios 6:19

Nayatakis Diosat mayipxarakim, kuna arsuñaxatix wakiski uk Diosax nayar churañapataki, ukhamat Diosan imantat amtäwip ch'amampi parlañaxataki, ukasti Diosan suma yatiyäwi arunakapawa.

Colosenses 2:2

Jupanakax chuymapan wali ch'amañcht'atäpxañapataki, munasiñan mayakïpxañapataki, chiqpach amuyumpi phuqt'atäpxañapatakiw ch'am tukuskta, ukhamat Diosan amtäwip uñt'añataki, ukasti pachpa Cristowa,

Colosenses 4:3

Nanakatakis Diosat mayipxarakim, Tatitun punkunak jist'arañapataki, ukat arunakap parlañataki, Criston imantat amtäwip qhanañchañataki, uka laykuw jichhas nayax katuntatäskta.

Hebreos 13:22

Jilatanaka, aka juk'a iwxa arunak taqi chuymay katuqt'asipxam.

1 Pedro 5:12

Silvanox nayatakix mä suma aski jilatat uñt'atawa, juparakiw aka qillqat lurañatak yanapt'itu, jumanakar iwxt'añataki, ukhamaraki kuna waxt'äwinaktix katuqapkta ukanakan Diosan chiqa munasiñapätap yatiyapxaraksma. Jupar churatäpan qhapaq kankañasa, munañan kankañasa, wiñayan wiñayapataki.

2 Pedro 3:15

Amuyasipxam, Jesucristo Tatitusax suma chuymapampiw uñjaskistu, ukax jiwasan qhispiyasiñasatakiwa. Ukhamarak Pablo jilatasas Tatitun amuyt'ayataparjamaw jumanakar ukxat qillqt'anipxtam.