Efesios 3:1 - Qullan Arunaka DC

¹ Ukat naya Pablox Cristo Jesús layku katuntatäta, jan judiöpktas ukanakatak aski.

Aymar Bibliia 1986

¹ Ucatpï naya Pablojj Cristo Jesús laycu preso catutätjja jumanacataqui jan judiöpctas ucanacatac asqui.

Qullan Arunaca

¹ Ucatpï naya Pablojj Cristo Jesús laycu preso catutätjja jumanacataqui jan judiöpctas ucanacatac asqui.

Efesios 3:1 Jak'a apnaqawi uñst'ayäwi

Lucas 21:12

“Ukampis taqi akanak nayraqatasti, jumanakaruw katuntapxätam, t'aqhisiyañatakiw arknaqapxarakïtam. Sinagoganakaruw taripañatak apapxätam, carcelaruw uchantapxätam, ukatsti reyinakana, marka apnaqirinakan nayraqataparuw sutix layku irpapxätam.

Hechos 21:33

Jilïristi jak'achasisin Pablorux katuntäna, ukatsti pä cadenampiw ñach'antayäna. Ukat jaqinakar jiskt'araki: “¿Khitis aka jaqixa? ¿Kunarak lurataynasti?” sasa.

Hechos 23:18

Uka capitanasti irpasin jilïriparuw säna: —Katuntatäki uka Pablow nayar jawsitu, ukat aka yuqall wawa juman ukar irpayanitu: “May yatiyañ muni” sasa.

Hechos 26:29

Ukxaruw Pablox sarakïna: —Mä juk'a pachatsa jan ukax, walja pachatsa, Diosax jan juma saparuki, jan ukasti, khitinakatix jichhür ist'apkitu ukanakan nayjam tukupxañap munpan, ukampis jan nayjamax aka cadenamp ñach'antatäkarakpati —sasa.

Hechos 9:15

Tatitusti Ananiasarux sänwa: “Saraskakim, nayaw uka jaqirux ajllista yaqha markankir jaqinakaru, reyinakaru, israelit jaqinakampir nayat arsuñapataki.

2 Corintios 1:6

Nanakan t'aqhisiñaxax chuymachasiñampi, qhispiyasiñampi jumanakatak utjayi; Diosatix chuymachapxchistuxa, jumanakan chuymachasiñax utjañaparakiwa, jumanakan nanakjam pachpa t'aqhisiñanak wali ch'amampi t'aqhisipxañamataki.

2 Corintios 10:1

Naya Pablow jumanakar Criston suma munasiñap layku achikt'asipxsma, jumanak taypin jikxataskta ukkhax “wali axsarir jaqiw” sapkchitu ukasa, jumanakat jayan jikxataskta ukkhasti “wali qhuru jaqiw” sapkchitu ukasa.

2 Corintios 11:23

¿Jupanakax Criston irnaqiripäpxiti? Nayax jupanakatsa juk'ampïtwa, ukham parlasax inas mä luqhi jaqjam parlsta. Nayax jupanakat sipan juk'ampi irnaqawayta, nayarux jupanakat sipan walja kutiw carcelar jist'antapxitu, nayax jupanakat sipan juk'ampi jawq'jataw uñjasta, walja kutiw jiwayat niy uñjasta.

Gálatas 5:11

Jilatanaka, nayatix jumanakaru: “Circuncisión katuqapxañamawa” sapxirismaxa, judionakax janiw jiwayañatak arknaqapkitaspati. Ukhamäspa ukasti Criston cruzapat parlañax janiw jupanakar mayjt'aykaspati.

Gálatas 5:2

Ist'apxita. Naya, Pablow sapxsma, jumanakatix circuncisión luräwi phuqhapxätaxa, Criston luratapax janiw kunatakis jumanakatakix askïkxaspati.

Gálatas 5:24

Tatit Jesucristonkirinakax, janchin munañanakapar wayusir chuymap ch'akkatxapxiwa, ñanqha amtañanakampiru, munañanakapampiru.

Efesios 3:11

Diosasti taqi akanak wiñay amtäwiparjamaw Jesucristo Tatitus tuqi luri.

Efesios 3:13

Ukat jumanakarux achikt'apxsma, jumanak layku t'aqhisitaxat jan ch'am laq'ayasipxamti, ukatsipana ukax jumanakatakix mä jach'añchäwiwa.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Efesios 4:1

Ukat nayax, Tatit layku katuntatäsin achikt'apxsma, khitinakatix Diosan jawsatäpkta ukanakasti, kunjämtix lurapxañamäk ukhamar sarnaqapxam.

Efesios 6:20

Diosaw nayarux aka yatiyäwi uñt'ayañatak khithitu, ukatarak jichhas katuntat uñjasta. Diosat mayipxam, nayan jupat jan axsaras parlañaxataki.

Filipenses 1:7

Jumanakat ukham lup'iñaxax askiwa, nayasti jumanakarux walpun munasipxsma, katuntat uñjasïwixana, jilïrinak nayraqatan qhispiyasiñ arunakax chiqaw sas arsusïwixana, jumanakax nayampi chikäpxtawa.

Colosenses 1:24

Jichhax jumanak layku t'aqhisisax kusistwa, ukhamat pachpa janchixan kunatix Criston iglesiap layku t'aqhisiñax jan phuqhatäki uk phuqhaskta.

Colosenses 4:18

Naya, Pablow aka arunta pachpa amparaxampi qillqanipxsma. Amtasipxam, nayax katuntatätwa. Diosan munasiñapay jumanakampïpan.

Colosenses 4:3

Nanakatakis Diosat mayipxarakim, Tatitun punkunak jist'arañapataki, ukat arunakap parlañataki, Criston imantat amtäwip qhanañchañataki, uka laykuw jichhas nayax katuntatäskta.

2 Timoteo 1:16

Tatituy Onesiforon wila masipat khuyapt'ayaspan, jupasti walja kutiw chuymachitu, janirakiw nayan katuntat uñjasitaxat p'inqaskiti.

2 Timoteo 1:8

Tatitusat yatiyañ jan p'inqasimti, Jesucristo layku katuntat uñjasitaxatsa janirak p'inqasimti. Ukatsipana, Diosan ch'amapampix kuna t'aqhisiñanakatix suma yatiyäwi layku jumatak jutkan ukatakix wakicht'asim.

Filemón 1:1

Naya Pablow Cristo Jesús layku katuntatäsina, Timoteo jilatamp kuna aka qillqat apayanipxsma, nanakamp chika irnaqir munat Filemón,

Filemón 1:23

Epafras jilatax aruntantamwa, jupasti Cristor arkatap laykuw nayamp chika carcelankaraki.

Filemón 1:9

ukampis munasiñat jumarux achikt'asiñ munsma. Naya, Pablox niya chuymanïxtwa, jichhasti Cristor arkatax laykuw katuntatäsin,

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.