Efesios 2:3 - Qullan Arunaka DC

³ Taqi jiwasanakax uka kipkarakiw nayrapachax jakäyätan, ñanqha amtäwinakasar arkasa, janchisan munañanakaparjama, amtäwinakasarjam phuqhasa. Uka laykusti, Diosan axsarkañ mutuyäwip mayninakjam katuqañasaw wakisïna.

Aymar Bibliia 1986

³ Take jiwasanacaw uqham nayrapachajj jacayätan, munañanacasarjama sarnakasa, janchin munañanacaparjama phokhasina, amtäwinacasarjama sarnakasina. Ucatpï Diosan ajjsarcañ mutuyäwip mayninacjama catokañasajj waquisïnjja.

Qullan Arunaca

³ Take jiwasanacaw uqham nayrapachajj jacayätan, munañanacasarjama sarnakasa, janchin munañanacaparjama phokhasina, amtäwinacasarjama sarnakasina. Ucatpï Diosan ajjsarcañ mutuyäwip mayninacjama catokañasajj waquisïnjja.

Efesios 2:3 Jak'a apnaqawi uñst'ayäwi

Génesis 5:3

Adanasti patak kimsa tunkan maranïnwa kunapachatix Set sat wawapax yurkän ukapachaxa, uka wawapasti jupa kipkakipunïnwa.

Génesis 6:5

Tatitux jaqinakan sinti jan walinak lurapxatap uñjäna, jaqin ñanqha lurañakpuni amtaskatapa,

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

Job 14:4

Janiw khitis q'añu kankañatxa, q'uma kankañ apskaspati,

Job 25:4

¡Dios nayraqatanxa, janiw khitis q'umätwa siskaspati!

Salmos 51:5

5 (7) Nayax yuritaxatpach juchanïtwa; taykaxan purakapatpach juchanïtwa.

Isaías 53:6

Taqi jiwasanakaw ovejanakar uñtat chhaqtan, sapa maynis pachpa amtataparjam lurasa, ukampis Diosax jupxaruw jiwasan mutuyatäñanakas apxaruyi.

Marcos 4:19

jupanakax akapach yänakaruw sinti munapxi, qamiriptañ munañaw mayjt'ayi, taqi kunanïñ munapxi. Taqi ukanakaw chuymanakapar phuqhanti, Diosan arunakap q'al chhaqtayi, uka jaqisti jan achuniw uñjasi.

Juan 1:13

Jupanakasti janiw jaqin munañapat janchin yuritäpkiti, jan ukasti Diosan wawanakapäxiwa.

Juan 8:44

Jumanakan awkimax supayawa, jumanakax jupankapxtawa, ukat kuntix supayax munki uk lurapxaraktaxa. Supayax qalltatpach jaqi jiwayiriwa. Janiw jupax kunapachas chiq arskiti, jupan k'arïtap layku. Kunapachatix k'arinak arski ukkhax jupa pachpat parlaski; k'arïtap layku, k'arin awkipätap laykuraki.

Hechos 14:16

Nayra urunakan Diosax taqi jaqinakarux munañaparjamakiw sarnaqayäna.

Romanos 1:24

Ukat Diosax jupanakan kunayman ñanqha amtatanakapar katxaruyi, ukatsti jupanakpurax p'inqaskañanak lurapxi.

Romanos 11:30

Nayra pachanxa, jumanakax janiw Diosarux jaysapkäyätati, jichhasti judionakan jan jaysirïtap laykuw Diosax jumanakat khuyapt'ayasipxtam.

Romanos 13:14

Ukatsipana, jumanakax Jesucristo Tatitump isthapisipxam, janirak janchin munañanakapar jaysapxamti.

Romanos 2:14

Jan judiöpki ukanakansti janiw kamachipax utjkiti, ukampis kuntix kamachix siski ukarjamaw lurasipki, kamachix jupanak pachpäkaspas ukhama,

Romanos 5:10

Kunapachatix Diosan uñisiripäkäyätan ukkhaw Wawapan jiwatap tuqi jupampi sumankthapxtan, ukatarak jakañap tuqi qhispiyatäñäni, jichhasti jupampi sumankthapitäxtanwa.

Romanos 5:9

Jichhasti, Diosax Criston jiwatap tuqi jaqinakar aski tukuyatapatxa, ukatpï jichhax jupïpan wiñay mutuñat qhispiyatäpxañänixa.

Romanos 6:12

Ukhamasti juchax janiy jumanakan jiwir janchimar apnaqkpanti, janchin munañanakapar jaysasa.

Romanos 7:18

Nayasti yattwa, nayan janchi kankañaxan janiw kuna askis utjkiti; ukampis aski lurañ munkasas janiw lurirjamäkti.

Romanos 9:22

Diosasti, mutuyaña, ch'amap uñacht'ayañ munasax wal llamp'uchasïna, khitinakatix mutuyatäñ wakiskäna, chhaqhañar sarkän ukanakataki.

1 Corintios 4:7

Ukampis, ¿khitirak jumarusti mayninakat sipan juk'ampi sum churtamsti? ¿Kunatix utjktam uksti, janit Diosasti churktamsti? Jupatix churstam ukasti, ¿kunatarak jach'a jach'a tukta jumas jikxataskasma ukhamsti?

2 Corintios 7:1

Ukhamasti munat jilatanaka, Diosan taqi aka arsutanakapax jiwasatakiwa. Ukatpï taqi kunatix q'añuchkistaspa ukat jithiqtañasaxa, ukatsti janchisana, ajayusansa q'uma sarnaqañasaw wakisi; Diosar axsart'asasti q'uma jakäwi jikxatañatak ch'amachasiñäni.

Gálatas 3:22

Qillqatan siski ukarjamax, taqiniw juchan katuntat jakapxi, ukax ukhamaw khitinakatix Jesucristor iyawsapki jupanakan, Diosan arsutap katuqapxañapataki.

Efesios 2:2

jiwatäsipkäyätawa, akapach amtäwinakaparjamaw arkasipkäyätaxa, kawkïr ajayutix alaxan apnaqki, Diosar jan jaysirinakar ch'amañchki ukan munañap lurasipkäyätaxa.

Efesios 4:22

Ukat jumanakax nayra sarnaqäwim apanukupxañama, uka sarnaqäwix sallqantir amtäwinakampi tukjatawa.

Colosenses 1:21

Jumanakasti nayrax Diosat jayarst'ataw jakapxäyäta, jan wali luratanakam laykusti, chuymanakaman jupan uñisiripäpxäyätawa,

1 Tesalonicenses 4:13

Jilatanaka, jiwatanakat sum yatipxañam munapxta, ukhamat jumanakan jan suyt'añan jaqinakjamax jan llakisisipkañamataki.

1 Tesalonicenses 5:6

ukat mayninakjam jan ikiñasäkiti, jan ukasti taqi amuyusan p'arxtatäñasawa.

1 Timoteo 6:9

Qamirir tukuñ munirinakax kunayman yant'anakaruw jalt'apxi, pisi t'axmar amuyun sipitaparuw jalt'apxi, ukaw jaqir aynacht'ayi, juchañchäwir puriyaraki.

Tito 3:3

Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

1 Pedro 1:14

Ist'asir wawanakjamaxa, jan munañanakamarjam sarnaqapxamti, kunjämtix Tatitur janïra uñt'kasax sarnaqapkäyäta ukhama.

2 Pedro 2:14

Mä warmirus janiw aliqak uñtapkiti, janirakiw jucha lurañampis sist'asipkiti. Pisi amuyt'aninakarusti jucharuw puriyapxi; wali mich'äpxiwa; ñanqha jaqinakäpxapuniwa.

2 Pedro 2:18

Jupanakasti jaqinakampi yäqayasiñatakix suma arunak sapxi, ukasti chiqpachansa inamayakiwa. Ukatsti yaqhipanakarux jan wali lurañanakap lurañapatakiw wayt'apxi, jucha lurañanakat jaltirinakarux wasitat uka jan walinakar irpapxi.

1 Juan 2:16

Akapachax kuntix uñacht'ayki ukax janiw Dios Awkit jutkiti, jan ukasti akapachat sarti. Ukatsti akapachax akhamanak uñacht'ayi: janchin munañap lurañanaka, nayrampi uñtas munapayañanaka, qamir yänakat jach'a jach'a tukuñanaka.

1 Juan 2:8

Ukatsipana, jichha qillqanipksma ukax machaq kamachiwa, ukasti Cristonsa, jumanakansa chiqapawa, ch'amakax chhaqtaskiwa, chiqpach qhanaw niy qhantasinki.